CHAPTER 8
NAPATINGIN AKO SA MAHABA niyang daliri, nakaipit doon ang isang stick ng sigarilyo at umuusok pa rin ang dulo no'n. Sinundan ko ng tingin ang sunod nitong ginawa. Dinala niya 'yon sa mapula nitong labi at nanigarilyo sa aking harapan.
Nagusot naman ang aking mukha dahil do'n. Bumalot ang amoy ng sigarilyo nito sa apat na sulot nitong treehouse. Nanatili siyang nakahiga sa duyan habang hindi inaalis ang tingin sa akin. Sa paraan ng pag titig nito ay para akong natutunaw, hindi ko alam pero bakit sa paningin ko ay ang guwapo niya dahil sa gano'n? Nababaliw na yata ako.
"Anong ginagawa mo rito?" tanong ko sa kanya.
Seryoso ang kanyang mukha ng bumaba sa duyan para puntahan ako. Nanigarilyo muna ito sa huling pagkakataon at akmang ibabato niya ang sigarilyo sa labas ng bintana ng hawakan ko ang kanyang kamay.
"May basurahan sa labas, Steven. Bakit mo itatapon 'yan sa bintana?" pagpigil ko sa kanya.
Natigilan siya sa aking sinabi at mahinang natawa. Yumuko ito at hindi ko inaasahan ang sunod nitong ginawa. Nilapat niya ang labi sa akin, mabilis lang 'yon at ramdam na ramdam ko ang mainit nitong labi sa akin.
"I'm sorry, Lili. itatapon ko na 'to sa labas, don't be mad," mahina niyang sambit sa aking labi ng humiwalay 'yon.
"Hindi ako galit," mabilis kong tugon habang nakatingin sa light brown nitong mata.
Halos ilang pulgada lang ang pagitan sa amin. Nakababa ang tingin nito habang ako ay nakatingala dahil ang tangkad niya. Sumilay ang ngiti nitong mukhang nanunudyo sa akin.
"Are you sure," mahina niyang tanong sa akin.
"Oo. Kaya pakitapon na lang 'yang sigarilyo mo sa labas," utos ko.
Mahina siyang natawa at ninakawan pa ako ng halik sa labi sa huling pagkakataon. Parang mabibingi na ako dahil sa malakas na tibok ng aking puso. Napaiwas na lang ako ng tingin at umalis na. Nagtungo agad ako sa itim na bag para kumuha damit pantulog.
Tumayo na ako at pinatong muna sa maliit na lamesa ang pagkain na aking nabili. Nang lumabas ako ay naabutan ko si Steven na nakadungaw sa barandilya ng terrace habang nakatingin sa sapa. Naninigarilyo na naman ito.
"Where are you going?" tanong nito.
Ninguso ko ang sapa. "Maliligo ako," sagot ko.
Natigilan siya habang nakatingin pa din sa sapa. Nakita ko ang dahan dahan nitong paglingon sa akin. Nakakunot ang noo nito ngayon, kitang kita 'yon dahil bitbit ko ang lampara sa kabilang kamay.
"Like right now?" tanong nito. Tinapon niya ang naubos niyang sigarilyo sa basurahan at nilapitan ako. "What if someone will see your naked body?"
Umiling ako. "Oo at walang makakakita sa akin dito, Steven. Tayong dalawa lang nakakaalam ng treehouse bukod kay papa," mahina kong usal.
"Kahit na. Baka may dumaan dito—"
"Aswang lang makakakita sa atin dito kung meron man. Eh, kaso wala naman 'yan dito," pagputol ko sa kanyang sinabi.
Wala na siyang nagawa ng bumaba ako sa hagdanan at tahimik na nagtungo sa sapa. Malalim na ang gabi ngayon at tanging kuliglig ang aming naririnig. Ang sinag ng malaking buwan ay nagsisilbing ilaw dito bukod sa lampara.
Agad akong lumusong sa tubig at hinubad ang sout kong damit. Narinig ko pa ang pagtawag ni Steven sa aking pangalan. Agad ko siyang hinarap. Ang mahaba, kulot at itim kong buhok ay nasa aking harapan kaya nagmistulang takip 'yon ng aking dibdib.
"You forgot your soap," wika nito at bumaba sa hagdanan. Nasa kamay nito ang sabon habang naglakad patungo sa akin.
Umahon ako sa sapa at naglakad patungo sa kanya. Nawala ng parang bula ang aking hiya sa tuwing kasama ko siya, kaya balewala na lang itong ayos ko sa kanyang harapan.
BINABASA MO ANG
Her Desirable Love (Gorqyieds Series #4)
Lãng mạn(COMPLETED) (this is the last installment of gorqyieds series, you can read this series as STAND ALONE, hope you enjoy it!) She knew within herself that she admired, or, let's say, had a crush on her childhood friend, Steven Thomas Donovan, when she...
