وماذا بعد

البارت 10

الكاتبة سُرى صَدام

سحب كرسي وكعد حط رأسه على الميز شكله تعبان هواي عيونه كوه يفتحهن طلعت طماطمة من الثلاجة قطعتها وحطيت الجاي على النار ومااعرف وين الطاوات كل الكاونتر فتحته يلا لكيت طاوه صغيرة حطيتها على النار وسويت الطماطة مدري ليش كل شويه اباوعله وجها صاير بتجأهي حاط اديه جوه رأسه ومغمض كملت الاكل وحطيته على الميز كلتله

:صار الاكل
مارد رجعت عدت الكلام هم مارد خفت وحطيت ايدي على كتفه ضربته بخفه حتى يكعد

:ايااان
فز مخروع من صوتي
: ها ها

: الاكلل

:اي هاهية شكراً بعدين شكو تحجين بنتر

:غير اكعد بيك وانت فايت غيبوبة

:اسف مدري شبيه اليوم

:خاف مريض

:لا

:بلي والله مبين مريض
سحب صمونه وقطعها غمسه بالطماطة رفع عينه عليه لأول مرة مدري ليش ارتبكت

:كلتلج لا .. اذا جوعانة كعدي اكلي

:لا شكراً

عفته وكعدت بالكاع مال مطبخ كمل اكله وغسل على السنك كال وصوته كوه يطلع

:لا تكعدين بالكاع باردة فوتي يم الصوبه رفعت راسي عليه راح ارد هو عافني ديمشي راح يفوت وداخ مسك الميز ركضت عليه رغم المسافة مابعيده بس كمزت  لأن ادري بروحي امشي بطيئ طرت عليه بسرعة صرت مقابيله هو ايد حاطها على رأسه وايد حاطها على الميز ساند روحه بيها رفعت راسي هواي هاي هو حادب روحه واطول مني بهواي

:ايان انت زين بيك شي

:لا بس دخت ماكو شي

:تريد اسندك تروح لغرفتك ؟
باوعلي وعقد حواجبه

:انتي مو محجبة ومسلمة !

مافهمت قصده بس كلت
:بلي طبعاً
ابتعد عني وكام يمشي خطوات بطيئة وايده بعدها على رأسه حجه مثل واحد الي تنرفز من كلامي

:لعد هاهية جاوبتي روحج انتي
كمل كلامه هو وديفتح الباب

: كون ماكل الزلم تساعديهم .. غشيمه

فات واسمع خطواته على الدرج سديت الباب ودردمت لأن ضجت من كلامه ليش ديحجي هيج فوك ماردت اقدمله المساعدة انت دايخ وماكادر تمشي شكو تذبها براسي حقير .. اي اي بس فالحة تحجين ويا روحج ماترزلي وجه بوجه لان جبانة والله جبانة .. لا أنا محترمه ماجبانة انجبي اساور لا تغلطين على روحج مليت ورحت بغرفة خالة نمت يم نورة كعدت الساعة سته المغرب صرت أتلفت حولين نفسي كمت ركض ماكو بالصالة ولا بالحمامات صرخت

:نورررة انفتح باب المطبخ بهدوء وفاتت بقت واكفه يم الباب خافت من صوتي عبالها ضايجة منها رحت ركض حضنتها