ဆန်းကြယ်သောချစ်ခြင်းဋီကာ[completed]

Part.18

Unicode

သူတို့အားလုံးရဲစခန်းမှာထွက်ဆိုချက်ပေးအပြီးအပြန်တွင်ဆေးရုံသို့ဝင်ခဲ့ကြ၏။
ဖြစ်ပျက်သွားတဲ့အဖြစ်အပျက်တွေအပေါ်မှာယုယကအရမ်းလန့်သွားတဲ့အပြင်ခေါင်းမှာလည်းဒဏ်ရာရသွားတာကြောင့်ပါ။

''ရရဲ့လားယုယ ဖြည်းဖြည်းလျှောက်''

''ယုယဘာမှမဖြစ်ပါဘူးမမလေးရယ် မမလေးသာအိမ်ပြန်ပြီးနားပါ မပေါ့မပါးကြီးနဲ့''

''ငါကဘာမှမဖြစ်ပါဘူး ဘာမှထိခိုက်မသွားဘူး''

''ဘာပဲဖြစ်ဖြစ်မမလေးကိုကျေးဇူးတင်ပါတယ် ယုယဆီရောက်လာပေးလို့''

နှောင်းသူမအားပြုံးပြ​လိုက်၏။

ယုယဆိုတာသူမအတွက်ညီအစ်မလိုလည်းဟုတ်သလိုသူငယ်ချင်းလိုလည်းဟုတ်သည်။
တစ်လောကလုံးသူမဘက်မရှိမနေရင်တောင်ယုယတစ်ယောက်ကတော့သူမဘက်မှာရှိနေပေးမယ့်သူပင်။

အဲ့အတွက်သူမကလည်းခုလိုပြန်လုပ်ပေးရမှာပေါ့။

သူတို့ဆေးရုံမှာယုယကိုစစ်ဆေးကာဆေးကုပေးစရာရှိတာလည်းကုပေးပြီးအိမ်သို့ပြန်လာခဲ့ကြ၏။

သူတို့အိမ်ပြန်ရောက်သည်နှင့်နှောင်းက

''ဦးသျှံအိမ်ပြန်လို့ရပြီနော်''

''ဟမ်''

''ဟုတ်တယ်လေ အခုအန္တရာယ်ပေးမယ့်သူလည်းမရှိတော့ဘူး ဘာပြဿနာမှလည်းမရှိတော့ဘူး အဲတော့စောင့်ရှောက်ပေးမယ့်သူလည်းမလိုတော့ဘူး''

သျှံသူမလက်ကိုဆုပ်ကိုင်လိုက်ပြီး

''နှောင်း ကိုယ့်ကိုပြန်လက်ခံပါတော့လား နော်ကလေး''

''ဘာ ဘာရယ် ဘာဖြစ်တယ် ဘယ်လိုခေါ်လိုက်တယ်''

''ကလေးလို့ခေါ်လိုက်တာလေ''

''မခေါ်နဲ့ အရှက်ကိုမရှိဘူး''

''ဟုတ်တယ် နှောင်းနဲ့ပတ်သက်ရင်ကိုယ့်မှာအရှက်လည်းမရှိတော့ဘူး မာနလည်းမရှိတော့ဘူး နှောင်းကိုယ့်ကိုဘာလုပ်စေချင်လဲ ကိုယ်အကုန်လုပ်ပေးပါမယ်''

''အဲဒါကြောင့်ပြန်လို့ပြောနေတာလေ အဲဒါနှောင်းလုပ်စေချင်တာပဲ''