-يُوفوريَا|𝑒𝑢𝑝𝚑𝑜𝑟𝑖𝑎.

‏ ⋆꙳ ᵀᵂᴱᴺᵀᵞ ᴼᴺᴱ ‏

‏في هَولك ،
في حرير حنانك ، في رعب غموضك .
فيك : أتركُ نفسي

چان هَيف جالس يَم رجال كبير بالعمر قريب على
المحل اللي يشتغل بي وچان هذا الرجال عنده قهوه شعبيه
قديمه وبيها راديو صغير

چان هَيف هادئ وهو يستمع للاغاني اللي تطلع مِن
الراديو واللي صوته مچان واضح كُلش بَس بس
اساسًا هو يعتقد چان يستمع اله رغُم انه مو

مركز بشي بسبب افكاره،بَس طلعه مِن سرحانه
صوت ام كلثوم وهي تغني اخذ هَيف جكاره مِن
الرجال وچانت هَي اول مَره يدخن بالعلن

كان لك معايا
اجمل حكايه
في العمر كُلو
سنين بحالها
ما فات جمالها
على حُب قبله
سنين ومرت
زي الثواني
في حُبك انت

يدخن بهدوء سرحان بالكلمات والصوت
صحى مِن سرحانه وهو يشوف سَيف جالس
بالطاوله الكدامه

كدر يعرف هَيف انه سَيف هو الثاني متضايق
تبادلوا النظرات ثواني،ورغُم المسافه القليله بينهم
بَس حَس هَيف انه بينهم اعوام هواي مسافات طويله

عقبات مراح تخلص،سَيف هذا غريب عَن هَيف
ميعرفه ولا حتى هَيف يعرف هذا منو ولا يعرف
يتعامل وياه

چان السؤال اللي دائمًا يردده هَيف
معقوله انتهينه؟
هَي نهايتي وياه بـَ هَي الطريقه

نهض هَيف تارك المكان رغُم هو چان يريد يبقى
اكثر يباوع لـَ سَيف بعد بَس مكدر،راح للمحل
حتى يشوف عمار اذا اجه او لا

چان يسد المحل حتى يرجع للبيت بعد مانتهى
شغله بَس قبل لا يطلع
"ليش مِن ادكلك متجاوبني؟"

غَمض عيونه وبلع ريقه التفت اله وشاف
الثاني وهو مبتسم
"حبيبي ادري بيك زعلان مني،

بَس وداعتك الشغل ممخليني حتى احك
راسي"
"بَس عندك وكت تنام ويه موظفيك صح"