في حياتي مابعد قلت للمقفي تعال
قلتها لك و الرجاوي عليك تسوقها .
.......................
......،......
بديار داغر بداية الفجر
يمشي بين الخيام وهو فوق حصانه وانتبه لخيمة ساجي المشبوب نارها
قرب ونزل من حصانه وهو يربطه ودخل يناظر المنسدح ومغمض عيونه
تنحنح وقرب منه قبل ما يجلس ويحرك كتفه بشويش :- هيي ساجي قمم
ما شاف استجابه وابتعد عنه وسحب المركى يتكي عليه وهو يناظره
التفت لما شاف راغد يدخل وبيده ابريق ونزله جنب النار و الواضح ما انتبه له
لانه التفت وشهق بصدمه :- بسم الله غريب شتسوي ؟
رفع اكتافه غريب وناظر ساجي :- ما اسوي شي جالس وذا ما قام
همهم راغد وتقدم له وهو يمد له يده بعفويه :- طيب تعال سامرنا انا ومتعب ومعنا فارس بعد
عقد حواجبه غريب ومسك يده وهو يوقف ويمشي معه خارجين من الخيمه متوجهين لخيمه متعب
وهو يمشي ناظر راغد ما يقدر ينكر انه جميل جداً و اول ما شافه جذب انتباهه :- فارس معكم ليه مو ماسكه ساجي لانه لحقه ؟
ابتسم راغد مظهر غمازته وناظره بضحكه :- يعني شف هو لحقه بس ربك ستر ومسكه متعب قبل يقتله والحين بوجه متعب ساجي ماله دخل فيه بس قال كذا عشان تجي
سكت غريب ودخل خيمه متعب يناظر فارس المنسدح وراسه بحضن محمد ويسولف مع متعب
كشر وفصخ نعوله وهو يمسكها ويرميها عليه :- وجعع يضرب بطنك بالكلب انت هنا تكركر وانا خايف عليك
فز فارس وهو يمسح على راسه وناظر محمد المنصدم :- جاك شي ؟
توسعت عيون غريب وفصخ شماغه راميه بالارض وهو يشمر اكمامه :- ما جاه بس بيجيك
وقف فارس وناظر متعب اللي صد عنه وهو يشرب كاسه الحليب ويبتسم لراغد
توجه غريب لفارس اللي ركض وصاروا يدورون حول النار الموجوده بوسط الخيمه
نط غريب متعدي النار ومسك فارس من عضده وضربه بخفه على راسه :- والله لو ادري ما اطق مشوار عشانك يالكلب اخرتها جالس هنا ومستريح ولا تقول جاك شي ليش ما تجاوب
صرخ اخر كلامه وهو ينفض فارس اللي يناظره بصدمه :- وش اجاوب غريب انت ما سألتني
ناظره غريب ثواني ودفه على محمد اللي حضنه وعيونه على غريب اللي جلس وسحب كاسه متعب وشربها :- اووف عطشت وذا نايم ما يقوم يوجب ضيفه ماعاد فيه رجال
عقد حواجبه راغد وناظر متعب اللي توتر من نظرته وصب له كاسه جديده وشرب منها :- احمم اقول غريب ما قدرت اشكرك بذيك المره
