Episode 11
"မင်းသမီး!!!"
"ဟင်!"
ထိုအခါမှကြည်နူးနေသောနှစ်ယောက်သားလှည့်ကြည့်လာခဲ့သည်၊၊
"မဒီ မဒီကဒီနေရာကိုဘာလို့လာတာလဲ...."
"အော် နှစ်ယောက်သားအကြည်စိုက်နေတာကိုဝင်နှောက်မိလို့ စိတ်ရှုပ်သွားကြတာပဲ ကောင်းပါပြီ ဒါဆိုကျွန်မရှောင်ပေးပါ့မယ်....အေးအေးချမ်းချမ်းနေရစ်ခဲ့ပါ"
ရှင်မဒီနိုင်ရင်ထဲတွင်ဆို့နစ်လာသောခံစားချက်အားခံစားနေရသည်၊၊ဝဲတက်လာသောမျက်ရည်များကိုလည်းမျက်တောင်ဖြင့် အသာပုတ်ခပ်ကာထိန်းလိုက်သည်၊၊ဘာလို့ဒီလိုတွေဖြစ်နေမှန်းသူသိသည်၊၊သေချာတာကတော့ သူတကယ်ပင်မင်းသမီးကိုချစ်မိနေမိပြီ၊၊တစ်နေ့ကမှအချစ်နတ်ဘုရားမဆီအလည်သွားရင်း သူမရင်ထဲမှခံစားချက်တို့ကိုသိရှိနားလည်ခဲ့သည်၊၊သို့သော်မင်းသမီးလိုကြီးမြတ်သောအမျိုးသမီးတစ်ဦးနှင့် သူမလိုသေးငယ်သောသာမာန်နတ်သမီးတို့က လိုက်ဖက်မှုတော့ရှိမည်မထင်၊၊ထို့ကြောင့်လဲခံစားချက်များကိုထိန်းချုပ်နေရခြင်းပင်ဖြစ်သည်၊၊သို့ပေမဲ့ခုနကလိုမြင်ကွင်းမျိုးမြင်ရဖို့အထိတော့သူမမခံစားနိုင်၊၊အကယ်၍သာ အနာဂတ်တွင် မင်းသမီးမှာချစ်ရသူတစ်စုံတစ်ယောက်ရှိလာခဲ့လျှင်....
ရှင်မဒီနိုင်သူမ၏ဦးခေါင်းကိုခါထုတ်လိုက်သည်၊၊ပေါက်ကရအတွေးတို့လည်းဆက်မတွေးတော့ဘဲ သူမကိုယ်ပိုင်ဆောက်လုပ်ထားသည့်ပန်းဥယျဥ်ဆီကိုသာထွက်လာခဲ့တော့သည်၊၊စိတ်ပြေလက်ပျောက်အဖြစ်သာခနနေမည်ဟူသောအတွေးဖြင့်....၊၊
သို့သော်ထိုနေရာရောက်သွားတော့တွေ့လိုက်ရသည့်သူကြောင့် အနည်းငယ်အံ့သြသွားပြီး ဝမ်းနည်းစိတ်တို့ကပြန်ပေါ်လာခဲ့သည်၊၊စိတ်ကိုတင်းထားပြီး အသံကိုထိန်းကာ
"မင်းသ...မီး..."
ဒီလောက်ထိန်းနေသည့်ကြားကပင်အသံမှာ အဖျားခတ်တုန်ခါသွားသေးသည်၊၊
"အို မဒီလာပြီလား တို့သိသားပဲမဒီကဒီကိုပဲလာမယ်ဆိုတာ"
ထို့နောက်ပန်းတစ်ပွင့်ကိုခူးဆွတ်ကာသူမဆီလျှောက်လာသည်၊၊
YOU ARE READING
ကိုကိုနဲ့တွေ့ဆုံမှုကဆန်းကြယ်သား(ongoing)
Фэнтезиဇာတ်ကားကြည့်နေရင်း ဇာတ်လမ်းထဲရောက်သွားတဲ့ကောင်လေးတစ်ယောက်၊၊ ဇာတ္ကားၾကည့္ေနရင္း ဇာတ္လမ္းထဲေရာက္သြားတဲ့ေကာင္ေလးတစ္ေယာက္၊၊
