بسم الله الرحمن الرحيم
.
.
.
في بيت ابو زياد
طلع تميم ولحقه علي
علي: تميم
لف تميم: نعم
علي: تعال بكلمك
تميم: ايش تبغى مشغول
علي: وش عندك مع بنت عمك وش تبغى منها
تميم: اتوقع انه مالك اي دخل فالموضوع
حط تميم يده على كتف علي: توكل بس توكل
علي: لا تتوقع بخليك تلعب ببنت عمي ترا والله لاعلم ابوي يا تميم وما تشوف خير تعرف ابوي وش بيسوي
تميم: بالله عليك خوفتني
علي: تميم خلاص كبرت يكفي دشاره
تميم بصراخ: ياخي البنت ما تبيك وش فيك انت لا تقعد تلف وتدور
علي: اول شي قصر صوتك طيب ثاني شيء ما تحبني طيب خلاص الي تقوله صح بس ابعد عنها انت كذا تأذيها
تميم: وانت وش عليك ها وش دخلكككككك هاااا ولا خايف عليها يعمري
علي: ما راح ارد على ذا التفاهه بس اذا مفكر انها بتحبك كذا لا والله غلطان بالعكس بتكرهك ابعد عنها ما تناسبك
تميم: خلصت
علي: ايوهه
تميم: يلا استاذنك شد حيلك وانا اخوك
سمعت روان كل شي وطلع تميم وشاف روان واقفه عند الباب: وش تسوين هنا
روان يتوتر: توي طلعت بشوف اذا تبون شاهي
تميم: طيب ادخلي
طلع تميم ودخلت روان عند علي: وش الي سمعته ليه تكلمه ما تعرف تميم انت تفتح معه مواضيع زي كذا
علي: ابيه يبعد عنها بيأذيها
روان: وش يعني الحين تميم بيسمع كلامك وبيبعد عنها
علي بتنهيده: طيب وش الحل
روان: علي اسمع مني اتركها ترا تميم مهو مخليها ابعد عنها انت
علي بعصبيه: واخلي هالداشر ياخذها معصي والله
روان: علي تكفى خليك فهيم لا تصير زيه الله يهديه البنت شكلها هاويته
علي: من قالك انها هاويته
روان: واضح عليها
علي: وانا ليه اشوف العكس
روان: وش تشوف
علي: ما تبيه
روان: ما اتوقع
تركها علي وطلع وهو عيونه شرار
.
.
.
في بيت ابو عبد الرحمن
ام عبد الرحمن: سلمان منت ناوي تزوج عبد العزيز كبر الولد وما باقي غيرو
ابو عبد الرحمن: انا ماعندي مانع شوفي اذا موافق
عبد العزيز: رأيي من رأيك
ضحكت ريم: لا يمه زوجوه انكتم يبي..
سكتها عبد العزيز وقال بهمس: وجع قلنا لك امي بس وبينك وبينها
دفته ريم: معليك زوجيه
ابو عبد الرحمن: في وحده ببالك؟؟
عبد العزيز: اااا بكيف...
قاطعته ريم: يمه رزان يبيها والله
قطف عبد العزيز الفنجال عليها: وجعععع كذابه
ريناد: كنت حاسه
ابو عبد الرحمن: تبيها انت؟
عبد العزيز: هاا بكيفك
ضحكت ام عبد الرحمن: ان شاءلله خير
.
.
.
في بيت ابو زياد
اتصلت ريم ب رزان: هلا والله بكنتنا
رزان: هاا
ريم: وش ها وجع اقولك كنتنا يعني زوجة اخوي
رزان: انتي وش تخبصين
ريم: ما اخبص علامك
رزان: شكلك تعبانه روحي نامي
ريم: ياخي كلي تراب اقولك زوجة اخوي
رزان بصدمه: اخوك مين عبد العزيز؟
ريم: مين في غيره
رزان: هاا لا لا كذابهه صرتي تنودي روحي نامي
ريم: يبنت انقلعي تشوفين بكرا
سكرت رزان وهي تضحك عليها
ونامت
.
.
.
الصباح في بيت ابو زياد
صحى الكل وكانوا رزان وروان ورهف وليلى وام زياد والخاله
وكالعاده دخل تميم وهو مو داري وين داخل اصلا كان للحين فيه نوم : يمه ابغى مويه
قربت روان: وجع اطلع البنات هنا
ضحكت ليلى وراحت بكل لقافه تجيب له مويه وعطته
انصدم تميم وناظرها من فوق لتحت وخلاها وطلع
انصدمت ليلى من تصرفه وطرحت المويه وطلعت برا
.
.
.
