بسم الله الرحمن الرحيم
.
.
.
عند البنات
دخلت رزان وكانت مصدومه
ايلاف: وش فيك رزان
رزان: لا مافيني شي
لاحظتها روان واخذتها برا
روان: هي وش فيك انتي سرحانه طول الوقت
رزان: انخطبت
روان بصراخ: بالله عليك مين؟
رزان: عبد العزيز
روان: عبد العزيز ولد عمك ما غيره
رزان: اي يعني من فيه غيره مو عاجبك
روان: ايوه بس انصدمت
رزان: وش تقولين تكفين معرف انا وش اقول اوافق ولا
روان: يبنت وش تبغين غيره رجال وافعال
وولد عمك تعرفينه ونعم التربيه
رزان: هذا قولك
روان: والله هذا الي اشوفه
ودقتها روان بشويش: واحسه يناسبك
رزان: شقصدك هاا
روان: واضح عليه ترا
رزان: وش الي واضح
روان: يمكن يحبك
رزان: وجع شتقولين انتي
حضنتها ريم من ورا: واو روان طلعتي صياده
رزان: يمه انتي من وين طلعتي
روان: بالله عليك يعني يحبها
هزت راسها ريم: اي للاسف
دفعتها رزان: انتي وش تقولين
ريم: بسالك بالله انتي تحبيه
بسرعه
طنشتهم رزان وراحت
.
.
.
في الليل بعد العشاء
كانت عائلة ابو زياد وعائلة ابو عبد الرحمن
ابو زياد وابو عبد الرحمن يسولفون مع بعض سواليف الشياب
وكانوا البنات والعيال يتناقشون على نقطه بموضوع
وتميم شاد مع ريناد برأيها وطبع تميم العنيد اشتغل
ريناد: ياخي والله 17 متر
تميم: على كيفك هو 20
اشتدوا وبدت تعلى اصواتهم
انتبه ابو زياد: وجعع انت وياها اصواتكم
زياد: يولد خلاص مابي اعرف
تميم بصراخ: لا والل
ابو عبد الرحمن: ولد خلاص اسكت
ريناد سكتت يوم سمعت ابوها وابو زياد انزعجوا
روان: خلاص هدي ببحث
تميم: يلا
بحثت روان وطلع كلام تميم صح
روان: والله البلشه
تميم: وش طلع
روان: كلامك صح
رزان: معوضه خير يريناد
حضن عبد العزيز ريناد: اقول الا اختي
شمقت له رزان: من زينكم
وقف تميم: لا تعانديني مره ثانيه يذكيه طيب
عبد العزيز: اقول عن اختي
تميم: انقلع بس
طلع تميم وهو يضحك
.
.
.
بعدها بساعه
في المجلس نادى علي رزان
وكانوا العيال وابو زياد مجتمعين
دخلت رزان
ابو زياد: تعالي يبنتي اجلسي بكلمك
جلست رزان: سم يبه
ابو زياد: يبنتي وش قلتي
رزان: على ايش
تميم: مسويه ما تعرفين
زياد: ولد عمك عبد العزيز
ابو زياد: يبنتي اذا ما تبين قولي بس انا رايي والله يبوي عبد العزيز رجال ثقه
اياد: ما اتوقع يبه خبل ذا مهو حق زواج
زياد: انطم انت معك غير ومع زوجته غير
ابو زياد: اطلعوا برا بكلم بنتي ما الخبل الا انت وياه برااا
طلعوا برا
علي عند الباب: انا مدري شدخلني بس بطلع
ابو زياد: ايوه وش تقولين يبنتي
رزان: الي تشوفه يبه
ابو زياد: يعني نقول مبروك
رزان: ان شاءلله
.
.
.
