و دخلو كادي الطوارئ و غلا و فيصل ينتظرون و على أعصابهم
عند الباقين
رجعو لديرتهم نجد العذّيه و راحو بيت أبو متعب كلهم و كان البيت عبارة عن انهيار و خوف و توتر و كان الكل يحاول يهدي ام بشرى و محمد ماقدر يترك فيصل و راح له المستشفى
محمد : فيصل وش صار ؟؟
فيصل بضيق : ولا شي يا محمد دخلوها الطوارئ و ننتظر
محمد : يا فيصل مارح يصير لها شي لاتخاف و تتوتر و توترنا معك يا فيصل
فيصل انصدم لان كان طريقة محمد بالكلام كانّه يوضح لشي : يا محمد وش تقول انت لاتشكك فيني ترا بس خايف عليها لأنها بنت عمتي
محمد : ترا راعي الهوى مفضوووح مره مفضوح
فيصل ابتسم بضيق :
حتى ولو غبتي وراحت بك الأعوام
مكانك بقلبي ولاحد يطوله
حب الطفوله و ماتغيّرة الايام
و اصدق شعور الحب حب الطفوله..
كمل وهو يقول : اخخ يا محمد كنت احسب ان الغلا ضحك و مزوح و اثر الغلا بلوة احاسيس و جروح .
محمد طبطب على كتف فيصل : صح لسانك لابالله صدقت
و التفتو كلهم على صوت شي طاح
محمد : غلااا وش بلاتس يا أبوي انتي !!
فيصل : اسللممم وش صاير
محمد : يافيصل ناد النيرس غلا أغمى عليها
فيصل اتجه للنيرس و ناد عليها
جت النيرس : Wahy a happen?
*ماذا يحدث *
محمد : She is dead to find out why
*انها مُغمى عليها لأعرف لماذا *
النيرس قالت لمحمد يشيلها و يحطها على السرير
محمد شالها و حطها على السرير و النيرس فحصتها
النيرس : There is nothing serious,just go down by pressure,we will put a teed on it for an hour and a half,it will wake up
*لايوجد هناك شي خطير فقط نزول بالضغط سوف نضع لها مغذي بس ساعه ونصف سوف تستيقض*
محمد : Tanks
*شكراً*
نيرس : Welcome
*عفواً*
عند فيصل
طلعت له الدكتوره
فيصل : طمنيني
الدكتوره : لا الحمد الله مافيها شي ولكن نحتاج متبرع بالدم فصيلة A
فيصل : أنا فصيلة دمي A
الدكتوره: تتبرع ؟
فيصل : اكيددد
الدكتورة : تفضل معي
مشى مع الدكتوره و سحبو من دمه
وقف فيصل و كان مافي توازن
الدكتوره : ارتاح هنا شوي ماتقدر توقف لان تونا سحبنا منك دم
فيصل جلس بصمت
بعد ساعتين:-
غلا كانت صاحيه من زمان و جايه تتطمن على كادي
غلا طلعت من الغرفه الي فيها كادي : فيصل كادي صحت و تبيك شوي
فيصل قام على طول بدون رد و دخل الغرفه وسكر الباب : سمي ؟
كادي : غلا قالت لي الي صار و حبيت أشكرك على الي سويته
فيصل ابتسم بخفه : مابينا شكر و الي سويته واجبي و انتي بنت عمي اكيد بساعدك
كادي ابتسمت
دخلت الدكتوره و ابتسمت : ما شاء الله صحيتي ياحلوة يلا بس بعطيك مغذي و لما يخلص تقدرين تطلعين بس انتبهي على الخياطه الي براسك لا تنفك و رح اصرف لك كريمات و أدويه و لازم تلتزمين فيها
كادي ابتسمت : ان شاء الله
الدكتوره اشرت على فيصل : زوجك ؟
كادي فتحت عيونها بصدمه و حطت يدها على فهما : ل لا لا لا فأهمه غلط يادكتوره ذا ولد خالي
فيصل ضحك
كادي استغربت ليه يضحك بس عدتها
الدكتوره بفشله : معليش حسبته زوجك و حطت المغذي على كادي و طلعت على طول
اماً عند محمد و غلا
غلا كانت جالسه على الكراسي الي برا
محمد تقدم لغلا : غلا
غلا لفت له و همهمة له : همم
محمد ابتسم و جلس جنبها : لو تقدمت لك بتوافقين ؟
فتحت غلا عيونها بصدمه : محمد وش تقول انت مو وقته أبدا
محمد : يا غلا مارح اصبر بتقدم لك رح توافقين ولا لا معليك بالوقت انتي
غلا انحرجت و ماعرفت ترد و بدون تحس : هزت رأسها بالموافقه
محمد ابتسم ابتسامه عريضه و هو داري ان غلاه مارح ترفضه
تقدم يطق الباب على فيصل
فيصل كان بالغرفه ينتظر كادي تخلص مكالمتها مع أهلها عشان يأخذ جواله منها و سمع صوت دق الباب فتح الباب : هلا محمد
محمد : اسمع برجع البيت و بآخذ غلا مع و نروح وانتو إذا خلصتو الحقونا
فيصل ماركز بكلام محمد مره بحكم ان غلا اخته و هو ولد عمه و غلا بأمان ما عليها خوف : زين يلا حنا بعد مارح نطول بس بنتظر يخلص المغذي و نرجع البيت
محمد تقدم يهمس بأذن فيصل : عاد استغل الفرصه دامكم لحالكم
فيصل فتح عيونه بصدمه و ضرب كتف محمد بمزح : اعقب وش قصدك ؟
محمد ضحك : كلمها عن الموضوع و ركض قريب فيصل يمسكه
فيصل ضحك بخفه و رجع للغرفه : كادي
كادي همهمة له : همم
فيصل : أنا بطلع عشان تأخذين راحتك وأنتي تكلمين أهلك إذا خلصتي ناديني
كادي : تمام
طلع فيصل و مالقى أي من غلا و محمد لأنهم مشو
عند محمد و غلا
كانو بسيارة و كانت غلا جالسه ورا
محمد مشغل المسجل و يدندن و يغني مع المسجل :
والله و تحقق منايا شوفو حبيبي معايا
يأهل الحسد و الوشايا سعادة القلب
وياه و الماء يعود لمجراة.
و كان يغني من كل قلبه مع الاغنيه و يعبر لغلا عن فرحه بموافقتها عليه
و كانت غلا تعرف انه يغني ذي الاغنيه لها و كان من داخلها فرح مو طبيعي
عند فيصل و كادي
خلص المغذي و صرفت لها الدكتوره علاجات و كريمات تجيبها من الصيدليه
فيصل و كادي وهم طالعين من المستشفى
فيصل : اركبي السياره بروح الصيدليه الي جنب المستشفى و اجي
كادي اكتفت بانها تهز راسها بس قبل يروح فيصل تكلمت بصوتها الانوثي : فيصل
فيص انشلع قلبه من نطقها لاسمه و صوتها الي دخل قلبه و لف لها : سمي ؟
كادي : محفظتي مو معي بس إذا جيت قلي السعر عشان أعطيك إذا رجعنا
فيصل عقد حواجبه و تكلم بصوته الثقيل : مو أنا الي أخليك تدفعين والله ثم والله ماتعطيني ريال و أنا إلي بدفع
كادي ابتسمت و بانت غمازتها و هزت رأسها و اتجهت للسيارة
فيصل اتجه للصيدلية وهو منشلع قلبه من صوتها و ابتسامتها و غمازتها
خلص فيصل و دفع و اتجه للسيارة و حرك و كانت كادي راكبه ورا و هم بطريق امطر مطر خفيف و الجو كله خيوم مع هبت الريح الخفيفه الباردة بدأ فيصل يقول شعر و كان مقصده بذا الشعر هو كادي و بدأ يقول بصوته الثقيل :
"جعل السحاب الي مع برق و رعود
يمطر على دارً وليفي سَكنها يسقي
وطن منتوّقة العنق يا سعود مالي
وطن بالعارض إلا وطنها قلبي غدا
و ستيسره ليّن العود محدً يفك
القود ياسعود منها "
كادي أعجبها الشعر مره كسرت الحاجز و قالت بانبهار : طلعت شاعر Wow Amazing أعجبني الشعر ذا
فيصل ضحك بقوه : وش تقولين انتي الحمد الله و الشكر بس
كادي ضحكت على ضحكته : وش فيك ياخي والله أعجبني بس من الشعر ذا شكلك تحب صح ؟
فيصل ابتسم و قرر يكسر الحاجز : اي احب
كادي شهقت : أوف مين ذي الي حبيتها الله يعينها نعرفها من قرايبنا ؟
فيصل ضحك عليها : اي من قرايبنا
كادي : علمني مين هي ؟
فيصل : لا مارح اعلمك مابي احد يعرف
كادي : تكفىىىى مارح اعلم احد صدقني سرك فبئر على الأقل قول لي اول حرف من اسمها
فيصل انشلع قلبه من صوتها وهي.تقول تكفى و نطق: خلاص بقولك او حرف من اسمها حرف ( ك )
كادي عقدت حواجبها و قعدت تفكر مين ذي
فيصل ضحك بخفه : فاهيه صدق
كادي : ياخي مين ذي مافيه غير كيان و كيان أختك مافيه وحده تقرب لك بحرف ( ك )
كادي كانت تقول الكلام وهي متناسيه جداً ان اسمها يبداً بحرف ال ( ك )
فيصل ضحك من فهاوتها : يلا وصلنا انزلي و فكري عاد مارح المح اكثر من كذا و الي قلته لايطلع لاحد
كادي : أفف تمام و نزلت بتأفف
ابتسم فيصل على حركاتها الطفوليه و طفا السياره و قفلها و نزل و دخلو بيت أبو متعب
كادي اتجهت لامها الي كانت منهاره بكي و حضنت امها ونطقت : ماما ليش البكي أنا قدامك مافيني شي
ام بشرى : الحمد الله يا يمه و الله اني كنت خايفةً عليتس
و بذي الحضه دخل فيصل
ام بشرى نطقت : يا فيصل وش قالو وش فيها
فيصل : مافيها إلا العافيه و بس 11 غرزه برأسها و لازم تنتبه و نستعمل الادويه الي عطتها الدكتوره بانتظام
ام بشرى : ياويلي غرز
كادي : ماما مافي شي اهم شي اني بخير
ام بشرى : اي والله اهم شي انتس بخير و انت يا فيصل الله يجزآك خير يا وليدي تعبناك
فيصل ابتسم : لا والله مهنا كلافة و تعب راحه يا عمه
و كادي سلمت على الكل
كادي : بنات الحقوني فوق لغرفتي بقول لكم شي
كادي وقت أغرقتها و شوي و لحقوها البنات
غلا : بسم الله فيه شي ؟؟
كادي جلست و حولها البنات
و قالت لهم كل شي صار و عن ان فيصل يحب و انها ماتدري من ذي البنت و فيها فضول و انها ماعرفت ذي البنت ابداً و تتسأل إذا فيه وحده منهم تعرف ذي البنت
البنات ضحكو بقووه
كادي : وش فيكم بنات أتكلم من جد
غلا : ياغبيه يقصدك انتي
غرام : صدق فاهيه
كيان : كيف ما استوعبتي انها انتي
كادي جتها لحضة ادراك انها هي المقصوده فعلا ً و انصدمت : لا لا لا مستحيل هو يكرهني مستحيللل
غلا : ( كان ) يكرهك و ركزي لي على كلمة كان يعني زمان أنا الحين كلنا ملاحظين انه يحبك و دايم يكون ملهوف انه يشوفك
و استمر الحديث بين البنات و بعدها كل وحده اتجهت لغرفتها و كادي بدت تتجهز للنوم و تسوي سكين كير على تسريحتها و مشغله أغاني و كانت لسى مصدومه ولكن فرحانه لان حتى هي استوعبت انها تكن لفيصل شوية مشاعر كانت مشغله أغاني و تغني :
اكيد انه علي ولهان مثل ما أنا عليه
ملهوف احبه وحبي له عنوان اصيل
و يذكر المعروف حبيبي و اعرف اطباعه
زعله مايدوم له ساعه .
و خلصت السكين كير و اتجهت لسريرها و نامت
