فتحت عينها تشوفها جالسه مقابلها على تلفونها فركت عينها بنعاس: اوفف ظهري
التفت عليها حور بابتسامه: صح النوم
جلست الهنوف: صح بندك، الساعة كم؟
ابتسمت حور: الساعة 12:30 الظهر
فتحت عينها بصدمه: الظهر!! فاتتني صلاة الفجر يالله
حور: قومي روحي الحمام غسلي وجهك توضي وصلي الفجر والظهر جالسين برع الجو خيال
ابتسمت الهنوف لها من غير رد وراحت الحمام تغسل وجهها وتفرش أسنانها وتوضت طلعت تفرش سجادتها وتصلي خلصت صلاه ورفعت يدنها تدعي: اللهم لا سهلَ إلا ما جعلتهُ سهله وأنت تجعل الحزنَ إذا شئت سهلَ، اللهم اشرح لي صدري ويسر لي امري وحل العقده من لساني يفقهُ قولي، اللهم ارحم موتَ المسلمين وأشفِ مرض المسلمين، وقفت تفصخ ثوب الصلاه وترجعه: اصبحنا وأصبحَ المُلكِ لله والحمد الله. طلعت لهم وهي مبسمه تقدمت تقبل راس جدها وتقدمت تسلم على أعمامها وزوجاتهم وتوجهت لامها تقبل رأسها: صباح الخير
موزة: الظهر الحين حبيبتي، وضحكت
الهنوف: يمه ليه ما صحيتوني
موزة: شفتك نايمه تعبانه قلت اخليك
الهنوف: بس فاتتني صلاة الفجر
الجد سيف: الله يصلحك يابنتي قلت لك لاتسهرين بس ما تسمعين
ابتسمت له الهنوف من غير رد
عقده حواجبها بانزعاج من الصوت العالي فركت عينها بنعاس وتنهدت جلست وفتحت عينها بصدمه تناظر رائد يغني أغنيه عادل إبراهيم آه يا لندن: آه يا لندن علامه وكيف حاله من هو غيره من البشر صوته وحشني ماوحشته ماطرى اسمي في باله، وفاطمه الي تعزز له:عاششش عاششش اخوي اي وكيف حاله؟ وشيخه تصفق، وهزاع يضحك
فركت عينها بصدمه وبلعت ريقها: بسم الله الرحمن الرحيم، اللهم سكنهم في مساكنهم، يالله صباح خير
ضحكت الهنوف بعلو صوتها، التفت يمينها تشوفها جالسه عندها وصرخت برعب:بسم الله الرحمن الرحيم من متى ذي هنا، وش ذا اليوم الي يخرع يارب حلم يارب حلم ،قربت يدها من الهنوف: تكفين قرصيني
قربت يدها الهنوف وقرصت عفرا، عفرا: اهخخخخ ماتوفرين انتي؟
ضحك هزاع بعلوا صوته، ناظرتهم عفراء: الحين انتو خير كلكم هنا؟؟
ناظرتها الهنوف وغمزت: جينا نبارك لك
عقده حواجبها: تباركون لي؟
ناظرتها فاطمه تضحك: أي أي نبارك ل عروستنا
بققت عيونها: عروسه؟ يما من متى صرت عروسه؟؟
ناظرها هزاع وناظرهم: ممكن تخرجون ابغى أكلمها لوحدنا؟
هزت رأسها الهنوف وفاطمه وناظر رائد ورفع حاجبه: الكلام يشملكم كلكم
رائد: تراها اختي زي ماهي أختك وابغى اكلمها أنا بعد
هز راسه وناظرتهم بصدمه وخافت عرفوا عنها هي وعبدالله وعن علاقتهم بلعت ريقها تشوف نظرات هزاع ورائد لها
تقدم لها وجلس ومسك يدها: عفرا حبيبتي تعرفين إني اخوك الكبير وأي شي ودك تقولينه قولي لي أنا موجود، حبيبتي عفاري في احد تقدم لك أنا سالت عنه وسمعته زينه وكل شي حبيبتي استخيري أنتي وقولي لي حتى لو مو موافقه أنا معك وبكون معك دايم سواء قبلتي أو وافقتي حبيبتي أنتي فكري في الموضوع وترا الرجال كويس وسمعته كويسه أنتي استخيري وردي لنا خبر
بلعت ريقها بتوتر وهي تشوف الموضوع جد صار، تقدم لها رائد وجلس على ركبه ومسك يدها الثانيه: مهما كان ومهما صار لاتنسين تراني اخوج وسندج ادري علاقتنا مو وأيد نفس علاقتج مع هزاع بس تراني اخوج وفكري في الموضوع ومهما كان وافقتي أو رفضتي نحن معاج بكل قرارات، بلع ريقه يكمل كلامه: والله انه رجال وسالت عنه وكل شي وطلع رجال وأمه امس دقت على عمتي فكري وقولي لنا شو واهم شي لا تنسين أننا معاج يد وحده بكل قراراتج وإذا تبيعين أي معلومه عنه تعالي قولي لي بفتح لج ملفه واقول لج كيف يعيش يومه بالتفصيل أي شي تبينه كلميني تمام حبيبتي
دمعت عيونها كانت تتمنى أبوها يجي يكلمها تتمنى أبوها يكون معاها بفرحتها وحزنها ويومها بلعت ريقها وهزت رأسها بالموافقه. وابتسمت تحاول تخفي ضيقها
ناظر دمعتها وحس فيها وعرف أنها تتمنى وجوده تقدم يسحبها ويحضنها
