وماذا بعد

البارت 5

الكاتبة سُرى صَدام

كعدت شفت نفسي بالمستشفى اخذت نظرة سريعة على المكان هاي المستشفى اعرفها ! معناها لسة أنا بالموصل كمت ابجي مثل الطفلة اجت الممرضة همست على راسي وكالت
:ماكو شي حبيبي هسة تجي امكِ غاحت دتجيب جاي وتشتغيلكي دوه
نوب من سمعت اللهجة تأكدت ازيد يعني أنا ماكاعدة أتخيل أن انا بعدني بالموصل احس قلبي راح يطلع من مكانة من كالت امكي يعني اشنو أنا رجعتو على نفس المكان الي انا بي معناها راح اموت فعلاً هل مرة.. مسكت معصمها بتعب
:الله يخليكي دكتورة بس قليلي اكو احد مع امي كان ؟
:اي حبيبي كان معاها شاب بس والله خطي امكي ماتت خوف عليكي مرتين اتخربطت تالي قلتولها غوحي اشغبيلكي جاي أنا ادير بالي عليها .. قربان قلبكي حبيبي انا مادكتورة أنا ممريضة هوني صيحيلي بنين حتى ماادوخكي
عفت كلامها كله وركزت أن اكو احد معاها منو وليد محمد اخوتي البقية ! رجعت بصعوبة اتنفس حطتلي الاوكسجين وسحبت نفس قوي سحبته من وجهي وهي ترجعه تكول والله مايصيغ لا تموتين لا سامح الله هزيت راسي وكلتلها
: بس قليلي اشون شكل الولد الي معاها حبابة : يعني شاب عادي طويل ضعيف حيل اشقر و..
بعد ماكملت كلامها ونسحبت البرده (الستارة) طبعاً كذا مريضة بالغرفة ماغرفه مخصصة لمريض واحد بس اكو ستائر يعزل بين المرضى وسعت عيوني وعدلت نفسي
: جيتج يابعد امج جيت ابقي متمدده لا يصيرلج شي بعدني بحالة صدمه بس ارمش بعيوني
:انتي منو خالة
:أنا صديقة امج ولج اساور خايبة ناسيتني
الممرضة ابتسمت
:زي كنتو عدقللها امكي تالي طلعتي صديقة امها .. خالي مثل ماوعدتوكي بقيتو معاها هسة اسمحولي اغوح على شغلي وان شاء الله بس يكمل السيلان تطيقين تطلعيها
المره الي دتكول أنا صديقة امج حضنت الممرضة وطبطب على كتفها
: الله يحفظج بنيتي ويكثر من امثالج روحي يمه روحي على شغلج
حطت فلوس بأيدها اعتقد ٢٥الف والبنت تحلف وتقسم ماتاخذ وخاله لحت الا تأخذين تكللها حتى تتعيشين بيها طبعاً كل هل الحوار ديصير وانا بس صافنه كملن كلامهن وراحت الممرضة بنين
اجت صديقة ماما همست على شعري وبتسم
:يمة فدوه للسبرنكات ابتسمت بتعب تذكرت ماما من تكلي فدوه للسبرنكات .. رديت
: شكراً خالة
هزت راسها بأسف وكالت ..

: لج سارونه ماتعرفيني ؟ ماتتذكرين شون جنت اشيلج وافتر بيج
:والله خالة مااذكر عقل مابقى براسي
ضحكت ورادت تلطف جو بس صار العكس
: طبعاً ياعيني الحب ماخذ عقلجن انمرد گلبي مو جملة جانت سجاجين أدركت أن هي غلطت فوراً غيرة الموضوع
:اي سارونه ماما تجين عندي وادللج واشتريلج كتب مثل ماجنت اشتريلج وانتي صغيرة بعدها ماكملت كلامها ضربتني على راسي بخفه رجعت كملت كلامها وكالت
:لج خايبة خاف عفتي الكتب وبعد ماتحبيهم باوعي أنا عفتج بعد جان عمرج ثلاث سنوات جنت اشتري كومه كتب اطفال واقرالج نوب انتي جنتي تكولين تملي ملام تملي (كملي مرام كملي ) بعد عمرج سنة انتي تحجين  رغم حجيتي بعمر صغير بس بقيتي خروس كل هل كلام والذكريات الي حجتها خالة مااذكرها زين لكن جاملتها وكلتلها
:بلي اذكر ..وهماتين بعدني اقرأ واحب الكتب ماعفتهم ابد
: اول كلمتين احسج جذابة بيهن ماتذكرين بس اخر جملة صح لان شايفة مكتبتج امج مصورتلي هي وكالت متعلقة بيها هواي بس ردت اعرف تجاوبين لو تغلسين نزلت راسي بحجة اعدل الفراش نزلوا دموعي ويا كلامي بهمس
:عفتها بعد هل تعلق ماهو كلشي تعلقت بي راح مني
:يرجع كلشي يرجع بس انتي كومي على حيلج ياماما مايصير تبجين لعد شون راح تكونين قوية وتواجهين بعدلج كومه عثرات عمرج حيصير ٢٠بعد كم يوم أهنا راح تبدي حياتج كبنت واعية وفاهمة راح يوكفون كومه انذال بطريقج ويحاولون يكسروج بس انتي بقوتج وايمانج بربنا راح توكفين وتكملين وانتي غلطي وماكو انسان معصوم من الغلط شنو يعني غلطي راح تدفنين روحج ! لا طبعاً يابنيتي اعترفي بغلطج  وذكري دائما اول طريقة لتصحيح الغلط هي الاعتراف به
من كلامها وحنيتها حسيت فعلاً قريبة عليه حسيت ريحة ماما بيها فتحتلها اديا بتعب وحضنتها غطيت وجهي بشالها مثل الطفل وبجيت بجيت لأن حسيت بغلطي صح أنا مااعرف شمسويه ام سجاد لاهلي بس انا عاندت وحبيته بالسر وهذا اكبر غلط ومن هل ثانية اعترفت بغلطي بعدها كملنا اجرائات الخروج .. يتبع