وصلوا المول ونزلوا الهنوف وعفراء وأول مانزلوا تقدمت عفراء تحضون الهنوف، شافهم من شباك السيارة وهو يشوفها تحض اخته وشعرها الطويل الي يوصل لين خصرها والي كانت مسويه فيه هايلايت ويشوف ابتسامتها ويشوفها تأشر لهم بمعنى باي استغفر وصد اول ما حرك علي
علي: اي قول وش فيك
تنهد هزاع: مدري شقول والله
علي: قول تكلم شو فيك لا تخوفني عليك
ضحك بخفه هزاع وهو يعتبر علي اخوه اكثر من صديقة، نزل من وصلوا للبر فرشوا العزبه وجلس علي مقابل هزاع: اي تكلم وش فيك؟
بدا يقول له عن قصه أهل أبوه الناقصه تنهد بتعب من انتهى وقرب رجلينا لرأسه وسند رأسه عليهم
علي: تنحل ياخوك تنحل لاتشيل هم
هزاع: والله إني مو شايل هم بس ابغى أعرف السالفه، ناظر في وكمل كلامه وامس جا واحد يخطب اختي واحس كل شي فجاة جا مرا وحده مدري والله مدري
سكتوا لدقايق كل واحد يهوجس قاطع الصمت،هزاع: أقولك والله إني ماني مرتاح للي خطب اختي تكفى دور لي علومه لو في سوابق شي
عقد حواجبه علي: ابشر على خشمي
هزاع: تسلم والله ماتقصر
علي:عطني اسمه بس واطلع لك كل شي عنه
هزاع: هتان بن راشد و
هز رأسه من غير رد
كانت جالسه وتضحك وتسولف مع البنات وقفت تاخذ لها ماي من المطبخ طلعت لها كوب وثلج وترست لها مويه لفت بتطلع انصدمت من الي واقف يناظر فيها
ديم:خيررر شتبي؟
فايز دخل وقفل الباب في المفتاح
بلعت ريقها بصدمه وتوتر ولاكن ماوضحت: نعم شتبي افتح الباب
فايز جلس على الطاوله: مابقول منك بس ابغى أكلمك بموضوع
عقدت حواجبها:موضوع وش حضرتك؟،تكتفت لجل تسمعه
فايز:ديم في حد بحياتك؟
فتحت عينها بصدمه:نعمم؟
بلع ريقة من رده فعلها ونزل من الطاوله: خلاص ولاشي ،وابتسم ابتسامه ضيق
وقفت في مكانها ماتعرف وش تسوي استغربت من تصرفاته الي مو مثل كل مرا جلست تفكر، "معقوله يحبني؟ لا لا مستحيل هو يعتبرني اخته وتصرفاته المعتاده ماتوضح ذا الشي مستحيل يحبني بيطيب ليش يجي يسألني؟ الحين هو طلع زعلان مني؟ يالله تعبت من الأفكار أصلا ليش أفكر فيها" طلعت جلست عند البنات هاديه ولاحظوا البنات سكوتها الغير معتاد
ضربتها بالمنديل نورة: وين وصلتي؟
ديم أخذت علبه المويه ورمتها عليها: جب بس جب
ريما:أقولكم بنات الأسبوع الجاي ميلاد الهنوف نبي نسوي لها حفله صغيره ونعزم صديقاتها
حور: حبيتتت الفكره وعن صدقاتها أنا بتواصل مع صديقتها عفرا
نورة: زين طلع منج افكار
طلعت لسانها: اننن مالج دخل
ديم: وين ولدج انتي
اشرت نورة على نفسها: أنا؟
ديم: لا أنا من غيرنا عندها ولد
ضحكت حور عليهم، وكملوا سوالف وضحك واستهبال
كانوا يروحون من محل لمحل لين ماقالت عفرا: تعبت يبنت خلاص جسمي خل نروح نقعد مكان
الهنوف: صححح نسيت احنا جينا عشان تقولين وش فيك
ضحكت عفرا من غباء الهنوف راحوا يقعدون في كوفي وجلسوا
الهنوف: يلا قولي شو فيج شو صاير
عفرا: تخيلي انخطبت
الهنوف:حلفيييي
عفرا: بس مو منه
الهنوف: اجل؟
عفرا: من ذا واحد ولد الجيران بس طبعا برفضه والله ماوافق
ضحكت الهنوف عليها، عفرا: وأول ما سكرت ماقدر أتحمل و.... كملت السالفة لها لين النهايه
فتحت عينها بصدمه من الاحداث وضحكت من صدمتها: نو كومنت عفاري والله نو كومنت بس تصدقين أنا هذا العبدالله مو مرتاحه له احس في بله بيصير قريب والله وهو السبه وصدقيني إحساسي مايخيب
عفرا: شدخل يبنت صدقيني انه طيب وحبوب وعسولللل بس مادري والله
رفعت كتوفها بعدم معرفه، عفرا: زين أقول لج الحين كيف اخوي يصير صديق خالج يضحك
الهنوف: أنا بنفسي انصدمت والله
عفرا: زين عيل بدق على هزاع بقول له يجون؟ احس إني خلاص تعبت
الهنوف: اي تكفين دقي أحس أنا استحي اكلم علي
ضحكت بخفه: ياعمري الي يستحون يناس أنا
الهنوف: أقول اتصلي بس على مايجون
وبالفعل أخذت جوالها تدق على اخوها وماهي دقايق ورد
هزاع: هلا قلبي
عفرا: هزاع اكلم السايق يجي يأخذنا؟
هزاع ناظر بعلي وبعد الجوال: متى بنحرك
علي: هالحين مافي مشكله
هز رأسه ورد يقرب الجوال: لألا الحين نحن بنجي لكم
عفرا: تمام ثنكس يقلبي
ابتسم ورد يسكر الجوال، وقف: قوم عيل عشان نروح نأخذهم من المول
ضحك بخفه هز رأسه وبالفعل قاموا يأخذون الأغراض ويرجعونها السيارة وركبوا وحركوا للمول اول ما وصلو اتصل علي على الهنوف
علي: يالله نحن برع
الهنوف بهمس: تمام الحين بنجي
ضحك علي: تعالي انتي بس وانتفاهم معاج تستحين عيل وضحك يسكر
هزاع: شفيك
هز راسه باسف: والله مدري يخوك تستحي مني، والله إني شايل هماها وهم أمها من ذا الكلب أبوها الحين اختي صار لها سنتين عندنا ولا مرا كلف على نفسه يدق يتصل يجوف هي بخير أو لا اوكي بعيد عن اختي بنته بنته مايسال عنها؟ مايعطيها مصروف اوكي أمها مو مقصره أبوي مو مقصر كلنا والله مانقصر معاها بس غير الأب دايما غير
هزاع: صادق والله الأب غير دايما غير
علي: اسكت اسكت جو
جالسين ضحك سوالف حول الجد والجده وما انتبهت لجوالها الي يتصل
روضة: عمو تلفونج يدق
هاجر: اوه حبيبتي مانتبهت ،وقفت تشوف منو استغربت من الرقم الغريب دخلت الغرفة
هاجر:الو منو معاي؟
أم عبدالله: هلا حبيبتي معاج أم عبدالله
هاجر: هلا حبيبتي، سامحيني اختي والله ماعرفتج
ضحكت أم عبدالله: خذت رقمج من وحده والله
هاجر: اي هلا امري حبيبتي
أم عبدالله: حبيبتي بدخل في الموضوع ، والله أنا أتشرف ولي الشرف اننا نناسبكم وأنا اطلب يد بنتج عفرا لولدي عبدالله
بلعت ريقها بصدمه هاجر: حبيبتي والله الرأي والشور يرجع للبنت وان شاء الله اكلم اخوها وأكلمها وارد لج خبر حبيبتي
ردت عليها وسكرت ناظر بالجوال بصدمه بنتها انخطبت مرتين طلعت برع وكملت سوالف وضحك
سوري لو كان في اي خطا ولاتنسون ال⭐️ وكومنت حلو نفسكم🤍🎀
