-يُوفوريَا|𝑒𝑢𝑝𝚑𝑜𝑟𝑖𝑎.

‏ ⋆꙳ ᴱᴵᴳᴴᵀᵀᴱᴱᴺ

شلون بيه ، شلون بيك
گلبي انه تعود عليك
وروحي مو يَم جسمي روحي
وگمت أحسها بـ بين إديك
وردت اگلك أنت اني
ومثل سيف برُگبتي تمُر الثواني
ليلي من دونك أخلصة
بالجگاير والأغاني

ابعد هَيف التليفون عَن اذنه وچان مستغرب
ليش سَيف ميجاوبه،دَك الباب على بيت مالك
"هَلاو هَيف"

ابتسم اله هَيف
"هلاو،هَي جبتلك البوكيه الردتها"
قَدم هَيف الباقه اللي رداها مالك منه

"عاشت ايدك چنت رايد اني اجي اخذها
حتى ماتعبك بَس ماصارلي مجال"
ابتسم هَيف

"لا ماكو تعب"
"تعال ادخل سَيف جوه"
استغرب هَيف لان اذا موجود هنا ليش ميجاوبه

راد هَيف يرفض بَس سحبه مالك ودخل
دخل هَيف وچانوا موجودين اصدقاء سَيف
بَس هو مموجود سلم عليهم وجلس

فـَ سئل مالك
"لعد وين راح سَيف؟"
تكلم واحد مِن الجالسين
"جوه ويه حبيبه"

توقع هَيف انهم يمزحون فـَ باوع على مالك اللي
چان هو وأمير وسلام يتبادلون النظرات وعرف
انه الموضوع مو مزح

تكلم أمير
"مو حبيبه چان حبيبه"
"منو كلك ميرجعله؟"

تغيرت ملامح هَيف وصار يحس انه مديستوعب
كلامهم،حاول ميبين على ملامحه بَس ماكدر،
تكلم سلام اللي چان جالس بـَ جانبه
"چان حبيبه تره"