أحن له .. ما كنّه بالأمس جارحني .
............................
الساعه 6:40 مساء
يمشي متوجه لخيمته العشاء عنده اليوم ومتجمعين عنده ينتظرونه
يلعب بمسبحته ويدندن بلحن براسه وقف يناظر الخيل الي جات لخيمته مسرعه
توسعت عيونه لما شاف اخوياه واحد نزل من الخيل وهو يصارخ والثاني ميت او هذا الي فهمه
اسرع بخطواته وهو يصارخ على الواقف :- رااغد
التفت له راغد وصرخ وهو ياشر على الي شايله مع الرجال ودخله للخيمه :- تكفىى ساجي قرصته عقربه ماشفتها الله يلعني ما شفتها
تقدم وناظر المغمض عيونه و وجهه احمر ومعرق وناظر الموجودين :- نادوا الطبيب بسرعه
خرجوا البعض يدورن الطبيب بينما هو وسد راس خويه على فخده ويمسح على راسه :- متعب صحصح معي تسمعني
همهم متعب وفتح عيونه يناظر وجه ساجي الخايف وهمس بتعب :- راغد
تقدم راغد ومسك يد متعب :- انا هنا الحين يجي الطبيب ويساعدك
رفع راسه ساجي يناظر براك اللي يناظرهم بصمت
بلع ريقه ومسح على وجهه ما كان يبيه يشوفه وهو خايف
دقايق صعبه و طويله ودخل احد الرجال الخيمه وهو يرتجف مع خوفه :- يالشيخ الطبيب راح مب هنا
ناظره ساجي و وقف مقرب منه :- شلون مب هنا ؟
تراجع الرجال لورا وقبل يسحب سيفه ساجي ناظر يد براك الي مسكت يده :- تعال انا اعالجه
ناظره ساجي ثواني ومسكه من يده وقربه من متعب :- راغد راغغد ناظرني
ناظره راغد بخوف على رفيقه مسك كتوفه يثبته :- وين قرصته وين ؟
بلع ريقه راغد وناظر متعب بتفكير :- مدري انا ما شفتها الا لما راحت وقتلتها بس مدري ساجي مدري
تنهد براك ورفع شعره عن وجهه وجلس جنب متعب وناظر ساجي :- ساعدني احط ثوبه
هز راسه ساجي ورفع متعب معه وحطوا ثوبه وفنيلته و سرواله الطويل تاركين سرواله القصير
تفقد براك جسد متعب الاحمر من التعب وانتبه لنفخه بدت تزرق ببطنه وناظر راغد :- كان منسدح ؟
هز راسه راغد ومسك يد متعب يشد عليها
سحب براك سكين ساجي المرميه وجرح قريب من مكان القرصه
ونزل نفسه دامج شفايفه مع جلد متعب وبدا يمصه ويبعد تافل الدم
تراجع ساجي لورا وعيونه على شفايف براك اللي صار لونها احمر اكثر من لونها المعتاد
