كانت جالسه بغرفتها تطقطق على جوالها سمعت دق الباب عدلت جلستها: من؟
عمر: أنا يبوي
ديم: تفضل يعمري
دخل أبوها وجلس مقابل لها وشافت أمها واقفه والدموع ماليه عينها وقفت وضمت أمها
ديم:وششش فيك يمه ليه تبكين؟
سحب بنته من زوجته وجلسها ومسك يدها وقال: حبيبتي بابا انتي الحين كبرتي وصرتي مرا لازم تعقلين وتوقفين شطانتك
عقده حواجبها: وش فيه يبابا؟ وش ذا الكلام فيكم شي؟ ماما فيها شي؟ وترتوني وش فيه
ناظر عمر في لطيفه وفهمت عليه وطلعت: يماما جوك خطاب والولد والنعم فيه والله
مثلت الغباء وقالت: وش خطابته بابا؟
عمر: يعني في واحد جا وخطبك
ديم وهي مستمره تمثل الغباء: كيف يعني؟
ضحك عمر عليها (لان فايز قال لامه كل شي بانه كلمها وكذا لان مايحب يكذب بشي وأمه قالت لهم ووضحت بانه ماصار شي): يابنيتي فايز طلب يدك
ديم وتمثيلها: هاه؟
عمر: بيجون يخطبونك رسمي الجمعه والملكه الأحد
ديم فتحت عينها بصدمه: لالالا بابا لااا أنا ما استخرت حتى
عمر: حبيبتي فايز قال كل شي لاتلفين وتدورين وضحك
بلعت ريقها بصدمه هل هذا أبوها الي متشدد؟ الي مايرضى يسون الغلط؟، نزلت راسها وقالت بهمس: اسفه بابا
رفع راسها: ليه تتاسفين
ديم: لأن كلمت فايز من وراكم
عمر: ماصار شي يبابا وبعدين ماكلمتيه انتي وسويتي شي غلط عطيتيه رايج ولا؟
هزت راسها بالإيجابية
وقف عمر وقبل راسها: وتوجه للباب: يلا بابا تجهزي الجمعه الخطبه والأحد الملكه
ديم: باباااا مايمديني اجهز للملكه شي
عمر: يمديك يمديك، وطلع
ديم: اوففف، واخذت نفس تهدي توترها
جالسه تجهز شنطهم لان بيسافرون دخل عليها بهدوء وتقدم يحضنها من الخلف
ابتسمت من شافت يدينه تحاوطها من الخلف وتحاوطت رقبته
سالم: جاهزه حياتي
هزت راسها من غير رد وتوجهت تلبس عبايتها وحطت الطرحه على أكتافها ومسكت يده وطلعوا
سالم: سالي لو سمحتي الأغراض في قسمنا نزليها لو ماعليك امر
ابتسمت سالي وهي تعتبر كل الأحفاد زي عيالها لان كانت عندهم فوق ال30 سنه: ابشر
ابتسم لها من غير رد،وتوجهوا يسلمون على الكل وجلسوا شوي يسولفون
وقف سالم وناظر بسارة: يلا احنا نستأذن
الجد خالد: الله يحفظكم، انتبهو على نفسكم
الجده نورة: درب السلامه
ابتسموا من غير رد ومسك يدها وطلعوا
