بقلمي الكاتبة ميلاد العزاوي
بنات لا تنسون التصويت بين الفقرات
احبكممم ❤️
الحمدلله والصلاه والسلام على رسول الله
نبدي بسم الله ........
٢٠٠٧ في الحروب و الاحتلال والمشاكل في العراق تنشأ فتاة بعمر الورد صغيرة وسمراء اللون ومع ذلك غمازة في خدها وتجذب النضر......سماها الاب نهى
عفراء: يبوووووو الحگلي احمد راح اولد يمةةة الحگييييي الوجعععع يموووت
احمد:انتضررري شوووية يا عيني متشوفين القناص الامريكي فوگانا انتضري شوية ثواني يروحي
عفراء:بعددددد ما اتحملللل نزززل مي منييي يمةةةة
احمد :يمة حبيبتي راح اوديچ ع الجدة ( تولد نسوان بزمن القديم جيل الطيبين)
عفراء:استعجللل عليكك الله حمووت
احمد:يلة وصلنا من انعلل والديك وكتتتتك (يقصد ع القناص)
عفراء:دستعجل يا عينييي حمووووت يمةةةة
احمد:شلووون استعجل ما اگدر لازم شوية شوية وما اگدر اشغل ضوة السيارة يلگفنة القناص الامريكي فوگانا بس اشغل ضوة يلگفني ويموتنة
عفراء:استعجل اروووحلك فدوووة!!!
احمد:هاهية حبيبي وصلنة يلة نزلي ع كيفچ هوب هوب ع كفيچ
_وصلت ودخلت الجدة چانت امي تنتضرني هناك الجدة مرة چبيرة بلعمر كلش
الجدة:تعالي بنيتي انتي مفولة تعالي
عفراء:يي جدة حموووت من الوجعععع
_گعدت گوة وولدت بساع لان چنت مفولة واني بلسيارة اذب تكرمون مي الولادة ولدت والحمدلله بس تأذيت لان ولدت بدون بنج ولو الولادة چانت سهلة الحمدلله طلعت بنية ابوها فرح هوايي وسماها ع الاسم الي يحبة عمي (ابو زوجي) سماها نهى
احمد:يمة الف مبروك حبيبتي انشالله تتربة بعزنة اني وياچ عمري
عفراء:الله يبارك بيك عيوني ابو نهى ههههههه
_طبعا الجدة وامي باركتلنا وطلعنة لبيت امي گبل بقيت هناك شهر ونص كبرت نهى وحلوّت بعيني مع العلم اني من أخذني ابو نهى چان عمري گلش صغيرة يعني عمري ١٧ سنة وصرت حامل بنهى
نهى كبرت وكبرت وياها وگامت تحبي وابوها ممصدگ صار عندة بنية لان كلش يحب البنات يموت ع البنات
كبرت نهى ويا اختي (خالتها)خالتها اكبر من نهى بـ٧ سنوات وچانت تموت ع نهى ونهى نفس الحالة
نهى:بعد سنين وسنين نعود في زواج عمي چنت صغيرة عمري تقريبا ١٠ لو ٩ سنوات اني وامي رحنا للسوگ ال...*نشتري ملازم العرس امي اشترت نفنوف ورادت تشتريلي بنطرون وبدي واني چلبت الة اشتري بدلة لون ابيض دگيت رجل وگمت ابچي بلگاع (شايفين الجهال من تريد شي ومتحصلة شلون يگومون يرفسون بلگاع)
اشتريت البدلة وفرفحت روحي گلبي صار يگمز من الفرحة
اشتريتها ورحت ويا امي للبيت وبدلنة وطلعنة اني وياها وابوية وتعرفون العرس شلون يصير كلة هوسات واصدقاء عمي وابوية وعمي الچبير (ليث)
اخذنا مرت عمي (العريس)من بيت اهلها وتوكلنة وصار الطلق ولهورنات وعلگت بعد وولد عمي الچبير موجودين واني وياهم نلعب ونلم چكليت من الگاع وفرحانين وانتهى العرس وعمي أخذ عروستة ورجعو للفندق
_ثاني يوم رحتة نبارك للعرسان أبوية وامي وعمي الچبير ليث ومرت عمي اخذنا ويانا صينية صباحية عرسهم عسل وگيمر وچاي (عادات قبل) اخذنا ورحنا طبعا همة رجعو من الفندق للبيت مالتهم ورحنالهم البيتهم اني وولد عمي هم صغار مثلي نلعب ومكيفين خلصنة ورجعنة قبل الغدة حتة ما تغدينة لان عيب اول يوم للعروس وتسوي غدة ميصير
رجعو بيت عمي يمنة بلبيت وامي سوت غدة النا والهم وسوالف وضحك ونكات واشكال عمي يحجي واني گاعدة يمة ويدغدغني ويضحكني ويسولفلي قصص اطفال
طلعت برا نلعب اني وولد عمي وما احس الا ...........!!
اذكروا الله وصلوا على النبي محمد (ص)
يلة ع البارت الثاني تعرفون شصار مو مشكلة 😂
أنت تقرأ
شاهينة البدو
Mistero / Thrillerالقصة واقعية فتاه جميلة تواجه المشاكل وتقع في الحب من طرف واحد ومن ثم يأتي العوض عن كل شئ كسرها دمرها قهرها.
