-يُوفوريَا|𝑒𝑢𝑝𝚑𝑜𝑟𝑖𝑎.

‏ ⋆꙳ ᶠᴼᵁᴿ

‏يانظرةً
أسكرت رأسي حَلاوتها
من الشتاءِ
وحتى موسم العِنبِ .

"تعال اوصلك"
"لا ميحتاج اني اروح"
"دتعال شبيك على طريقي"

اصر هَيف على رفضه لسبب غريب بَس
بسبب كثره اصرار حُسَام عليه انه هو اللي
يوصله بـَ كُل مَره وكُل مَره يحاول وياه انه ياخذه
لبيته

چانت فكره مخوفته وممرتاح الها فدائمًا چان يرفض
مَع انه يَحس انه اكو جزء منه يريد يروح حتى يقضي
وقت وياه اكثر بَس چان بـَ كُل مَره يرفض

وهَم بسبب انه والدته موصيته ميروح ويه
اي شخص ولا ياخذ مِن اي شخص اي شي
صَار يتمشى راجع للبيت

وچان تعبان بسبب يومه الطويل بـَ الكُليه

الساعه ٦:٢٥ مساءً

چان هَيف يعدل بـَ الورد ويدندن ويه كلمات
الاغنيه بـَ هدوء التفت بعد ماسمع الباب ينفتح
ركَز بـَ الشخص وتفرقت شفايفه چان مصدوم

بسبب وجوده هنا،ابتسم اله بدون ميحَس على نفسه
"مرحبا"
"اهلًا،تفضل"

چان هذاك الشخص هَم مبتسم اله
"چنت رايد ورد ابيض"
"اي نوع لو عندك نوع محدد؟"

"لا عادي اي نوع،مو مهم"

راح هَيف حتى يختار نوع الورود واختار
واحد مِن الورود اللي يحبها،واللي هَي وردة
الجوري،وهو ياخذهم الثاني مَرفع عينه