بكيت لاجلك ظنك حبي لك كذبه؟ .
..........................
......،......
بعد الغداء الساعه 2:30 مساء
جالسين يشربون شاهي ويسمعون سوالف بعض الكبار
تنحنح ساجي والتفت له غريب وابتسم له :- ما ودك ترتاح ؟
همهم غريب وشرب اللي بيده و وقف مع ساجي الي استأذن و توجه لشق الخاص فيه ( جزء بنهاية الخيمه يكون فاصل بينهم وبين الرجال المتجمعين )
تنهد غريب وانسدح وهو يحط شماغه تحت راسه والتفت لساجي اللي جلس جنبه :- قول وش يبي عامر من براك ؟
ناظره غريب بطرف عينه وغمضها :- مرسل فارس و اخوه وماسك براك عندك اكيد يبيه وبعدين تعرف عامر وش يقرب لبراك ؟
عقد حواجبه ساجي وناظر خيمه براك القريبه منهم :- لا وش يقرب له ؟
التفت غريب لجهته اليمين معطي ساجي ظهره :- عامر ولد عمه ويبيه يرجع بخير وانا مرسوله لازم ارجع براك وارجع معه
تنحنح ساجي ومد يده يبي يلمس ظهر غريب بس تراجع :- ماتبي نتكلم ؟
فتح عيونه غريب يناظر قدامه :- نتكلم احنا الحين
تنهد ساجي ومسك كتف غريب يلفه له والتقت عيونهم :- تعرف مقصدي غريب
تعدل غريب وجلس يناظره وهو عاقد حواجبه :- هذا زمن وراح وانا نسيت كل شي بوقتها ونسيت كل الناس بعد مافيه شي نتكلم فيه والحين ابي اريح واخذ براك ونروح بعد الغروب
شد ساجي فكه و وقف يناظر غريب :- براك ماهو برايح معك
همهم غريب وانسدح وهو يناظره لحد الان واقف :- بنشوف ساجي بنشوف
خرج ساجي والتفت لخيمة براك ودخلها يناظر الجالس ويدلك يده
قرب منه بعد ما تنحنح وجلس مقابله :- ليش ما علمتني ان عامر يقرب لك
ناظره براك ثواني وصد يدلك يده اللي تعوره من لما تبارز معه :- وش فرق يوم عرفت ؟
عقد حواجبه ساجي ومسك يد براك ولفها له يناظر الاحمرار :- وش ذا من ضربك ؟
سحب يده براك وناظر عيون ساجي :- انت ومن هو ذا الي جاء ؟
ابتسم ساجي ومد يده لشعر براك يرجعه ورا :- صديق قديم ليش ضايقك وجوده ؟
صد عنه براك بس ما ابعد يد ساجي اللي نزلها لرقبته وسحبه مقربه منه :- براك ناظرني
رفع عيونه براك يناظر ساجي اللي توسعت ابتسامته :- تبي ترجع لديرتك عند عامر ؟
