وماذا بعد

البارت 1

بقلمي سُرى صَدام
(البداية :؛ وماذا بعد )
( البارت 1)
شتاء ٢٠٢٠ الساعة ١٠ مسائاً
الموصل
ببداية سنة ٢٠٢٠ وانا اتمنى هل سنة تكون خير الي صعدت فوك السطح ادعي من كل گلبي فلان يكون الي لأن شبعت ضيم بهل بيت وبوسط شهكتي وانا أناجي ربنا ..امي تصيحلي نزلت ركض وانا اسمع صوتها ويا الطم على خدودها عزا العزاني شسويت !

تغريد : لج اساور تعالي ولج شمصخمه

اساور : شنو يمة شنو شكو

بعدني مامكملة البايات اجت ركض سحبتني
من الشيلة الي مغطية شوية من شعري الكيرلي وعلى كولتهم (سبرنكات) سحبتني وتصرخ
: لج راح يذبحوج اخوتج ولج يمة ليش ليش شمقصرين وياج
احنا سحبت شعري من أيدها بكل قوتي وضربت على صدري زفرت نفس ومسحت دموعي الي باقية على خدي ووخرت شعري عن عيوني وصرخت بوجها لأول مرة بحياتي وحجيت بحركت روح

:شنو يذبحوني شسوووويت شسويت شو كاعدة وساكته واشتغل مثل
الخدامة عدكم لج يمة ذليتوني من يوم موت أبوية ماخليتو شي ماسويتو بية خلي يذبحوني شو خلي يذبحوني اذا بيهم.. خير اكول الكلام واضرب على صدري وشهكاتي ماوكفت أثناء صراخي طب اخوية من برا على المطبخ فوراً سحب السجينة وطبوا البقية ورا اخوتي الثلاثة وزوج اختي وابن عمي كلهم تقدموا علية شون يريدون ياخذون فريستهم بوسط غابة ومابيها ضعيف غيري بديت ارجع ليورا وامي حاميتني ورا ضهرها وتكللهم (بلكي جذب ها بوية محمد لا تتهور هاي اختك) طبعاً النذل حاطينا بالمقدمة وهما ورا حراسة واكفين خاف اطلع من بينهم من الرعب والخوف من المنظر فوراً وكعت بالكاع وحطيت اديه ورا ضهري وسحبت روحي لأول مرة احس بالعجز كأنوا انشليت ! رجليه يابسات مايتحرن بعد منازعات حتى يصلني وامي تتلاوه ويا لكن كدر يوصلني للأسف مسكني من زندي بقبضة أيده قوي شهكت وعيوني تتوسل بي يعوفني وحجيت بعجز ومكطوع نفسي

: محمد بروح بابا تعوفني وحق هذا الله اذا عندي شي راح اكول
احجي واحس عيوني تصب جمر مو دموع بعز البرد حسيت بنار بگلبي وبقيت وانا بنص الطارمة كاعدة وهما واكفين فوك راسي كلهم ومحمد منتظرني احجي شسويت وانا مااعرف شنو عرفو بالضبط بس دام وصل للذبح أيقنت انفضح حبي لسجاد غمضت عيوني وانا انتظر مصيري وهو يقرب السجينة على ركبتي وانا ساكتة مااريد افضح روحي واتفشل كدام الكل سلمت نفسي وكأنو داكله اي كمل ذبحك انا فعلاً اجرمت بوسط تفكيري حسيت بشي نزل على اديا الي ذابتهم بحضني مثل الطير المذبوح حسيت بقطرات حارة نزلت تدفي ايدي الباردة بس متأكدة هاي مادموعي معقولة أنا انذبحت وانا ماحاسة وهذا دم !..