صدرٍ من الضيقه انهدّت ضلوعه .
....................
......،......
اليوم التالي الساعه 7:10 صباحاً
فتح عيونه يناظر فارس اللي يهزه ويأشر لبرا وخرج
عقد حواجبه وجلس بكسل ما يدري متى نام بس ولا عمره شبع نوم اصلا لو ينام يومين ورا بعض
وقف وغسل وجهه وخرج يناظر الخيول الكثيره والرجال المنتشرين بكل مكان
استغرب و توجه لخيمه عامر وناظر ساجي الجالس بمنتصف ويبتسم وهو يسمع الرجال المتحمسين
تقدم لهم وقرب يجلس بجنب عامر وهو يفرك عيونه وناظره لما سمعه يكلمه :- غريب ما نمت زين ؟
هز راسه ويناظر الجو والخيول وبدا يصدع من الازعاج
تنهد عامر وناظر ساجي اللي مرجع نفسه لورا ويناظر غريب من ورا عامر
تنحنح وعدل جلسته وابتسم لبراك اللي دخل وتقدم يجلس بجنب غريب وهمس له :- ساجي وش يبي منك ؟
ناظره غريب ثواني وقلب عيونه وصد عنه متجاهله
عقد حواجبه براك من مزاجه ورفع عيونه يناظر ساجي المبتسم ويناظره
استغرب وبدون ما يحس ابتسم له كان شكله برييء ولا كانه قاتل
ثواني مرت قبل ما يدخل ولد صغير بعمر الاربع سنوات
يركض لساجي اللي فتح يدينه ويصرخ له بحماس :- ابوي
ابتسم ساجي وهو يحضنه وناظر غريب اللي توسعت عيونه كذلك براك
التفت لهم عامر وابتسم :- ولده شفيكم ترا كان متزوج بس ماتت حرمته
همهم غريب وسند راسه على كتف عامر وغمض عيونه :- ما تنلام يوم ماتت
ناظره براك مستغرب كلامه وتصرفاته بس ما تكلم بوجود عامر وساجي
اللي يلعب مع ولده ويسمع سوالفه الغريبه ومجلسه بحضنه
مرت الدقايق قبل ما يتقدم احد الرجال ويبوس يد ساجي ويجلس مقابله :- يا شيخي جاهزين
همهم ساجي وباس خد ولده وضمه لصدره وناظر عامر :- بنروح الحين وان شاء الله بنجيكم على الغروب
انحرج عامر و وقف معه يناظره :- بس يا ساجي خلنا نروح معك
هز راسه ساجي وعيونه على غريب اللي يناظره بحقد :- لا عامر خلك هنا انتبه لناسك وانا وعدتك بجيب حلالك وحلالهم واجي
خرج وركب حصانه وناظر براك الي قرب منه :- انتبه لنفسك انا الي بقتلك مو احد ثاني
ابتسم ساجي يناظر عيونه البنيه و بدون ما يحس رفع عيونه يناظر غريب اللي مبتسم لعامر الجالس جنبه ومسك فخذه بعفويه
