ابسالك يمكن انا القى جواب
قول متى القى نهاية لعلتي
قول متى انسى همومي والعذاب
متى على الله انتهي من وحدتي
.......................
......،......
واقف قدام الخيمه ويناظر الغروب قدامه وناظر اللي يمشي مقبل عليه وماسك بيده طفل عرفه وما كان غير رعد
ابتسم لشكل غريب المتحمس وهو يسولف معه ويحرك يدينهم و رعد يضحك عليه
التفت له غريب وناظره ثواني قبل ما يصد متوجه لخيمه براك ودخل يناظر فارس الجالس
قرب وجلس وبحضنه رعد وابتسم :- شلونك اليوم فارس
ناظره فارس وابتسم بخفه بدون ما يرد عليه
تنهد غريب وناظر رعد الهادي وضحك له :- تروح لعامر تخليه يلعب معك وانا شوي وبجيك ؟
هز راسه رعد و وقف وهو يقرب لاخوه يبوس خده وخرج
بينما غريب عدل جلسته وناظر عيون فارس اللي تتبع اثر اخوه :- مشتاق لك رعد حاس بوحده
نزل عيونه فارس يناظر يدينه المرتاحه بحضنه ولا فكر يرد على غريب اللي كمل كلامه :- انت ابوك مات وهو يحميكم صح فارس
رفع عيونه فارس ونزلت دمعته ولمح ابتسامه غريب اللي مسح وجهه وناظر السماء :- انا ابوي تركني بوحشه تركني براس نازل تركني عشان كبرياءه مو المفروض الاولاد اغلى شي عند اهلهم بس هذا الشي ما عشته
ناظر فارس خصوصاً دموعه اللي نزلت ولا قدر يسيطر عليها :- تعرف شعور الخذلان شعور ان مافيه احد بيحبك بحياتك ؟ هذا الي حسيته من يومها للحين وبعيشه لين اموت بس ابيك تعرف شي فارس ان الوقت يجري يا اما تسوي شي يريحك ولا تاخذ اخوك وتروح سامعني؟ ساجي مارح يكون هنا طول عمره فتره ويروح تصرف قبلها لا تترك اخوك حيران بيننا انا و براك وانت تاركه فاهمني صح؟
هز راسه فارس وحس بغريب يبوس راسه و يوقف ناوي يخرج بس تكلم ببحه :- ليه
التفت له غريب وابتسم :- ليه وش ؟ قصدك ليه كلمتك ؟ وليه مهتم ؟
همهم فارس بينما غريب تكتف يناظره وضحك :- مدري يمكن اني كنت احتاج شخص معي بوقتها بس ما لقيت وانت محتاج احد وانا هنا الحين ولا بتركك
ما سمع رد منه وخرج من الخيمه وناظر ساجي الواقف مكانه وصد عنه متوجه لخيمه عامر ناوي يكمل لعب مع رعد بس وقف والتفت لما سمع احد يناديه
ابتسم لما شاف محمد ولد عم فارس :- هلا محمد
تقدم له محمد وهو يحك راسه بتوتر :- اقدر اشوف فارس الحين ؟
توسعت ابتسامه غريب وهز راسه وهو يطبطب على كتفه :- ايه تقدر بس لا تذكره بشي خلك منتبه لسوالفك
