بسم الله الرحمن الرحيم
.
.
.
في غرفة علي
قامت ريناد وهي تدور اغنيه تشغلها
وروان وريم يتناقشون بموضوع عبد العزيز ورزان
.
.
.
عند العيال تحت الي قابينها رقص وتجهيز وهم يحملون اغراض لبيت ابو عبد الرحمن
تميم: تعبت والله بروح انام شوي وانزل معكم
عبد العزيز: اقول كل تراب وكمل شغلك
تميم: يرجال دز امها تعبان
وطلع تميم فوق وهو يركض قبل يمسكه عبد العزيز
.
.
.
في غرفة علي
عند ريناد الي كانت تتمايل وتغني يا ظالمين المحبه
.
.
.
عند تميم الي جا يركض من عبد العزيز بس وقفه صوت رن قلبه رن
كان يشوف ريناد وهي تتمايل وتغني هالبارت الي شلع قلبه
يــاليــتنـي مــن البــدايه مـا شـفـت خـده النـقي
انــت الــسـبب يافــؤادي ويـاعـينــي لـيه تـعــشقـي
كان يتاملها ويسمع كلمات هالاغنيه وهي تقصد في كل كلمه تميم
الي كان مهو مصدق الي يصير معه وكيف حبها فؤاده وعينه ليته بس ما حارشها
لفت ريم ترتب شعرها وشافت تميم الي واقف يناظر ريناد وطاحت عينها بعين تميم
عند تميم الي لما شاف ريم تناظره شتت انظاره
وكمل طريقه وهو كل تفكيره بهالبارت ورقص ريناد الي شلع قلبه
دخل الغرفه وهو بباله شعرها البني انسدح على السرير
وشغل نفس الاغنيه وجلس يسمع لها ويتامل قدامه ريناد لين نام
.
.
.
في الليل
في بيت ابو عبد الرحمن
في الصاله
كانو مجتمعين وريم تقهويهم
ابو عبد الرحمن: عبد العزيز
عبد العزيز: سم يبه
ابو عبد الرحمن: شف وانا ابوك رزان شبرها شبر بناتي ريم وريناد
من يزعلها يزعلني ابيك تحافظ عليها وما تنقص عليها شي
ولا ابي يجي يوم وتشكي من ولد عمها عند ابوها زين وانا ابوك
عبد العزيز: افا يبه رزان بين عيوني
ريم بهمس: بس عيونك
عبد العزيز: وقلبي
سمعته ام عبد الرحمن وضحكت: قم نام وانا امك قم
قام الكل ينام
.
.
.
في غرفة ريم
ريناد: ريم بسالك
ريم: قولي بسرعه بنام
ريناد: من متى وانتي تتداوين جروح الناس
ريم بتوتر: وشو؟
ريناد: اياد!
ريم: وش عرفك
ريناد: سمعته بأذني وهو يقول لتميم
ريم وهي ترتب اغراضها: وش فيها يعني
تخصرت ريناد: وش قلتي "وش فيها"؟
ريم تركت الي بيدها: اصبري ليه كان يقول لتميم
ريناد: ايوهه هنا السالفه
ريم: وشو قولي
ريناد: اصبري وش فيك قلبك طار بس عرفت كل مشاعر اياد الجميله تجاهك
ريم: وشووووووو!!؟
ريناد: بيموت عليك
ريم: كذوبه
ريناد: والله اذا مو مصدقه اسالي روان كانت معي سمعنا كل شي قالوه
ريم: وش سمعتوا
ريناد حكت لها كل شي
ريم: هذا كله وللحين ساكته
ريناد: ايوهه والحين جايه اسالك تحبينه؟!
ريم: خيرر!
ريناد: قوليها عادي
ريم: بقولك بس بسالك كمان وتوعديني انك تجاوبيني بصدق
ريناد: طيب
ريم: الصدق مدري احس اني اذا شفته ما اقدر حتى اناظر عيونه مهو زي الباقي يعجبني اسلوبه وطريقة كلامه يلفت الانتباه غصب
ريناد: اوووو طيب قولي احبه
ريم بضحك: احبه
ريناد: اما عاد قالتها هههههههههه
ريم: طيب دورك
ريناد بثقه: نورينا
ريم: قبل شوي يوم شغلتي اغنيه وصرتي ترقصين كان تميم يشوفك
ريناد بصدمه: وشووو
ريم: اي والله..وش عنده ها قولي
ريناد: مدري
ريم: ريناد يلا عاد
ريناد: طيب بقول لك كل شي من بدايه بس تهدين
قالت ريناد كل شي صار معها
ريم بصدمه: ويشش وليه ماقلتي لي
وانتي خفتي منه
ريناد: الصدق خفت وما تكلمت بس هذا الشي خلاص راح بقول شي ثاني
ريم: وش
ريناد: حبني وانا كمان
ريم: حبيتيه؟
ريناد: ايوهه
ريم: واضح عليه مرهه
ريناد: كيف؟
ريم: وش ما تشوفين اسلوبه معك
ريناد: اي..
قاطع حديثهم ام عبد الرحمن
دقت الباب: يلا ناموا وراكم صحوه من صباحية الله خير
راحت ريناد تنام ونامت ريم
.
.
.
