بسم الله الرحمن الرحيم نبدأ.
( بيت الجد خالد عيال الجد كلهم عايشين في قصر مع الجد خالد)
-عند جناح سارة وسالم-
قامت من النوم وشافته نايم ما حبت تتحرك عشان لا يصحى جلست تتأمل فيه عيونه الحاده رموشه الكثيفة
صحى من النوم وهو يشوفها جالسه فوقه وتتامل فيه
سارة بابتسامه: صباح الخير
سالم وهو يفرك عينه: صباح النور
سارة قامت من حضن سالم ونزلت من السرير وتوجهت للحمام ( يكرمكم الله)
جلس سالم شويه يصحصح وطالع في باب الحمام ( يكرمكم الله) الي انفتح طلعت منه وهي مبتسمه وتناظر في سالم
سارة: يلا قوم غير ملابسك ننزل تحت اكيد يدي الحين قاعد
سالم: زين زين وتوجه للحمام ( يكرمكم الله) ياخذ له شاور يصحصح شوي
- عند جناح هاجر ام هزاع-
كانت جالسه على جوالها تطقطق فيه شافت اخوها طالع ولابس كندورته وحمدانيه وكاشخ
عفراء: وين بتروح
هزاع: عندي شغل
عفراء: ياخي الله يخليك اخذ اجازة ما نشوفك كله في الشركة الشركة اشتقت لك شو رايك اليوم نروح المول الله يخليك
هزاع: لما ارجع من الشغل عندي أشغال مهمه تبين شي
عفراء مدت شفايفها بزعل: روح روح طول وقتك هناك ولا مره يلست عندنا قلت عندك أهل اشتاقوا لك روح بس الله يستر عليك
هزاع مايحب يزعل اخته الوحيدة وراح يقعد جمبها: ياخي تدري ماحب اشوفج زعلانه صح؟ ليه الزعل الحين
عفراء: ماتبيني ازعل وانت ماتقعد في البيت كله شغل اليوم ماعندي شي عندي اوف في الجمعه تكفى ياخي خل نطلع
هزاع أشر على عيونه: من عيوني كم عفاري عندي انا الحين تعالي تحت اكيد يدي قاعد
عفراء قامت ومسكت يد اخوها وهي فرحانه
هزاع كان يجوف فرحتها بمجرد ما قال لها انه بيطلعها وابتسم ومسك يد اخته
- تحت في الصاله عند الجد-
كان جالس مع نورة وعياله عبدالرحمن ومحمد وبنته هاجر وزوجات عياله كانو يسولفون ويضحكون ومن عادات الجد انه يقوم من وقت الساعة 6:00 الصبح سكتوا وهم يشوفون هزاع وعفراء نازلين ماسكين يد بعض ويضحكون
الجد: هلا بروحي وقلبي يلا بعيالي واحفادي ورحي
ابستموا وهم يسمعوني ترحيب الجد لهم
عفراء: هلا فيك يادنيتي انت وتركت يد اخوها وتجهت تسلم على يدها ويدتها وعمها ابو ناصر وابو سالم وامها على رأسهم
ويلست بين يدها ويدتها
هزاع كذلك راح يسلم على يده ويدته واعمامه وأمه على رأسهم وقعد عند عمه ابو ناصر
الجد وهو يسحب عفراء يحضنها: على وين كل هل كشخه وهزاع ليه ما رحت الشركه للحين غريبه
هزاع: يدي اليوم حبيت اطلع عفاري نسير المول نغير جو
الجد طالع ب عفراء الي ماسكه يده ومبتسمه وهي تحب يدها وعلاقتهم اكثر من جد وحفيدته: اي زين تسوي ترتاح من شغل الشركة شوي
هاجر: اي يبا 24 ساعة في الشركة مايجلس ولا نشوفه بس الله يهديه ويصلحه
هزاع طالع في امه وبعدها في عفراء ووقف: عفاري انا بشغل الموتر بترياج
عفراء: زين انا بروح البس عبايتي وبيي لك
هزاع: تامرون على شي؟
الجده: سلامتك وانتبه لنفسك
هزاع: ان شاء الله وراح يشغل السيارة وينتظر عفراء
وبعدها ركبت عفراء وراحو المول
