-يُوفوريَا|𝑒𝑢𝑝𝚑𝑜𝑟𝑖𝑎.

‏⋆꙳ ᶠᴵᵛᴱ

‏وجئتَ إليَّ في لُطفٍ يُهدهِدُ رَوعي العاتي.

فَتح هَيف عيونه وچان يحَس بتعب وعَدم
راحه لانه البارحه بـَ الليل منام زَين چان
بَس يصحى مِن نومه ومستمره وياه عَدم
الراحه

جسمه يوجعه وابدًا موقف تفكير حتى وهوَ نايم
چان يحَس نفسه بين الصاحي والنايم بسبب
تفكيره بـَ الموضوع

چان يفكر اذا هو معجب بي فـَ ليش هَذا
الشعور ملازمه،وبعدين يرفض الفكره لانه
يحَس انه ميعرف مشاعره اتجاهه

چان ملخبط وتعبان،اخَذ تليفونه وشافها الساعه
سته الصبُح رجعه لـَ مكانه وكمل وهو يباوع
على سقف مال الغرفه

قرر انه ميروح للدوام اليوم فـَ بقى بـَ سَريره
الى ان صارت الساعه بـَ ١٠ نهَض مِن
سريره وچان متوتر وقلق شلون حيشوف امه

يحَس وكأنه مسوي جريمه،راح للحمام غَسل
ورجع للغرفه اخَذ تليفونه ونَزل

"صباح الخير"
التفت اله والدته
"صباح النور،شنو ماعندك دوام؟"

"لا عندي بَس مرحت"
"ليش؟"
"ماعدنه شي مهم"

"تريد ريوك؟"
"لا"

رجَع صعد لغرفته ونام على سريره سَمع
تليفونه يدُك اخَذه وچان حُسَام جاوبه

:هلاو.
:هلاو.
:شنو وينك ليش مچاي اليوم؟.

:مابيه حيل.
:بعدك متأذي؟.
:اي شويه.

:ميخالف شويه وتصير احَسن
تريد اجيبلك كريم واخليلك.
مفهم هَيف