عشقتك يا نجد ولأجل حبك انا شاعر كلف

Part 12

قبل بداية البارت حبايبي لا تنسون تجون الانسات البارتات تنزل هناك قبل و ارد على كل اسالتكم دايركت و ستوري و نسولف و فيه قروب فاتحته لكم عشان تسولفون عن الرواية و ننزل تشبيهات بعد

الانستا mabye_deniz و اترككم مع البارت

..‎ البنات كانو مستحين من وجود العيال معهم ولا قدرو ياخذون راحتهم

‎مشاري اللي شاف الكل ساكت و بدوره طلب كم حلا

‎التفت مشاري و قال : و القهوة ؟

‎نجد : انا ابي v60

‎مشاري قال للموظف : v60

‎نواف : انا بعد ابي v60

‎مشاري : لا ولدي ما يشرب قهاوي بتتعبك !

‎نواف : مشاري تكفى

‎مشاري : لا خلاص

‎نواف اشر على نجد : وش معنى هذا تطلب له و انا لا

‎مشاري : مالي دخل فيه انا علي من ولدي

‎ ! ! نواف : بس انا اكبر منه

‎مشاري : مالي شغل بالغريب لي شغل بـولدي و بس

‎نجد بهمس لفوز اللي على يسارها : وش ذا القرف و يسميه ولدي وع ههههه

‎ريناد اللي نظرها موجه لمشاري و نواف سمعت كلام نجد و قالت بهمس : والله انهم كيوت

‎ .. فجاءة دق جوال نجد اللي توجهت للباب طالعه من الكوفي عشان ترد على المتصله اللي كانت منال

بالمكالمة :

‎ !! منال : تعالو ضروري للوكيشن اللي برسله الحين ضروري اكلمكم

‎ ! نجد بسرعه و بدون تفكير : انا بجيك لحالي

‎ !! منال : بسرعه

و انتهت المكالمه اللي كانت قليلة بالوقت كثيره بالمشاعر و الطاقه السلبية اللي انتقلت لنجد و قدرت تعكر مزاجها بالكامل بعد ما تعكر صفوه من عيال المدرسة اللي داهموهم ..‎

‎نجد ما كانت تبي تشتت و توتر فوز و ريم و ريناد خصوصاً انهم ميتين جوع تقدمت لباب الكوفي فاتحته و متجهه لطاولتهم و قالت : ريان وليد و فواز ( بحكم ان العيال معهم )

‎التفت وليد مستغرب و قالت نجد بعد ما انقطع حبل افكارها : اقصد وليد هذا و اشرت على ( ريم )

‎ .. وليد ابتسم و مد يده لريم اللي توترت و مدت يدها ترد المصافحه

‎وليد : ارحب يالسمي