صحت من النوم وقامت تأخذ لها شاور، اختلطت دموعها بالمياه البارده دموع الحزن دموع القهر خلصت شاور وطلعت ناظرة شكلها في المنظره اخذتها الهواجيس مو عارفه تفكر بوش او وش " يالله ليش أنا كل ذا يصير فيني شو سويت عشان يصير لي كل ذا لي يالله مو عارفه أكمل يومي طبيعي افكاري تأخذني طيب انا وش سويتتت له عشان كل ذا يصير فيني، أخذت نفس ومسحت دموعها بعشوائية وقالت، مابخلي دموعي تنزل لشخص مثله وبعيش حياتي طبيعي والناس تقول الي تقوله ليش اهتم لهم وهم مايهتمون لي أنا قويه" راحت تطلع لها لبس مريح ونشفت شعرها وسوت ميك اب خفيف ونزلت تحت بابتسامة تبين لهم بانها مو مهتمه لو وإنه كل شي صار خيره، ناظرت في أمها: صباح الخير يا احلى أم في الدنيا كلها
ابتسمت هاجر باستنكار امس بنتها كانت في حاله لا يرثى لها والحين بنتها تصبح عليها: صباح النور يقلبي انتي
تقدمت تقبل راس أمها وتوجهت لجدها : يا أجمل جد في العالم شلونك ابويا؟
الجد خالد: بخير يغزالتي انااا
ابتسمت من اللقب الي يناديها من وهي صغيره، وقفت: طيب أنا استأذن وراي كلاسات
هاجر: تمام يروحي انتبهي لنفسك
اشرت لها باي وهي طالعه وركبت سيارتها وراحت تأخذ لها كوفي
صحت من النوم على اتصال آبوها عقده حواجبها باستغراب وسكرت جوالها ووقفت توجهت للحمام وغسلت وجهها وفرشت أسنانها طلعت تأخذ لها ملابس وتأففت من سمعت صوت الجوال يدق مرا ثانيه طنشته وراحت تغير لبسها وتوجهت للتسريحه ترفع شعرها ذيل حصان وحطت تنت ومسكرا لبست عبايتها وحطت شيلتها على أكتافها اخذت شنطتها للجامعه وتلفونها طلعت تسلم على أمها وجدها وطلعت توجهت تأخذ كوفي قبل الجامعه ابتسمت تشغل أغنيه فنانها المفضل (راشد الماجد) علت على الصوت وبدت تغني معاه
~ وحشتينييي
وجيت اسأل أظن إني على بالك
وعسى ماشر ماتسال وش الي غير احوالككك
وحشتينييييي~
تأففت بضيق من سمعت جوالها يدق للمره المليون، الهنوف: يالله اوففف شيبيييي صار لنا ثلاث شهور عند جدي وما سال الحين وش يبييي اخذت نفس وردت
سعد: اهلاً ببنيتي، وش فيك اتصل ولا تردين
الهنوف: مشغوله
سعد: شفيك يبابا تكلميني كذا أنا ابوك
الهنوف: نختصر الوقت لي ولك وش تبغى
سعد: حبيبتي الهنوف انتي ماتعرفين ظروفي ليه أنا ماقدرت اكلمج اعرف شايله بقلبج علي ولاكن والله اني احبج ووحشتيني
الهنوف: طيب يبو الهنوف وش تبغى داق الحين
سعد: امج شيشتج علي؟
الهنوف: حشى على مامتي ولاكن أنا ماذكر عند اب انه تذكر بان عنده بنت يتصل ويطمن ولو الظروف اقل شي مسج ولاكن خلاص تعودت ماعندي أب أنا
سعد: وش تقولين أنا أبوج وغصبن عنج
الهنوف: طيب يلا ادق عليك بعدين يبو الهنوف
تنهد بحزن وهو يشوف بنته كرهته وسكر
راحت تطلب لها v60 من كوفيا المفضل وتوجهت للجامعه
