عشقتك يا نجد ولأجل حبك انا شاعر كلف

Part 11

ابدأ بكتابة قصتك " عند البنات " دخلو الكوفي و جلسو بـ احد الطاولات القريبه ..

ريم مسكت بطنها : بنات ما امزح انااا بنهاررر من الجوع تكفون !

نجد : خلاص يا دراما انتِ وصلنا

ريناد : منجد بلا دراما و فيه باركود افتحيه و شوفي وش بتطلبين من جوالك بدل الدراما اللي مالها سنع

" عند العيال بالسيارة "

رعد : يلا انزلو يا عيال

وليد التفت على فارس و نواف : دزيناها

و نزلو و دخلو الكوفي ..

مشاري يسوي نفسه انتبه لهم

و توجه لهم و وراه العيال

مشاري : هلابي زملاء الفصل

نجد ناظرته بعدم اهتمام و برود : وش تبي

البنات هنا وضح على ملامحهم الخوف و التوتر من اسلوب نجد لان ما يبون مشاكل خصوصا مع ذول

مشاري رد على نجد : افا يا شريك الزنزانه

ريم تحدت خوفها و قالت : ما عليه بس تعرف اخلاقه قافله حبتين بعد هوشة اليوم

رعد اللي كان يناظر ريم بتمعن مستغرب هدوئها و طريقة كلامها لمس فيها شي غريب ..

نواف اللي كان مع رعد و فارس و وليد اللي كانو ورا مشاري تقدم و سحب كرسي و قال : بنجلس معكم

نجد بهمس للبنات : ان لله

و اشر نواف للعيال عشان يجون

جلسو العيال بعد ما طلبو من احد الموظفين يجي و يجيب طاوله و كراسي بحكم ان عددهم كبير

رعد موجه نظره لريم اللي مب منتبهه لنظراته و ماسكه بطنها من الجوع و سرحانه

قال رعد : وشفيكم مبوزين

العيال استغربو انه تكلم بس مشوها عادي يمكن بيلطف الاجواء

ريم اللي كانت سرحانه و بنفس وضعيتها قالت : جوعان و كانت بتكمل و تنطق ه

لكن سرعان ما انتبهت نجد لسرحان ريم و عرفت انها بتجيب العيد و حاولت نجد تتفادى الموضوع و صرخت بـ : مشاري

ترتيبهم كالاتي بالطاوله :

ريم ريناد فوز نجد

نواف مشاري رعد فارس وليد

مشاري اللي كان يتكلم مع نواف اللي على يمينه استغرب ما يدري هو استغرب زي العيال من الصراخ ولا من انها تكلمه اصلا

مشاري ما قال شي بس وجه نظره لها باستغراب ؟

نجد اللي ادركت انها ما تفادت الموضوع بس دبست نفسها  بموضوع محررج

نجد : اسمك مشاري صح و لفت على فارس و انت وش اسمك

فارس اللي كان يتكلم مع وليد و التفت على صراخها و هي تكلم مشاري و كل شي صار بسرعه لحد ما كلمته جاوب بـ استغراب ما كان يقل عن استغراب مشاري :

فارس قال : فارس

و كل هذا و مشاري مستغرب منها !

اما نجد كانت متفشله من اللي سوته بس كل ما فكرت بالسبب تحس انه يستحق لانها كانت بتضيع السالفة لا ينقفطون و من اول يوم بعد..

جا الموظف بياخذ الطلبات

مشاري : اخلصو وش تبون

البنات كانو مستحين من وجود العيال معهم ولا قدرو ياخذون راحتهم ..

مشاري اللي شاف الكل ساكت و بدوره طلب كم حلا

دعمكم و نشركم لروايتي جد يسعدني و يحفزني انزل لكم و شكرا للكل💕💕💕