Unicode
No.17 သိမ့်ခနဲ တုန်ယင်သွားကြောင်း လုဟယ့်ရန် တွေ့သည်။အကြင်သူဟာ မြင်လွှာကို တစ်စတစ်စ ဖွင့်လှစ်လို့ လုဟယ့်ရန်အား ရီဝေမိန်းမောစွာ ကြည့်လာသည်။
၁၀ စက္ကန့်၀န်းကျင်အကြာ No.17 သတိ၀င်လာ၏။အကြည့်များက လုဟယ့်ရန်လက်ချောင်းများမှတစ်ဆင့် တဖြည်းဖြည်း ဖယ်ခွာသွားသည်။
နောက်ဆုံး၌ သူ ထုတ်မေးခဲ့သည်။
" ဘယ်တုန်းကတည်းကလဲ "
လုဟယ့်ရန် တုံ့ပြန်လာမည့် အဖြေကို စိုးရွံ့ပူပန်သဖြင့် ရွှီကျယ် ဆက်မေးလိုက်သည်။
" မင်း သိတာ ကြာပါပြီ ၊ ဟုတ်တယ်မလား "
လုဟယ့်ရန်က တစ်လုံးတစ်ပါဒမျှ မဆိုပါဘဲ သူ့ကို ကြည့်နေသည်။
No.17 နှင့် ရွှီကျယ့်ကြားတွင် အသံတူတာ ၊ Pheromone နံ့တွေ တူတာ ၊ ကိုယ်လက်လှုပ်ရှားဟန်တွေ တူညီတာ - ၎င်းအရာတွေအပေါ် လုဟယ့်ရန် မရိပ်မိလောက်ပါဟု ရွှီကျယ် မိုက်မိုက်ကန်းကန်း ယုံကြည်ခဲ့မိသည်။သူ တွေးခဲ့၏ --- လုဟယ့်ရန်က 'ရွှီကျယ်' ဟူသော လူတစ်ယောက်အား အထူးတလည် မှတ်မိနေလိမ့်မည် မဟုတ်သလို ထိုသရုပ်နှစ်ခုရဲ့ဆက်နွှယ်မှုကိုလည်း ချိတ်ဆက်စဉ်းစားမိနိုင်မည် မဟုတ်ဟု။
လူတိုင်းက သူ့နှယ် တုံးတုံးအအ ထုံထိုင်းမနေကြသည်ပင်။
စောစောက အရိုးအဆစ်လွဲသွားခဲ့သည့် ဘယ်ဘက်ပခုံး ၊ နောက်ကျောနှင့် ရင်ခေါင်းတို့ဆီက နာကျင်မှုကြောင့် ရွှီကျယ် ရုတ်ခြည်း နိုးကြားလာသည်။ထိန်းချုပ်ဆေးက Pheromone များကို တည်ငြိမ်စေရုံသပ်သပ်ဖြစ်ပြီး နာကျင်မှုဝေဒနာကို လျော့ပါးအောင် မကုသနိုင်။
အနှီနာကျင်မှုဟာ အဘယ်သို့ ရုတ်တရက်ကြီး ပြင်းထန်ခါးသီးလာမှန်း ရွှီကျယ် နားမလည်။သူ ဗလုံးဗထွေး ညည်းညူလိုက်မိ၏။
" ဘာလို့ ....... "
ရွှီကျယ် ခပ်တိုးတိုး ရေရွတ်နေသည်။
" မင်း သိထားတာကို ....... "
အခြားလူတစ်ယောက်သာဆိုလျှင် ထိုလူက သူ့ကို အရူးသဖွယ် ဆက်ဆံနေသည်ဟု ရွှီကျယ် ယူဆလိုက်မည်ဖြစ်သည့်တိုင် လုဟယ့်ရန်က ဤသို့သောသူမျိုး မဟုတ်သည်ကို သူ တထစ်ချ သိသည်။လုဟယ့်ရန် ဘာကြောင့်များ အဲဒီလို လုပ်ခဲ့သလဲကို ရွှီကျယ် မတွက်ဆတတ်။ယင်းက သူ့ကို နေရခက်စေသည်။
YOU ARE READING
ယွိ့ယန်နန်ကျစ် {မြန်မာဘာသာပြန်}
Romanceမူရင်းဝတ္ထုအမည် - ယွိ့ယန်နန်ကျစ် မူရင်းစာရေးသူအမည် - မိုက့်ရှန်းကျီးနာ Alpha × Alpha လုဟယ့်ရန်(လေတပ်ဗိုလ်မှူး) × ရွှီကျယ်(စစ်ဆေးဆရာ၀န်) Both Gong and Shou are Alpha .
