"بعد اسبوع" من القلق و التفكير بالنسبة لنجد تحديداً ليلة الاحد اول يوم دوام ...
نجد ما قدرت تنام قلبها كان حاس انه فيه شي ..
"صارت الساعة ٧ الصباح"
تأخرو عن اول يوم مدرسة و نجد ما نامت تنتظر البنات يصحون و ما يهمها يصحون الحين او يتأخرون لان عادي عندها تتأخر ...
الا يوم دخلت ريحانه بـ قُصر قامتها و خطواتها القريبه من بعض رغم انها تركض
فتحت الباب بوسط ذهول نجد المستغربة و هي تناظر ريحانه اللي تمسك صدرها و تلتقط انفاسها بصعوبه !
نجد و هي تقوم من عند الشباك اللي قعدت فيه طول الليل و ما نامت : ريحانه وشفيك روعتيني !
ريحانه : بسرعه قومي البنات
و اول ما انهت كلماتها رجعت تلتقط انفاسها
نجد بـ توقع منها : وش فيه منال هاوشتك عشاننا تأخرنا ؟
ريحانه بعد ما تنفست شوي و صوت انفاسها طغى على كلماتها السريعه : صحيهم اول شي !
( نجد صحت البنات و هي مستغربه و قالت لهم يلا تأخرنا ظناً منها ان منال معصبه عشانهم متأخرين على المدرسة )
فوز و هي مغمضة عين و فاتحه ربع عينها الثانيه : يالله صباح خير
ريناد وهي مغمضه عيونها و بوضعية النوم تقول كلماتها وهي تتثاوب : ياخي مابي اداوم خلونا نغيب اول يوم ترا الدنيا مب طايره
ريم : ايه بالله انك صدقتي وشفيها اللي ما تتسمى شادتها "قصدها منال "
( نجد بعد محاولات صحت البنات اللي طلعو بـ شراباتهم بس و هم ببجايمهم و نجد نفسهم )
علمتهم ريحانه ان اماني تبيهم بمكتبها و مستعجله و معصبه
"متوجهين لمكتب منال"
مشو البنات و هم يتمغطون و يتثاوبون و نجد تدفهم و كان قلبها حاس انها بتكلمهم عن الموضوع اللي قالته راما اما اذا بتسألون عن باقي البنات ؟ ناسين تماماً ولا على البال
و هم ماشين لمكتب منال اللي بالطابق السفلي
فوز بـ بجامتها و طولها المماثل لطول نجد تمشي و تتثاوب و تدخل اصابعها بخصلات شعرها البوي المتطاير من النوم كانت فوز خارمها بـ اذنها اليمين خرمين فوق الخرم الطبيعي و اذنها اليسار خرمين فوق و لونها قالب على برونزي بسبب انها مسويه تان ملفته بملامحها الحاده
تقدمت نجد اللي تشبه فوز بشكل كبير عدا ان نجد بيضا كان شعر نجد بوي بعد بس كان مرتب بسبب انها ما نامت اصلا ولا كان صار زي فوز
تقدمت نجد تحاوط رقبة فوز بـ يدها و تضحك فوز و تحاوط نجد هي الاخرى
فوز بـ صوت جهوري مصطنع : اررررحب يالعشير
YOU ARE READING
عشقتك يا نجد ولأجل حبك انا شاعر كلف
Mystery / Thrillerاهلا بكم في عالم اخر بحكايا ابطال بعالمنا البعيد عن الانظار و رغم الواقعيه التي تحملها الحوارات بروايتنا ( الا انها من وحي خيالي ولا تمت للواقع بـ اي صله ) ⭕️ نقلك و نسخك للروايه و استخدامك لـ اي جزء منها سيعرضك للمسألة القانونية ⭕️ تنزل البارتات ب...
