- في بيت الجد سيف-
بعد صلاة العصر صارت حوسه في البيت الي يصارخ والي مستانس والي مايعرف وين الله حاطه خلصت حوستهم على خير وكل واحد بيركب بسيارة
(ترتيب السيارات)
سيارة ابو فايز - ام فايز
سيارة ابو سلطان - ام سلطان - الجد سيف.
سيارة ابو الهنوف- ام الهنوف
توجهوا الآباء والامهات وكان ما باقي إلا العيال والبنات
علي وهو يصارخ: يلاا منو بيركب معاي
فايز: بتكفي سيارتين بس
سلطان: اي بس
فايز: عيل بركب مع علاوي انا
سلطان: علاوي والشنب والطول ذا كلا وعلاوي ،وضحك
علي: اقول يلا منو من البنات بيركب معاي
الهنوف: عادي اركب انا؟
علي: تمزحين انتي اول وحدة تركبين
الهنوف ابتسمت له وقالت: الله لا يحرمني منك
علي: ولامنج، يلا اركبي
نورة وريما نفس الوقت: انا بركبب معاكم
حور: انا بعد
ديم: خير مابا حد ايي وياي ولا انا بيي وياكم
علي: بتكتمونا لو كلكم لا ثنين مع سلطان يلا
ريما: انا بتم مع هنو مابي
نورة: ديم خلاص انا بيي معاج
ديم: بس علاوي قبلج يركب
ضحكت نورة: من عيوني
توجهوا كلهم للشاليه
- في القصر-
كانو قاعدين يسولفون طالعو في الباب وشافو عفراء داخله وهي مالها خلق حد
هزاع: عفاري
عفراء ما ردت عليه وراحت غرفتها تقفل الباب
هزاع: زين منك زين تستهبل ولا شو انت تبي كف خليتها تزعل!
رائد ببرود: والله هي دلوعه
هزاع: يا غبي ياحمار ياثور ماعرف شو اقولل تراها اختك لاتنسى أمي رضعتك الحين تروح تراضيها ولا والله ما تشوف خير
زايد: الحين يا الاخو الي ما يرضى على اخته اخيججج
هزاع بعصبيه اكثر: اي طبعا مارضى وبعدين بدال ها الكلام روحوا راضوها ترى الي سويتوا مو شوي
رائد: ترى يدوه فهمت غلط احنا مزحنا معاها ويدوه عصبت احنا مالنا دخل
طنشهم هزاع وطلع برا البيت
- برع عند جلسة البنات-
فاطمة بعصبية: اهخخخ يل الكلب والله انا اوريه حقير
سارة وهي تبتسم بوهقة: ااا حبيبتي فطوم هدي الأمور تنحل بل هدوء
طالعتها بنص عين فاطمة
سلامة تحاول تغير الموضوع: امم بنات انزين شو رايكم باجر نحجز شاليه؟
شيخة: اييي تكفون نبي بس نحن البنات
روضة: هييهههه من زمان عن الطلعات الي بروحنا
سارة وهي تسند ظهرها: اهخخ روحوا بروحكم واستانسوا
فاطمة: سلامات ترا انت اول من بيجي معنا
سارة: اخوج العزيز ما بيوافق انتو روحوا استانسوا ماعليكم مني
روضة: ماعليج انا بقنعه بس انتي قولي تم
سارة: تم
شيخه: والله لاضبطج
سارة: فديتج حبي والله اعشقججججج وعطتها بوسه في الهوا
فاطمة: بنات!! أنا بروح أشوف عفاري اعرفها الحين أكيد زعلانه تعرفونها حساسه هي، وراحت تركض فوق عند عفراء
~فوق عند عفراء~
كانت قاعدة مقابل لوحتها والسماعة في أذنها ودموعها على خدها وتبكي بصمت فتحت تلفونها ودخلت محادثتها مع صديقتها (الهنوف) دخلت تكتب لها
( في المحادثه)
عفراء: وش تسوين؟
الهنوف: بروححححح الشاليهههه حماسسسس!!
عفراء: ايوا، طيب اخليج have fun حياتي
الهنوف: عفاري
عفراء: عيوني
الهنوف: عفارييي
عفراء: هلا حبي شفيج😂؟
استغربت عفراء من عدم رد الهنوف عليها رغم أنها شافت راحت عند الشباك من شافت بانه الهنوف اتصلت عليها مسحت دموعها وردت
عفراء بصوت مبحوح: هلا؟!!
الهنوف: مهب أنا الي تقصين علي تكلمي! وش فيج تصيحين صح تكلمي!!؟
عفراء مسكت رقبتها وقالت: طيب بقولك، لفت لجهت الباب من شافت بانه انفتح وشافت فاطمة داخله عليها مسحت دموعها وسمعت الهنوف تقول من عبر التلفون
الهنوف: الو وين رحتي
عفراء: اا هنوفه حبي أكلمك بعدين
الهنوف: اي اي أكلمك بعدين طيب روحي، وسكرت وما أعطت عفراء مجال
تأففت عفراء وصدت عن فاطمة وراحت للوحتها تكمل رسم رسمتها الي باقي لها تفاصيل قليله
تقدمت منها فاطمه ونزلت لمستواه عفرا لان هي كانت واقفه وعفراء جالسه تقدمت تقبل خدها وتحظنها من ورا
فاطمة: طيب أنا وش دخلني تزعلين مني؟
قامت عفراء ووخرت يد فاطمة وجلست تلعب في اظافرها
فاطمة: وههه فدتوااا الزعلان أنا يلا ياعمري انا تعالي تحت بنجلس نسولف ونلعب
عفراء حركت رأسها ب لا: مابا انتو سولفوا ولعبوا بروحكم أنا بجلس ارسم اتركيني لوحدي، ممكن؟
فاطمة جلست على الكرفاية (سرير النوم): طيب اجل أنا بجلس معك
عفراء: اوففف ممكن تتركيني لوحدي؟
فاطمة انسدحت على السرير وبعناد: لا مو ممكن
عفراء: طيب يلا قومي نروح تحت
فزت فاطمة وحضنت عفراء من ورا وباست خدها: أحبككك يشيخهه والله ، ومسكت يدها تسحبها
ضحكت عفرا عليها: صبر صبر باخذ جوالي
ونزلو تحت عند البنات
