Unicode
တစ်ခါတရံ သူက လုဟယ့်ရန်ရှေ့တွင် ရွှီကျယ်အဖြစ်နှင့် တည်ရှိနေသည်လား ၊ No.17 အဖြစ်နှင့် တည်ရှိနေသည်လား မခွဲဝေတတ်။
ဥပမာ - ယခုကဲ့သို့ အခိုက်အတန့်မျိုး။သူက အနက်ရောင်လျှာထိုးဦးထုပ်ကို ခပ်ငိုက်ငိုက် ဆွဲချဆောင်းထားသည်။မျက်နှာတစ်၀က်ခန့်က ဦးထုပ်လျှာ၏အရိပ်အောက်၀ယ် ဖုံးကွယ်နေသည်။သူက လုဟယ့်ရန်မျက်လုံးထဲတွင် ဘယ်သူဖြစ်နေမှန်း သူကိုယ်တိုင်ပင် မသိ။
သူက မည်သူဖြစ်နေပါစေ ၊ လုဟယ့်ရန်ကို ဘယ်သောအခါမှ ငြင်းဆန်နိုင်လိမ့်မည် မဟုတ်ပါချေ။
ရွှီကျယ် ကားအရှေ့ ခရီးသည်ခုံ၌ ဝင်ထိုင်လိုက်သည်။ကားတံခါး ပိတ်သွားသည်နှင့်တစ်ပြိုင်နက် အထဲတွင် တိတ်ဆိတ်နေ၏။လုဟယ့်ရန်က သီချင်းမဖွင့်သလို ကားအတွင်းမီးကိုပါ ပိတ်ထားသည်။အမှောင်ထုက ရွှီကျယ့်အား လုံခြုံသည့်စိတ်ခံစားချက် ပေးသည်။သူ့မျက်နှာကို လုဟယ့်ရန် မြင်လောက်မည်မဟုတ်ဟု ရွှီကျယ် တွေးသည်။အခုက သူ အရက်မူးနေရာ ယခင်အခေါက်တွေအတိုင်း တစ်ဖက်လူ မရိပ်မိအောင် သရုပ်ဆောင်ဖို့ ခက်ခဲနေသည်။သူ့ကို လွယ်လွယ်ကူကူ လူမိသွားနိုင်၏။
လုဟယ့်ရန်က ကားစတီယာတိုင်ခွေကို လက်ချောင်းများနှင့် ညင်သာစွာ ခေါက်နေသည်။နှစ်စက္ကန့်မျှအကြာ ၊ သူ ရွှီကျယ့်ကို သတိပေးသည်။
" ထိုင်ခုံခါးပတ် "
" ........ "
ရွှီကျယ် ထိုင်ခုံခါးပတ်ကို အလျင်အမြန် ယူပတ်လိုက်သည်။သူ ချီတုံချတုံဖြင့် -
" ကျေးဇူးတင်ပါတယ် "
ရွှီကျယ့်အသံက လေးကန်အက်ရှနေသည်။လုဟယ့်ရန် အအေးခံသေတ္တာဆီ လက်လှမ်းပြီး ရေဘူးသေးသေးလေးတစ်ဘူးကို ထုတ်လိုက်သည်။ဘူးကို အဖုံးလှည့်ဖွင့်ကာ ရွှီကျယ့်ထံ ပေးလိုက်၏။
ရွှီကျယ် ရေဘူးကို လက်ခံ၍ လုဟယ့်ရန်အား ဒုတိယအကြိမ် ကျေးဇူးထပ်တင်လိုက်သည်။အဖုံးဖယ်ထားသည့် ရေဘူးကို သောက်နေစဉ် လုဟယ့်ရန်ရဲ့မေးခွန်းကို ရွှီကျယ် ကြားလိုက်ရသည်။
YOU ARE READING
ယွိ့ယန်နန်ကျစ် {မြန်မာဘာသာပြန်}
Romanceမူရင်းဝတ္ထုအမည် - ယွိ့ယန်နန်ကျစ် မူရင်းစာရေးသူအမည် - မိုက့်ရှန်းကျီးနာ Alpha × Alpha လုဟယ့်ရန်(လေတပ်ဗိုလ်မှူး) × ရွှီကျယ်(စစ်ဆေးဆရာ၀န်) Both Gong and Shou are Alpha .