اهلا حبايبي قبل نبدا البارت حابه اقولكم متعوب عليه اعطوه حققه 💕
فارس و هو حاط يدينه على فمه و يتثاوب : يلا نروح السكن
نواف : سكن مين بس ! مقفل الحين مارح يفتح الا بكره الصبح عشان الدوام
نجد : وش بنسوي الحين
ريناد : على الاقل خلونا نشغل النور حق الفصل
مشاري : للاسف يا ريان ما يشتغل كهرب المدرسة الحين مارح يفتحونه الا وقت الدوام
ريناد بهمس لريم : الميتم ارحم
ريم : عشان تحمدين ربك
نجد و هي ترد بنفس الهمس : و الحين حنا مب بالميتم بمكان اسوء
وليد بانزعاج : لابوها من مدرسة ! و الحين وش الحل
رعد ببرود : الحل نجلس بالفصل و نفتح الفلاش ولا نطلع لسيارتي
مشاري : بس ترا اذا بنروح السيارة بنطب من فوق السور لان مقفله ابواب المدرسة الحين و الحارس نايم
ريناد : الشكوى لله نقعد بالفصل
توجه الكل لزاوية بالفصل و تجمعو عندها و شكلو دائرة
هذا كان ترتيبهم بالزاوية :
نواف مشاري رعد ريناد
فوز وليد
فارس نجد ريم
حطو فلاش واحد بالنص بحيث يوضح هيائتهم بس ما كانت وجيههم واضحه مره
فارس : ليه ما نلعب لعبة القارورة منها نتعرف على بعض و نمشي الوقت
نواف : قدام
اومأو الباقين بالموافقة
فارس طلع علبة مويا كانت بجيبه و شرب منها شوي عشان يقدرون يلفونها و اللي يجي عليه اتجاه غطا قارورة المويا يسأل اللي تطلع له الجهه المعاكسه من القارورة جراءة او صراحه
لفها فارس رغم الظلام
وقفت على رعد يسأل نجد
رعد : جراءة ولا صراحه
نجد : صراحه
رعد : ياخي ليه انت بارد مره
نجد صدمها السؤال و ضحكت بخفه فيها من الانوثه ضحكتها جابت راسهم من الاخر
ما توقعوا ردة فعلها ابدا
نجد و نبرة الضحكه فيها و شعرها المبعثر اللي تمسكه من تحت اللثمه : متى امداك تحلل شخصيتي يا رعد
رعد : جاوب
نجد : مدري نقول طبع !
رعد : بس مع اخوياك مب كذا
نجد : ترا ذا يعتبر سؤال ثاني
و لفت نجد القارورة و طلع نواف يسأل ريناد
نواف : جراءة ولا صراحه
ريناد : اكيد جراءة
نواف : شيل اللثمه
YOU ARE READING
عشقتك يا نجد ولأجل حبك انا شاعر كلف
Mystery / Thrillerاهلا بكم في عالم اخر بحكايا ابطال بعالمنا البعيد عن الانظار و رغم الواقعيه التي تحملها الحوارات بروايتنا ( الا انها من وحي خيالي ولا تمت للواقع بـ اي صله ) ⭕️ نقلك و نسخك للروايه و استخدامك لـ اي جزء منها سيعرضك للمسألة القانونية ⭕️ تنزل البارتات ب...
