" نرجع لمبنى الميتم "
او بالاصح مباني الميتم ...
كان الميتم كبير ومقسم لـ ٣ مباني كل مبنى ٣ ادوار هذا غير السطح اللي بكل مبنى
و كانت المباني مسميه بـ a و b و c و كانو نجد و فوز و ريم و ريناد بـ اخر مبنى و اللي هو c
المباني كبيررره و كانت المديرة منال تدير المبنى c
( مبنى نجد و فوز و ريم و ريناد )
وكان بمبنى a و b مشرفتين يدرونهم بنتعرف عليهم بالبارتات الجايه.....
المباني الثلاث كانت مفصوله عن بعض بشكل تام و كان كل مبنى له :
غرف نوم و حمامات بكل ممر و بكل دور هواتف معلقة بجدران الممرات و غرفة دراسه فيها مكتبة صغيرة و طاولات للكمبيوتر
و غرفة الطعام اللي جهه كانت للطبخ و جهه طاولات و كراسي للاكل و كل مبنى له مشرفه عليه و عاملات غير
و بين المباني حوش او ساحات كبيره و كانت الابواب اللي تدخل للمباني مقفلة و المباني الثلاث كان يحاوطها جدران طويله كان كل مبنى له ابواب مختلفه تطلع لبرا الميتم
وشي طبيعي ! بما ان الابواب اللي بين المباني مقفلة ان البنات ما كانو يعرفون البنات اللي بالمباني الثانيه لأن فرصة ان بنت تروح مبنى ثاني ضئيلة و نادره و يمكن معدومه بعد !
بس بكل مكان فيه من يخالف القانون ! و زي ما نعرف كل ممنوع مرغوب....
كان فيه بنات يزورون المباني الثانيه باتفاق مسبق مع بنات المباني الاخرى بطريقة ما و بخطة مدروسه او لاجل يزورون مكاتب المشرفات لسبب ما ...
بس زي ما قلنا نادرة الحدوث
""""""""""""""""""""""""""""""""""""""""""
" بـ سكن العيال " تحديداً غرفة نواف و رعد...
فارس و نواف و رعد بصوت واحد : مشاري اخلص علينا و قول !
مشاري و صوته فيه الضحكه من اسلوبهم : متواعدين انا و عيال يمكن ١٠ بهوشه ورا مبنى السكن الحين و كنت بروح بدونكم بس خفت انكب و يطرحوني فـ ابيكم تجون
رعد و هو يناظر لنواف و فارس قال : حلو يعني كان ناوي ما يعلمنا
نواف : تصدق ليتك رحت و طرحوك
فارس : اجل خله يروح و ينكب و بنسوي نفسنا ما سمعناه
مشاري : يا عيال خلاص مب وقت مزحكم مفروض اكون الحين هناك بيحسبوني خفت منهم الهطوف !
رعد و نواف بعصبيه و تزامن : مو انت ما كنت بتقولنا !
"بالميتم " نرجع لريحانه ...
بعد ما دخلو البنات اللي كانو متوزعين بالممرات و اللي صحو و شافو منظر المديرة منال رجعو لغرفهم و كملو نومهم
YOU ARE READING
عشقتك يا نجد ولأجل حبك انا شاعر كلف
Mystery / Thrillerاهلا بكم في عالم اخر بحكايا ابطال بعالمنا البعيد عن الانظار و رغم الواقعيه التي تحملها الحوارات بروايتنا ( الا انها من وحي خيالي ولا تمت للواقع بـ اي صله ) ⭕️ نقلك و نسخك للروايه و استخدامك لـ اي جزء منها سيعرضك للمسألة القانونية ⭕️ تنزل البارتات ب...
