وماذا بعد

البارت 4

الكاتبة سُرى صَدام

تغريد : قبل يومين رائد ابن عمج كل شوية يخابر اخوج محمد على اساس لأن هو الجبير العاقل اشوفه كل شوية يطلع من البيت ويرجع متعصب بس كدامج يتغير ومن تروحين من يمه دائما انتبه على كلامه يكول بهمس والله اذا طلع كلامه صحيح اموتج ولمن سألته كال سمعتي غلط حاولت اتناسى تالي البارحة بليل خابرني محمد كال
:كولي البنتج خلي تتمنى الموت بدل الامنيات الي ماراح تتحقق الساعة ١٢ ببداية السنه  احتفل وكدامي جثتها
وقفل الخط مابقى دعاء اذا مادعيته مابقت سورة وآية اذا ماقريتهم خابرت على وليد اخوج لأن هذا اكثر واحد عاقل بينهم رغم صغر سنه فتحه وصوته مبحوح مال واحد جان ديصرخ بس كال
:الو يُوم
وبجه بحركه
وليد :ولج يمه مصورين اختي ويا سجاد ابن ناديه عدوتج تالي عمري اتعاير ويشككون بشرف اختي يمه ادعيلي اموت قبل مااصل البيت بروح أبويه تدعيلي..
بعدها سمعت صوت محمد ديكول
ولك انت مره وتتبجبج ولك اليوم امحيها من أرضها
صارت وشه بالسماعة بعدها سمعت صوت ركض وفصل الخط والباقي صار كدامج كملت كلامها وانا دموعي ماوكفت انهاريت

:يمه سجاد مامثل أمه والله مدري شغيره بس انطوني فرصه ابرر موقفي عليكم الله

:ياموقف اساور حبج لسجاد وتعرفين أمه شسوت بية لو وكفتج بالبلكون وانتي تكليلي يمه مخنوكه اريد اشتم هوى الهوى طلع ابن ذيج الماتتسمى غلطتي غلط جبير باوعي اساور خابرت صديقتي من بغداد راح تجيج بعد شكم ساعة كومي جهزي روحج وختفي من هل بيت
رفعت وحواجبي وضربت على صدري
:لا يُوم الله يخليج والله هيج تدفنوني بالحياة مااكدر اعوفج يمه أنا مانام اذا مااجي احضنج ماانام اذا مااتأكد متغطيين زين كلكم ويمكم الماي مايوم نسيت اسقي الزرع مال بابا حتى حتى لا يكول عافت حديقتي عطشانة يمه اذبحوني ولا تطلعوني من هل بيت روحي بي والله روحي بي
خزرتني وضربتني على حلكي وكفت على حيلها وكامت تبجي
: دامج هيج حنينه ولج دامج هيج تحبينا وتخافين علينا شكو رحتي على هذا الي حتى ماسأل عليج ولج هذا أمه ناديه شجنتي منتظرة منه ها عبالج راح يجي يكعد أهنا ويطبطب عليج ويكلج عفت الكل علمودج قسم بالله اذا ماكمتي بدلتي هسة اخابره اكله تعال اذبحها كووومي جرتني من ايدي وفكت السيلان  لبستني عبايتها وذبت شال على راسي وسحبت الجنطة من جوه السرير كامت تمشيني وانا ابجي بصوت واتوسل تبقيني اهنا وهي تكول
تغريد :أمانة ابوج انتي أمانة حبيب روحي تريدين اعوفج تموتين لو موتيني هم ماراح اكلج ليش هذا الي عفت ديرتي علموده مدري شون وصلت باب الشارع حطت بأيدي ورقة وصورة كالت
:هذا رقمها وهاي صورتها حطيتلج موبايل بالجنطة وخط جديد خابريها وعلميها انتي وين وأبد لا تتصلين علية حتى مايعرفون وينج ابد اعتبرينا متنا وهذاك بيتج الجديد فتحت الباب وطلعتني وانا ابجي واكللها : لج يمه اخاف والله اخاف مااكدر اعيش بعيد عنكم حضنتني وشمتني بقوة رجعت مسكت خدودي بكفوفها وحجت وهي تباوع على عيوني حتى افهم كلامها
: حتى يبقى عطرج بريتي يابعد امج .  ركضي واخذي تكسي فوراً وتصلي على رقم خالتج ولا تخلين أحد يلمحج هزيت راسي بمعنى اي سدت الباب وانا بعدني واكفه اباوع على بيتنا اتأمله وكأنوا اعرف ماراح اشوفه بعد مسحت دموعي الي مابطلوا ينزلون وركضت بعدين وجعتني رجلي كوه مشيت وصلت الشارع وأخذت تكسي باوعت على الساعة صايرة بالثنتين الضهر وماهتميت ٢وشكد المهم اكو ضو اتصلت على الرقم اول مافتحت الخط كلتلها الو خاله انا اساور كملت جملتي وشهكت حسيت روحي راح اموت كوه كمت اتنفس اجر النفس طلع مني صوت مثل الي كاعدة تنازع حسيت العالم ضاق بيه مدري شون طلعت مني الجملة خفت ماتعرفني وتفصل الخط صار عندي ردة فعل اخاف الكل يفصل الخط بوجهي ويتخلى عني سمعت صوت شهكتها حسيت هي الي اختنكت ماانا بعدها مدري شصار بس اسمع صوت ركض وكالت يمه اسم الله راحت بنيتي راحت
وكع الموبايل مني وصرت اكح ويطلع دم بعدها انضرب راسي بباب السيارة وغمضت عيوني ...

رأيكم رمقاتي 🤍