Unicode
သောကြာနေ့။ရှောင်ဖုန်းက လုဟယ့်ရန်ထံ message ပို့သည် --- No.17 က ဒဏ်ရာကုသပျောက်ကင်းချိန်အတွက် အနားမယူကြောင်းနှင့် အခကြေးငွေ မရသော အပျော်တမ်း ဖျော်ဖြေရေး ထိုးပွဲတစ်ခုတွင် ပါ၀င်ရန် စီမံခံထားရသည်ဟု။
ရှောင်ဖုန်းက လုဟယ့်ရန်ကို မေးသည်။
[ No.17 ရဲ့ဒဏ်ရာတွေ ဘယ်လိုနေသေးလဲ လူကြီးမင်း သိလားဟင် ? ]
လုဟယ့်ရန် : [ သေချာမသိဘူး ]
သူ တကယ် သေသေချာချာ မသိချေ။အင်္ဂါနေ့ ရေကူးအတန်းကတည်းက ရွှီကျယ် သူ့အား ရှောင်ပုန်းနေသည်ကို လုဟယ့်ရန် သတိထားမိသည်။ကျောင်း၀န်းထဲ၌ သူတို့နှစ်ယောက် မတော်တဆ တိုက်ဆိုင်စွာ ဆုံခဲ့စဉ် မလှမ်းမကမ်းက သူ့ကို မြင်သည်နှင့် ရွှီကျယ်ဟာ တခြားလမ်းကို ပြောင်းလျှောက်သွားခဲ့သည်။
ရှေ့တစ်ခေါက်ကလည်း လုဟယ့်ရန် ကျောင်းဆင်းချိန်၌ ကားပါကင်သို့ ခြေကျင်လမ်းလျှောက်အလာ ၊ ရွှီကျယ်က သူ့စက်ဘီးလေးကို စက်ဘီးရပ်နားရုံကနေ ထုတ်လာသည်။ဟယ့်ဝေ့က ရွှီကျယ်ကို တက်တက်ကြွကြွ နှုတ်ဆက်၏။ရွှီကျယ်က အင်းမကျအွန်းမကျ အသံလေးပြုလျက် အလောတကြီး ဆိုသည်။
" ငါ သွားရတော့မယ် "
ထို့ပြင် ခေါင်းကို ငုံထားပြီး လုဟယ့်ရန်ကို မကြည့်။
ဟယ့်ဝေ့က တရွေ့ရွေ့ ဝေးကွာသွားသည့် ရွှီကျယ့်ကျောပြင်ကို ကြည့်၍ လုဟယ့်ရန်ကို ဇဝေဇဝါ မေးသည်။
" မင်း ရွှီကျယ့်ကို ဘာတွေလုပ်ထားတာလဲ ? "
********
ညစာစားကာ လုဟယ့်ရန်နှင့် ကုယွင်ချီတို့က မြို့တော်အနောက်ဘက်ကို ထွက်လာခဲ့ကြသည်။ အယ်လ်ဖာတစ်ယောက်နှင့် အတူရောက်လာမည့် ဟယ့်ဝေ့ကို သူတို့တွေ ကားထဲ၌ ၁၀ မိနစ်ခန့် စောင့်လိုက်ကြရ၏။
" ဟယ့်ယွီ ၊ ငါ့၀မ်းကွဲအစ်ကို "
ဟယ့်ဝေ့က ကားတံခါးကို ပိတ်လို့ မိတ်ဆက်ပေးသည်။
YOU ARE READING
ယွိ့ယန်နန်ကျစ် {မြန်မာဘာသာပြန်}
Romanceမူရင်းဝတ္ထုအမည် - ယွိ့ယန်နန်ကျစ် မူရင်းစာရေးသူအမည် - မိုက့်ရှန်းကျီးနာ Alpha × Alpha လုဟယ့်ရန်(လေတပ်ဗိုလ်မှူး) × ရွှီကျယ်(စစ်ဆေးဆရာ၀န်) Both Gong and Shou are Alpha .