عشقتك يا نجد ولأجل حبك انا شاعر كلف

Part 9

‎"بالميتم" مبنى b تحديداً غرفة راما ...

‎راما : وش جايبك وش كنتي بتكتبين بهالورقة و الدفتر اللي بيدك

‎نجد : جيت عشان اودعك تعرفين ان اليوم بنروح لسكن العيال ؟

‎راما : ادري انه قريب رايحين بس ما توقعت اليوم !!

‎نجد و هي تحط راسها على كتف راما اللي حاطه يدها على كتف نجد : مدري وش بسوي

‎راما : ماعليه بتتصرفين نجد انتي اقوى من هالظرف صدقيني

‎نجد : كنت بكتب لك بورقه و قلم عشان مشاعري احسها مارح توصلك بالجوال ..

‎راما : و المشاعر بالورق توصل بلوتوث يعني ؟ ههههه

‎ضحكت نجد و قعدو يسولفون شوي يحاولون يتناسون الوضع اللي هم فيه

‎بعد مرور دقائق قليله ...

‎نجد : تاخرت و لازم اروح

‎راما حضنت نجد

‎ ورجعت نجد لمبناها و راحت غرفتهم ما لقت البنات توقعت انهم تحت بالمطبخ لانهم ما كلو..

‎توجهت نجد للمطبخ

‎ريم و ريناد و فوز  يدينيهم على خدودهم و يقلبون بالاكل ولا كلو ولا لقمه

‎دخلت نجد و بحزن : يلا بنات تأخرنا

‎تنهدو البنات بضيق و تنهدت نجد على حالتهم ما تدري تواسيهم ولا تواسي نفسها...

‎راحو لغرفتهم لبسوا ثيابهم

‎نجد رفعت اكمام الثوب و حطت الشماغ على كتفها

‎ريم لفت شعرها الطويل و تلثمت بغترة و خلت الشماغ اللي عطتها اياه منال بشنطتها اللي فيها ملابسها ..

‎ريناد ببرود غير معتاد عليه من بعد سالفة شعرها انرسمت الملامح ذي على وجهها لبست الثوب و رفعت اكمامها نفس نجد و تلثمت بالشماغ

‎وفوز نفسهم تلثمت و لبست ثوب

‎نجد فيها العبرة و هي تشوف وجيه البنات اللي ملامحهم رافضه كل شي قاعد يصير و عيونهم اللي لو تتكلم شكت و قالت مالهم حيله..

‎تنهدت نجد بضيق و هي ماسكه الشنطة : يلا ننزل ؟

‎ريناد بنفس التنهيدة : يلا

‎نزلو و عند باب الميتم شافو منال

‎كشروا بوجهها

‎منال بتجاهل لنظراتهم مدت لنجد ٥٠٠ و قالت : هذا مصروفكم هالشهر

‎نجد سحبتها من يدها بقوه

‎منال : مافيه شكراً ؟؟

‎ريم : تقلعي لا بارك الله فيك

‎ريناد : ياخي انتي طبيعيه كيف ما تستحين على نفسك !!

‎فوز : ذي وجهها مغسول بمرق منجدكم انتم