كانت جالسه على أعصابها تهز رجلها بتوتر تتصل عليه ولاكن مايرد حاط الجوال صامت تأففت بضيق وقررت تروح بدلت لبسها وسوت شعرها وحطت ميك أب خفيف لبست اكسسواراتها ولبست كعبها اخذت عبايتها الزيتيه ترددت تطلع أو لا قررت تتصل قبل لا تطلع بلعت ريقها من سمعت صوته
عبدالله: نعممم أنا ما قلت لج لا تتصلين وجع ان شاء الله شو تبين!!!
بلعت ريقها بتوتر من نبرة صوته: شفيك حبيبي؟
عبدالله: ولج ويه تقولين حبيبي اكرهججججج اكرهجججججج خطتنا كلها اختربتتت بسبتجج بسبتج انتي واخوجججج
عقدة حواجبها داليا باستغراب: كيف؟
عبدالله: اكلمج لما أوصل وتأفف بضيق وهو يسكر من غير ما يسمع ردها
كان الوضع توتر محد راضي يقول لهم شنو في وكان هدوء وقاطع الهدوء عفرا تكلمت بنبره بكاء: حد يفهمني حد يفهمني ليش ليش بس عطوني سبب واحد تطردوناااا؟
سكت الكل من غير رد وصرخت بصوت عالي: أكرهكم أكرهكم ليششش تسون فيني جييي أكرهكم وقعدت تبكي بصوت عالي
وقف رائد بغضب والكل اول مرا يشوفون غضبه اليوم اول مرا يشوفون رائد معصب: تبين تعرفين ليش طردناههه تبين تعرفين ليش طردنا حبيبججج
وقفت عفرا وصرخت بوجهه: تكلم عدل ما تجي وتصارخ علي!
صرخ بوجهها: أقول لج ليششش اقولج سواد ويهه ...
~فلاش باك توقيت الخطبه~
التفت كل الحضور على الباب الي دخل منه حمد وصديقه حمدان، فتح عينه بصدمه عبدالله من الي واقف جمب حمد وبلع ريقه وبصدمه ناضر فيه حمد وحمدان ووسعوا عيونهم
صرخ حمدان بقهر منه: يالوصخخ مو كافي انك متزوج اختي بالسر والحين جاي تتزوج عليها وتعلن للكل بانه أخت هزاع زوجتك الاولهههههه وانت متزوج اختييي بالسررر
ناضره الجميع بصدمه ووقف الجد خالد وتقدم لحمدان: شتقول انت فهمني شتقول
هدا حمدان مايبي يصرخ بوجهه احترام لعمره ولصديقه حمد: ياجد واشر على عبدالله ذا الرخمه متزوج اختي بالسر والله والله لو كان لي كلمه وقدرت اقنع أبوي بانه مايزوجها ذا الرخمه ولاكن للأسف أبوي الفلوس لعبت بعقله، اسف ياجد والله ولاكن أنا مآبي الخطبه تتم لان بتظلمون البنت معه وعن اختي بتتطلق منه
وقف عبدالله وصرخ: مال رخمه الااا انت وأبوك وعن أختك والله تخس اطلقها تخسي أنا احبها وهي تحبني وأي صح أنا متزوج متزوج بالسر من غير علم احد حياتي وانا حر فيها
تقدم له الجد خالد وضربه كف: تعلي صوتك وفي بيتي اطلع برع انت واهلك بسرعة اطلععع
وقف عم عبدالله بصدمه وضرب عبدالله كف ثاني: فشلتنا فشتنا وطيحت سمعتنا عند العرب ولاكن شقول غير حسبي الله ونعم الوكيل فيك
بلع ريقه بصدمه وهو للحين ماستوعب الكف الي من الجد عشان يستوعب الي من عمه وناظر في عمه الي منزل راسه ويتأسف للجد خالد وادرك بانه جاب العيد وخطتهم فشلت وتقدم يطلع برع من عمه وعيال عمه واخوانه، عم عبدالله: يالي ماتستحي طيحت وجهي عند العرب وين اودي وجهي وان الي كنت امشي وافتخر في ولد اخوي واقول ولد اخوي عبدالله بن ضاحي ماتستحي مافكرت فيني يوم تقول عمي ذا حرام اطيح سمعته وسمعت عياله طيب أمك امك الي ربتك وتعبت عليك اخوانك كلنا كلنا وش ذنبنا بأنك تنزل روسنا وتطيح سمعتنا أبوك الي في قبره حتى وهو في قبره تطيح رأسه وسمعته بنات الناس لعبه عندك؟ بس اسمعني يا عبدالله اسمعني والله والله ان ما طلقت بنت الناس ورجعتها لبيت أهلها لا انت ولد اخوي ولا أنا عمك وأخوانك وعيال عمك وأمك وأختك تنساهم يا تطلق البنت وترجعها لبيت أهلها أو تعلن للناس سواد وجهك أنا مستغرب انت شلون ما فكرت في امك مستغرب عبدالله عبدالله ولد اخوي الكبير يسوي كذا وانا الي كنت أتفاخر فيك، دفع بخفه اطلع وروح وأمك وأختك مع اخوانك روح مآبي أشوف وجهك روح
~نرجع للواقع~
بلعت ريقها بصدمه وهي الي ماتوقعت ذا الشي منه هو من عبدالله حبيبها وروحها هي خانت ثقه أهلها عشانه هي رفضت كل الي جو يخطبونها عشانه آخر شي يطلع يستغلها ومتزوج بالسر من غير علم احد طاحت مغشي عليها من هول صدمتها من صدمتها في طاحت وتمنت الموت من بعد ذي الليله،
ركض لعندها هزاع ونزل عندها رائد بسرعة وه ويتأكدون من نبضها وركضت فاطمه تجيب عبايتها ولبسوها وركض فيها هزاع للمستشفى حطها في المقعد الخلفي وأسرع للمستشفى دعس وما اكتملت خمس دقايق وهم عند المستشفى نزل يشيلها وركض يصارخ: حد يجيييي اختي اختي طاحت علينا بسرعة!!!، اسرعوا الدكاتره والممرضين لهم واخذوها للغرفه
كانت جالسه وملانه قررت تروح عند بنت عمها راشد حور لبست بنطلون وهودي ونزلت صادفت أمها
لطيفة: وين ياماما؟
ديم: بروح بيت عمي راشد عند حور
لطيفة: تمام ياقلبي انتبهي لنفسج
باست خدها واشرت لها (معلومه عن المرزوقي كل عياله في بيت ولاكن كلهم بنفس الحوش يعني، ان شاء الله فهمتوا قصدي) كانت جالسه على جوالها ورددت باغنيه يابن الأوادم عبد المجيد عبدالله
~ في عز ماكنت اهوجس فيك وافتحلك
أبواب قلبي خذتني رجلي لبابك
جيتك وانا مـ اذكر إني رايحلك~
فجاة صدمت بجسم حديد مسكت راسها بالم: وجع ان شاء الله رفعت راسها وبلعت ريقها من الي مقابل لها
فايز: اي والله خذتني رجلي لبابك... جيتك وانا مـ اذكر إني رايح لك، اي وش تسوين صوب بيتنا
هزت أكتافها بعدم معرفه: كنت ملانه وقلت أجي عند حور
فايز: أصير لك حور وأحسن لعيونك
ابتسمت بخجل منه، فايز: ابتسمي واخجلي وافرحي وعيشي
ديم: فايز ممكن ادخل اخاف احد يشوفنا ويفهم غلط
سحبها فايز لورا البيت: الحين محد بيشوفنا
بلعت ريقها بتوتر: وش تبغى طيب
فايز: ديم بقولك شي وبسالك وأبيك تردين علي بكلمه طيب؟
هزت راسها من غير رد وسحبها وجلسوا على الجلسه: ديم أنا احبك والله احبك ومابي منك إلا كلمه لو تقدمت لك بتقبلين فيني؟ تقبلين فيني زوج لك؟ تقبلتي فيني شريك لحياتك؟ أوعدك أوعدك لو قلتي لا صدقيني مافي شي بيتغير صدقيني مابكرهك والله بالنهايه هذا قرارك بس ردي علي تقبلين فيني زوج لك؟
بلعت ريقها بصدمه وهي لها أيام تفكر في ومااختفى عن تفكيرها وهي مو عارفه شعورها تجاهه ماتخفي بانها أعجبت بإسلوبه ناظرت في عيونه ناظرت بعيونه بانه خايف من خسارتها خايف من قرارها، ناظر فيها شافها ساكته وبلع ريقه وهو يخاف يخاف ينرد وتقول له لا مابيك يخاف يكون في شخص بحياتها وقف وقال: إخذي راحتك بالتفكير لا تستعجلين ولاتنسين مهما كان قرارك مابيتغير شي عن قبل وابتسم لها ومشى نزلت دمعه من عيونه ومسحها بسرعة، وقفت وهي ماتعرف شو تسوي وراحت البيت وسكرت الباب على نفسها ومسكت قلبها وهي مو عارفه سبب توترها ودقات قلبها الي كل مالها تزيد
كان جالس يهز رجله بتوتر ينتظر بس احد يطلع ويطمنه عليها وجواله ماسكت من الاتصالات حط جواله بالصامت طلع الدكتور ووقف هزاع مسرع له: عسى ماشر دكتور شفيها اختي؟
ابتسم الدكتور لجل يخفف توتره وخوفه: الحمد الله أختك ماعليها شر بس إغماء وماتشوفون شر
هزاع: الله يطمنك بالجنه نفس ماطمنتني والله، طيب اقدر ادخل أشوفها
ابتسم الدكتور رضى: أكيد أكيد تقدر وبس يخلص المغذي تقدر تأخذها وتطلعون ولازم تنتبه على نفسها
هزاع: مشكور وماتقصر
الدكتور: ابد ذا واجبي
ابتسم له هزاع وراح داخل عند عفراء شافها سرحانه وما انتبهت لدخوله تقدم يجلس مقابل لها ومسك يدها، فزت من مسك يدها
هزاع: بسم الله عليج ارتاحي
تنهدت بضيق، وكمل هزاع: أنا ما بكلمج الحين خل نطلع وبكلمج طيب؟
هزت راسها بالموافقه من غير رد، تنهد بضيق وهو يشوف ملامحها الي يبين فيها الضيق
شو رأيكم بالبارت؟ ،توقعتوا عبدالله يكون بذي الشخصيه أو لا؟، شو تتوقعون نهاية ديم وفايز!؟ لا تنسون ال⭐️ والتعليق الحلو نفسكم💕
