My Lovely Bride (Helena & Troy) - Maureen Apilado

Chapter 12

ONE month later:

Si Marie Kathleen ang inip na inip. Maya't maya ay binabalikan ang ama sa kuwarto nito. "Daddy, ano ba? Bakit ang tagal-tagal mo? Kanina pa bihis si Tita Helena, baka mainip na iyon."

Natawa si Troy. "Sandali na lang. Inaayos ko pa itong kurbata ko. Ikaw itong dapat na maupo sa isang tabi. Pawis na pawis ka na. Mamaya, baka mabaho ka na."

"Oo nga, e. Ang init naman kasi nitong damit." Sumalampak ito ng upo sa kama ng ama at pinanood ang pagbibihis nito. "Dad, hindi ba nakakahiya, ang laki-taki ko na para mag-flower girl"

"Hindi ka flower girl. Junior bridesmaid ka," pagtatama ni Troy. "So you should act like a lady." Napahagikgik ito, pakuwa' y tumayo. Tumabi sa ama at tiningnan ang sarili sa salamin. "Daddy, maganda rin ba ako?"

"Siyempre naman. Sinong may sabing hindi ka maganda? Bubugbugin ko," sabi ni Troy.

"Si Tita Trina. Ang taba-taba ko raw kasi. Paglaki ko raw, wala na raw lalaking magkakagusto sa akin."

"THERE, tapos na." Nilagyan ng final touch ni Rico, ang makeup artist na kaibigan ni Helen, ang makeup ng dalaga, saka bahagyang lumayo para masipat na mabuti. "Ikaw  ang pinakamagandang bride na naayusan ko, 'day," sabi pa.

"Bakit, ilang brides na ba ang naayusan mo?" tanong naman ni Helena na sinipat ang sarili sa salamin.

"Ikaw pa lang," biro ni Rico.

Nagkatawanan sila.

"Serious, Helena, maganda ka. Flawless ang skin mo, magandang ayusan. Maganda ang bone structure. Ang problema lang sa iyo, hindi ka mahilig mag-ayos. Hindi mo nae-enhance ang natural beauty mo. Aba, compared to Helen, hindi naman masyadong naglalayo ang beauty ninyo, a. You're just more voluptuous and curvy. Kung tutuusin, mas sexy nga iyon."

"Noong panahon ng mga diyosa rig mga Griyego," sabi naman niya. Nakikita niya ang mga sculptures ng mga babae sa Greek history, pawang matataba. Voluptuous. "But, thanks anyway. Hayaan mo may bonus ka sa akin."

"No need, 'day. Regalo ko ito sa iyo. Sister ka ni Helen, so kaibigan na rin kita," sabi ni Rico.

Tumayo si Helena. Tinungo ang pinto.

"Saan ka pupunta?" anong ni Rico na napasunod sa kanya.

"Sisilipin ko lang si Troy sa kabilang silid. Baka may kailangan pa," aniya.

Magbibigay sana ng warning knock si Helena, ngunit bahagyang nakabukas ang pinto. Naroroon ang mag-ama. Tila seryosong nag-uusap.

"Huwag mong masyadong pinapansin ang sinasabi ni Tita Trina mo. Besides, bata ka pa. Baby fats pa lang ang mga iyan. Pag nagdalaga ka na, mawawala rin iyan," payo ni Troy.

Napangiti si Helena sa naririnig na usapan ng mag-ama. Lyon din ang dialogue nila noon ng papa niya. Simula kasi pagkabata, mataba na siya. Medyo pumayat lang siya nang kaunti nang magdalaga siya: Iyon ay dahil sa kagustuhan ng mama niya. Gusto ng mama niya, maging katulad siya ni Helen. Payat, maganda, matangkad. "Paano kung hindi na mawala? Di hindi na ako Makakapag-asawa?"

Muntik nang ubuhin si Troy. "Maano kung mataba ka parin? Hindi lahat ng lalaki, gusto ay payat at sexy. Gusto lang nila yong tingnan, pero mas gusto pa rin nila yong kapag yumayakap sila, hindi puro buto. Tingnan mo ang Tita Trina mo at Tita Helen mo, pareho silang maganda at sexy pero mas gusto ko pa rin ang Tita Helena mo."

"Dad, do you really love Tita Helena?"

"Of course, I love her. Kung hindi, hindi ko siya pakakasalan." Nagkatinginan sina Helena at Rico. Nangislap ang mga mata ni Helena. "Huwag kang iyak. Masisira ang makeup mo," sabi ni Rico. "Do you love her more than you love mom?" tanong ulit ni Marie Kathleen sa ama.

Nilapitan ni Troy ang anak. Kinandong. "Marie Kathleen, iba ang pagmamahal ko sa mommy mo sa pagmamahal ko sa Tita Helena mo. Your mom was my first love and I thought I'll never learn to love again. Pero dumating sa buhay ko ang Tita Helena mo. She taught me how to live again, to laugh again... Do you mind if I love her more than your mom?" Saglit na natigilan ang bata, pagkuwa'y, "No, I Sure, here's the text with a space between each paragraph:

Guess. Anyway patay na si mommy. And you need someone to warm your bed."

Hinalikan ni Troy ang anak. "Thanks, brat, for being so understanding."

Inakay naman ni Rico si Helena pabalik sa kuwarto. "Sabi ko sa iyo, huwag kang ilyak. Hayan, nasira tuloy ang makeup mo." Pero naluluha rin ito sa labis na tuwa para sa bride. Inabutan ito ng tissue. "Hayan, suminga ka na at aayusin ko uli ang makeup mo."

"Thanks!" "Alam mo, 'day, ang suwerte-suwerte mo. Finding a man like that. Ako kaya, makatagpo rin ng papa who will love me without my money?" sabi ni Rico. Napahalakhak si Helena.

IT WAS a garden wedding. Nagagayakan ang maluwang na lawn ng mga Avancena. Sa harap ng grotto ng Lourdes, sa isang panig ng garden, doon gaganapin ang seremonyas ng kasal.

Nilatagan ng carpet na pula ang daan patungo sa Grotto of Lourdes na nasa isang panig ng garden. Lyons ang ginawang altar. Pawang fresh flowers na puro puti ang dekorasyon sa magkabilang panig ng aisle.

Tumugtog nang wedding march ang nasa piano. Naunang lumakad patungo sa altar si Troy, kasama Ang ina at ang best man na si Capt. Olivar. Makisig na makisig ang groom sa suot na kulay-kremang tuxedo. May puting carnation pa ito sa dibdib.

Sumunod ang kanilang sponsors sa kasal. Dalawang pares lang iyon. Ang ninong at ninang ni Helena sa binyag at ang kaibigan ng pamilya nina Troy.

Sumunod ang bridesmaid na si Helen na magandang-maganda sa suot na simpleng puting gown. Marami ang napahanga nang lumakad ang dalaga. Standout si Helen kahit na ano ang isuot nito. Tulad ng dati, sa halip na mainggit, ikinasisiya pa iyon ni Helena. Hindi rin niya mapigilan ang di maging proud sa kapatid.

Sumunod si Marie Kathleen na may dalang bouquet sa halip na basket ng sariwang bulaklak. Napangiti si Helena. Taas-noo at mahinhin itong naglakad.

Nagsimula na ring magmartsa si Helena. Nakakawit ang mga kamay sa magkabilang brasong mga magulang. Nakangiti siya habang papalapit sa kinaroroonan ni Troy.

Pigil naman ni Troy ang hininga. Napakaganda ni Helena nang mga sandaling iyon. Suot ang puting-puting damit-pangkasal na may dolman sleeve. Yari sa jusi at pinya at white satin. Simple lang ang cut but it was designed for a more voluptuous figure like hers.

Straight Cut yon na may mahabang slit sa harapan at kapag lumakad siya, massilip ang magandang hubog ng binti niya. Ang pinaka-accent ng gown ay ang halos tatlong metrong train nito na nakakabit sa tiara sa kanyang ulo.

Habang papalapit si Helena sa kinaroroonan ni Troy, hindi niya mapigilan ang pag-init ng talukap ng mga mata. Napasinghot siya.

"Don't cry. It will ruin your makeup," paalalang mama niya. Tinapik naman ng papa niya ang kanyang kamay. Nang tingnan niya ito, namumula rin ang mga mata ng ama. Narinig nila ang pagbuntunghiningang kanyang mama. Walang panahon ang ina sa mga ganoong sentimentalities. Hindi tulad ng papa niya.

Pagdating nila sa may altar, sinalubong siya ni Troy. Kinuha ang kamay niya mula sa kanyang papa at hinalikan siya sa mga labi.

"I love you!" bulong nito, bago siya dinala sa harap ng altar.

                                                     WAKAS