-يُوفوريَا|𝑒𝑢𝑝𝚑𝑜𝑟𝑖𝑎.

‏⋆꙳ ᵀᵂᴼ

وذروة الحب أن تراه كل مرة كأنك أول مرة تراه

چان يمشي بسرعه لان متأخر على محاضره
صعد على درج وشاف شخص كدامه يمشي التفت
اله وچان نفسه الشخص اللي يتبادل النظرات وياه

ابتسم هذاك الشخص اله وبادله هَيف تكلم
"شنو هَم متأخر؟"

هَز هَيف راسه اله وچان فحطان
"اي"
وصلوا للقاعه ودخل هذاك الشخص قبله وبقى هَيف

ينتظر يشوفه اذا راح يدخل او لا،سَد الباب
وباوعله هَيف
"ها؟"

ابتسم اله
"ميقبل ندخل"
زفر هَيف الهواء اللي بداخله وبين عليه انه ضاح

"معليك بي تعال ناكل"
ضحك هَيف
"يلا"

نزلوا وهم على درج صاروا يتكلمون
"شنو اسمك؟"
"اني هَيف،وانتَ؟"

"حلو اسمك،اني حسام"
باوعله هَيف وابتسم
"تشرفت"

ابتسمله الثاني وبعدها تكلم
"يامطعم تحب نروح؟"
"عادي اي واحد،اساسًا مو كُلش جوعان"

"يلا مو مشكله بين منوصل تجوع"
طلعوا مِن الكليه وصاروا يتمشون مجانت
المطاعم بعيده عليهم كلها خمس دقايق

وخلال ماهم يمشون چانوا يتكلمون بـَ كلام
عادي ومواضيع عامه،چان هَيف شويه خجول بَس
يحاولي يخفي ويحاول انه يتفاعل ويه كلام
الثاني

ويتوتر اذا صار هدوء،وصلوا للمطعم جلسوا
وطلبوا وبعد مانتهوا مِن موضوعهم صار هدوء
صار هَيف يباوع بعيد،او بـَ الاصح هوَ سَرح
لان وحده مِن عاداته انه يسرح هواي

وبعد ماوعى على نفسه حاول انه يقطع الهدوء
اللي صار فالتفت لـَ حَسام اللي چان الثاني هَم
سارح بَس چان سارح بي وبعد مانتبه لـَ هيف

تحمحم وعدل كعدته،حاول حتى هَيف انه
يسوي الوضع وابتسم اله سئل حسَام
"صح،شكد عمرك؟"

استغرب هَيف مِن السؤال لانه چان متوقع
انه الاغلب نفس العُمر
"بـَ شهر الثامن اصير ١٩"