بسم الله الرحمن الرحيم
.
.
.
طلع اياد لبيت عمه يناديه على الفطور
دخل البيت وشاف ريم ترتب: احمم
نقزت ريم : اياد وش تسوي هنا؟
غض البصر اياد لما انتبه وش لابسه
كانت ريم لابسه بجامه قصيره
استوعبت ريم وش لابسه ولبست اقرب شي عندها وصعدت
صادفها بطريقها عبد العزيز: علامك تركضين يالخبله
ريم بتوتر: لا مافي شي بس اياد تحت انزل له
عبد العزيز قطب حواجبه: وانتي وش منزلك عنده
ريم: لا بس كنت ارتب البيت
عبد العزيز: طيب نازل له ادخلي لا تطلعي
ريم: ان شاء الله ما تبون فطور
عبد العزيز: وش قلتلك ادخلي غرفتك يبنت مانبغى
ريم: ان شاء الله
نزل عبد العزيز لاياد
اياد: هلا والله
عبد العزيز: ارحب
اياد: البقى
عبد العزيز: شعندك من صباحية الله خير
اياد: من جايك انت انقلع ابي عمي
عبد العزيز: الحين بينزل الا وش السالفة
اياد:عازمينكم على فطور
عبد العزيز باس اياد: اخخ فديتك جوعان
اياد: يع ابعد الله يقرفك
عبد العزيز: ثواني وانا عندكم
يروح عبد العزيز
اياد: ايوهه متعرفنا الا وقت الاكل
عبد العزيز: اطلق شي
اياد: انقلع خلصني
.
.
.
في بيت ابو زياد
عند زياد الي صحى على ضرب الباب بقوه
تميم: هيي زياد اصحى ابوي يبيك
فتح الباب زياد: هلا هلااا ما انام يعني تعبان
تميم: من قالك ما تنام بدري انزل ابوي يبيك
زياد: مدري ما نمت
تميم: مشغول مع الخاينه ذيك
اتسعت عيون زياد: مين الخاينه
تميم: زوجتك ام عيالك
زياد: وش قاعد تهبد انت
تميم: اي والله يلا يخوي انزل انزلل
نزل تميم وخله زياد
اخذ جواله زياد واتصل على لينا
وسالها عن كل شي
لينا: يرجال ينقلع كذاب يبي يحرشك علي عشان فضحته
زياد: بنت احترميني يوم تتكلمين على اخوي طيب وانا داري كذاب بس بتاكد
لينا: اشوا معليك منه
سكرت لينا وخافت يكون تميم شايفها
و يفضحها عند اهله وهو خلقه ما يطيقها وهي علمت زياد عن الي سواه ب ريناد
نزل زياد وشاف الكل مجتمع سلم وقعد
ناظره تميم بأستهزاء وابتسم
.
.
.
بعد العصر عند الحريم
ام عبد الرحمن: يختي ام زياد حنا نبي بنتكم رزان لعبد العزيز
ام زياد: هااا رزان؟
ام عبد الرحمن: ايوهه يعمري
ام زياد: هلاا والله نتشرف فيكم وفي عبد العزيز
ان شاءلله خير بنسألها وبعدها كلموا ابوها
ام عبد الرحمن: الله يتمم على خير
