انا اللي رفض كل الاماكن وطاح قلبه عند بابك
.............................
الساعه 6:32 صباح
ناظر الجالسين حول الشبك و قرب من الحصان الهايج :- شوفوا لازم بالاول يعرفك ويثق فيك مب تهجم عليه وتقول ليه رفسني وطيرني
ضحكوا الصغار على تعليقه وابتسم له وبدا يقرب من حصانه ورفع يده يهديه لما رفع رجوله وصار واقف على ثنتين
تنحنح ونزل نفسه بشكل بسيط وللحين يده مرفوعه :- ارتاح عايّد اهدا
تنهد وهو يحس فيه يهيج اكثر ورفع نفسه وتكتف يناظره بتحدي :- عايّد اهجدد
وقف الحصان وقرب منه بينما هو التفت يناظر فوق متعمد ما يناظره
قرب اكثر الحصان وحرك راسه بكتفه لعله يجذب انتباه
ابتسم ماقدر يتغلى عليه وحضنه وهو يمسح على راسه :- ليش تزعلني عايّد وترفس فارس ؟
صهل الحصان بصوت مرتفع كانه معصب بسبب طاري فارس
اللي وقف على الشبك وصرخ :- عايّد انقلع عنه
صهل الحصان وضرب برجله على الارض وركض لجهة الشبك
بس سبقه فارس اللي نزل وهو يضحك عليه
تنهد وصفر لحصانه اللي ركض راجع له وحضنه يهديه :- فارس روح لابوك انقلع
ابتسم فارس لملامحه وهو يمد له لسانه ويعضه يضحك على حصانه عشان ما يغار ويعصب
توجه راجع لخيمه ابوه وناظر خيمه عمه حمد واسرع بخطواته
دخل الخيمه وقرب من ابوه الجالس يتقهوى لحاله واخذ الدله يصب له :- يبه اليوم بتعشي عمي حمد بسلامته ؟
ناظره ابوه وهز راسه وهو ياخذ من فنجانه :- ايه يبوك قول لبراك يذبح وحده من الغنم قبل المغرب
هز راسه وهو يتمتم بأبشر والتفت لولد عمه اللي دخل الخيمه وقرب يسلم على ابوه وجلس جنبه :- شلونك ياعم
ابتسم له ومسح على راسه :- ماعلي خلاف شلونه ابوك ؟
ابتسم مظهر غمازته وعيونه تضيق بشكل جميل ملفت انتباه فارس :- بخير ياعم يسلم عليك و وصاني اعطيك هالسمن
ابتسم واخذ منه علبه الحديد ومد لفارس اللي نزله جنبه وتنحنح :- محمد بتجي اليوم تتدرب معنا ؟
ناظره محمد وهز راسه :- ايه بس مابي براك يدربني ابيك انت
ابتسم فارس وهو يحس باذنه تحتر عادته من صغره اذا احد خصصه بشي او مدحه :- طيب بس بدربك على المهره
وقف بحماس وعدل شماغه المتعصب فيها :- طيب اجيك العصر بروح اشوف ابوي
خرج بعد ما باس راس عمه بينما نظرات فارس عليه ونزل عيونه يناظر الدله اللي بيده :- يبه بسألك
