وفي جميع الليالي
لكِ موعدٌ مع قلبي
بعد ما تركوا كُل محاضراتهم راحوا لكليه
قريبه عليهم لان اتصل صديق حُسَام بي
حتى يروحله واخَد هَيف وياه
نزلوا مِن السياره ولاحظ حُسَام انه هَيف چان
متمحس،وهَذا الحماس چان بسبب المكان الجديد
اللي راح يزوره فهو يتحمس ويحس بـَ احساس
حلو بـَ كُل مَره يزور مكان جديد
اتصل حُسَام بـَ صديقه حتى يجي يدخلهم
وممرت غير دقايق قليله واجه سلموا على
بعض ودخلوا
صَح اخَذ الدفاتر منه بَس حبوا انهم يدخلوا
"اذا تريدون افتروا اني عندي شويه واجي"
راح وبقوا وحدهم التفت حُسَام على هَيف اللي
چان يباوع على مكان
"حبيتها؟"
"اي اول مَره ادخل لكليه فنون،تحسهم
عايشين بـَ غير عالم"
صاروا يتمشون وچانوا الطلاب قليلين
بسبب المحاضرات او الامتحانات
چان هَيف حَاب يفتر بـَ كُل الكليه بَس چان يتردد
لانه يخاف اكو احد بـَ القاعات،بَس چان حُسَام
يسحبه حتى يدخلون
چانوا مستمتعين وياخذون صور للمكان
والهُم،صار هَيف يسمع صوت موسيقى
"دتسمع؟"
استغرب حُسَام
"لا شنو؟"
صار هَيف يحاول يتبع الصوت وحُسَام
خلفه مو فاهم شي
وصلوا للقاعه الصادر منها الصوت بَس چان
الباب مسدود باوع على حُسَام
"تريد تدخُل؟"
"خاف ميقبل..."
وقبل لا يكمل كلامه فتح حُسَام الباب
چان اكو شخص يعزف بـَ البيانو وحواليه مجموعه
مال طلاب،صار يحاول يشوفه زِين بَس مكدر
سحبه حُسَام لان شاف صديقه وصار هَيف
امام العازف وكدر يتعرف عليه،تفرقت شفايفه
عَن بعض وعيونه صاروا يلمعون حَس وكأنه
نفصل عَن العالم صار مركز بَس عليه
شعره الاسود بشرته الحنطيه ولحيته خفيفه
جسمه چان متناسق وواضح عليه انه طويل
صَح شايفه قبل بَس هَل مَره حَس وكأنها غَير
بعد مانتهى العازف رفع راسه وهو مبتسم
عُرفه هَيف انه نفس الشخص اللي يشوفه
بـَ المقهى اللي يروحله دائمًا
أنت تقرأ
-يُوفوريَا|𝑒𝑢𝑝𝚑𝑜𝑟𝑖𝑎.
Fanfictionأقبِل عليّ ضُم الفؤاد إذا اشتكى أضحك إليّ إن مال غصني مُتعبًا سلم عليّ، قبِّل بشوقٍ وجنتي دعني أذوبُ من الحيا طبطب على كتفي وقُل: إني معك ﻻشيء يُبكي مدمعك ﻻحزن يسرق مبسمك إني معك، إن أسكتتك مواجعك إن غيَّبتك مشاغلك قلبي يراك ويسمعك لا...
