Unicode
ရွှီကျယ့်အာရုံတို့က လုဟယ့်ရန်မေးခွန်းအပေါ်၌ ရှိမနေနိုင်။ရွှီကျယ့်အတွက်ငှာ ထန်ဖေးယိ သူ့ကို လည်ပင်းညှစ်သည့် ကိစ္စက အရေးမပါသော အသေးအဖွဲလေးဖြစ်၏။လက်ဝှေ့ထိုးချိန် သူ ပုံမှန်ရနေကျ ဒဏ်ရာများနှင့် နှိုင်းစာလျှင် မပြောပလောက်။
ရွှီကျယ် နားမလည်သည်က လုဟယ့်ရန်ဟာ သူ့လည်တိုင်ကို အဘယ်ကြောင့် ဖွဖွလေး ဆုပ်ကိုင်ထားရပါသနည်း။အကြင်သူ့လက်တွင် သုံးထားသော အားပမာဏက ညင်သာလွန်းလို့ ရွှီကျယ့်မှာ ယားကျိကျိ --- လုဟယ့်ရန် ဒီထက် ပိုတင်းတင်းလေး အားသုံးလိုက်ပါက ကောင်းမည်ဟု ရွှီကျယ် တွေးနေမိသည်။
" Club မှာ လူတစ်ယောက်နဲ့ နည်းနည်း ရန်ဖြစ်ခဲ့တာ "
ရွှီကျယ်က ဖြေသည်။
" ကိစ္စကြီး မဟုတ်ပါဘူး "
ရွှီကျယ်က ပိပိရိရိ မလိမ်ညာတတ်ပါချေ။မျက်ဆံအိမ်များက စိတ်လှုပ်ရှားစွာ ရွေ့လျားရှောင်တိမ်းသွားပြီး ထိုအပြုအမူလေးကို ဖုံးဖိရန် အခြားသော လှုပ်ရှားမှုတစ်ခုကို ကူကယ်ရာမဲ့စွာ လုပ်ဆောင်လိုက်ရသည် --- ရွှီကျယ် လက်ကို မြှောက်၍ သူ့လည်ပင်းဆီက လုဟယ့်ရန်လက်ဖမိုးကို ထိတွေ့လိုက်သည်။
လုဟယ့်ရန်က နှုတ်ဆိတ်နေ၏။သူ့လက်ကို ပြန်ရုတ်လိုက်သည့်တိုင် အကြင်သူ့အကြည့်များက ရွှီကျယ့်လည်တိုင်၌ စွဲထင်ရစ်ဝဲနေဆဲ။လုဟယ့်ရန်ရဲ့လက်ချောင်းများက အညိုအမဲ အစင်းရာတစ်လျှောက် တို့ထိပွတ်သပ်လာသည်။ရွှီကျယ့်လည်စေ့မှာ လုဟယ့်ရန်၏ အထိအတွေ့နှင့်အတူ အထက်အောက် နိမ့်လျောသွားရသည်။အကြင်သူ့ကို ရွှီကျယ် မျက်တောင်မခတ်တမ်း ငေးကြည့်နေမိ၏။
" မနာပါဘူး "
လုဟယ့်ရန်က နာခြင်း ၊ မနာခြင်းကို အရေးစိုက်လိမ့်မည် မဟုတ်မှန်း ရွှီကျယ် သိလင့်ကစား သူ ထပ်မံ ဖြည့်ပြောလိုက်သည်။
" ဒါဆို ဘယ်အရာက မင်းကို နာကျင်အောင် လုပ်နိုင်တာလဲ ? "
ရွှီကျယ့်ကို တန်ပြန်မေးခွန်းထုတ်လာသော လုဟယ့်ရန်အသံက ထူးထူးခြားခြား အေးစက်နေခဲ့သည်။
YOU ARE READING
ယွိ့ယန်နန်ကျစ် {မြန်မာဘာသာပြန်}
Romanceမူရင်းဝတ္ထုအမည် - ယွိ့ယန်နန်ကျစ် မူရင်းစာရေးသူအမည် - မိုက့်ရှန်းကျီးနာ Alpha × Alpha လုဟယ့်ရန်(လေတပ်ဗိုလ်မှူး) × ရွှီကျယ်(စစ်ဆေးဆရာ၀န်) Both Gong and Shou are Alpha .
