وانت يالي فيك من خلقتك ملح ودلال
لا تروح وتفقع الروح في معنوقها .
....................
......،......
يناظر ساجي اللي جالس جنب عامر وبينهم رجال ويسالفون بينما ساجي الوحيد السرحان مو منتبه لهم
تنهد والتفت يناظر رعد اللي يحاول يسولف معه ويبيه يكلمه
ابتسم وبدا يلعب معه بالتراب والحصى وكل شوي يضحكه والرجال يضحكون عليهم
ناظر ساجي بطرف عينه وانتبه له يعدل جلسته ويناظر وراه
عقد حواجبه والتفت يناظر غريب اللي مقبل عليهم ومعه مشهور
دخل غريب وسلم عليهم وقرب يجلس بمكانه جنب عامر بس هالمره مشهور بجنبه ويسولف معه
تنحنح عامر وناظره ساجي بغضب وانتبه لنظرته اللي توضح انه مفضوح
صد عنهم يحاول يركز بسوالف الرجال بس ما قدر ورجع يناظر غريب اللي فعلا مبتسم ويضحك مو داري عنه
التفت يناظر براك اللي كان يناظره وكشر بملامحه وهو يناظره بحده لحد ما صد عنه
وقف ساجي وناظر عامر اللي وقف معه مستغرب وضعه :- شفيك يا ساجي
تنحنح ساجي منتبه ان غريب التفت له يناظره بعد :- برجع لديرتي
وقفوا رجاله معه بينما عامر زاد استغرابه وقرب وهو يهمس له :- مب كلامك بتخليه يحبك غصب ؟
ابتسم ساجي وطبطب على كتف عامر وهو يرفع صوته :- بيصير بيصير يلا يا رجال مشينا
مشى لخارج الخيمه ينتظر الصبي يجيب حصانه وركب فوقه وهو يناظر غريب اللي واقف جنب عامر ويكلمه
تنهد والتفت لمشهور اللي واقف ومتكتف يناظره بحقد
ما فكر فيه كثير وضرب برجله على حصانه وابتعد عن ديار عامر وديار غريبه
طول الطريق يفكر بخطه تخلي عامر يرسل غريب لحاله له
بس ما جاء بباله شي وتنهد وهو يتخيل مشهور جالس يسولف مع غريب اللي يحب سوالفه ويضحك له
شد على لجام حصانه اللي وقف على ثنتين ورجع ضارب نفسه بالارض بقوه
انتبهوا الرجال له بس انصدموا لما ما اهتز ساجي بالعكس ضرب اللجام وركض حصانه بسرعه اكبر
بينما هو غارق بافكاره كيف يخلي غريب يحبه كان براك يتمنى يجي معه وغريب كان يفكر بشي مختلف تماماً
.........................
بيوم جديد
فتح عيونه يناظر الواقف قدامه وفز لما تفاجئ بوجوده :- بسم الله علي وش تسوي انت ؟
