وقفت كادي بتطلع من المجلس
غلا : كادي وين رايحة ؟
كادي : بروح المزرعة اشم هواء
ام بشرى : زين انتبهي على نفستس يا يمه
كادي : أبشري
طلعت كادي من بيت ابو متعب متجهه لمزرعة ابو متعب
بين الأشجار و النخل كانت تمشي و شعرها يتطاير بسبب نسمات الهواء و سمعت صوت قطة صغيرة
اتجهت لمصدر الصوت و وقفت قدام شجرة عاااليه و ناظرت فوق و تلقى قطة صغيرة عالقه فوق الشجرة
كادي : ياعيوني وش موديتس فوق يا حياتي خلاص بنزلتس الحين
ناظرت كادي طول الشجره و بلعت ريقها بخوف
بس كانت مصره تساعد القطوة
وبعد محاولات كثييره انها تتسلق الشجره اخيراً قدرت و تسلقت و اخذت القطوة و جلست على غصن سميك و جلست تلعب مع القطوة بعدها ناظرت تحت و شافت ارتفاع الشجره وهي فوقها و كان مرعب جداً
نطقت بخوف : يمامي عالي مره كيف بنزل الحين ؟؟
عند فيصل
كان بالمطبخ يشرب مويا خلص و اتجهه للمجلس و دخل و يدور كادي بعيونه مالقاها اشر لغلا تلحقه و طلع
غلا وقفت بتروح لفيصل تفاجئت بالبنات قامو معها
غلا : هي هي ترا ناداني أنا مو انتو !
انغام : مدري بس اكيد رح يسألك عن كَادي و نبي نعرف وش بيقول
كيان : اي نبي نعرف
روان : أنا مارح اجي معكم بس علموني وش قال
كيان : ليه ؟
روان : بروح للإسطبل
انغام : تمام يروحي معليتس بنعلمك بكل شي البنات راحو لفيصل و روان استأذنت من امها و راحت الإسطبل
عند البنات غلا راحت لفيصل وقفت قدامه و وراها البنات
فيصل باستغراب : ترا ناديتتس انتي مو هم
انغام : ندري بس نبي نعرف وش رح تقول
كيان : اي نبي نعرف وش بتقول عن الحب و غمزت له
فيصل فتح عيونه بصدمه من كلام كيان
البنات ماسكين ضحكتهم من وجه فيصل المصدوم
فيصل : قالت لكم ؟
انغام انصدمت وهي تحسبه رح ينكر أنا غلا و كيان يعرفون اخوهم مارح ينكر
غلا : اي حنا أجبرناها و قالت لنا المهم وش بغيت ؟
فيصل : وينها ؟
غلا : بالمزرعة
فيصل : تمام بروح لها و اي احد يسأل عني قولو ماندري و انتو لاتجون هناك
كيان : ليه وش ناوي عليه 😉 ؟
فيصل ضحك بصدمه و ضرب راسها بخفه : اعقلي يا كيان اعقلي
ضحكو و رجعو للمجلس و فيصل راح للمزرعه
عند كادي
حاولت تنزل اكثر من مره بس عجزت وهي خلاص تكه ورح تبكي سمعت صوت خطوات التفت لقت فيصل وهو يتلفت يدورها صرخت : فيييصل فيصل
فيصل سمع صوتها ونطق : كادي وينتس ؟
كادي : فووق فوق
ناظر فيصل فوق و شافها فوق شجره عاليه
فيصل : وش جابتس هناك ؟
كادي بصوت باكي : كنت بساعد القطوة و عجزت انزل
فيصل حس الضيق و الحزن بصوتها و نطق : خلاص معليتس بساعدتس اول شي ارمس القطوة علي و أنا بمسكها
كادي رمت القطوة عليه و مسكها و نزلها بالأرض
وفتح يدينه لكادي و نطق : اقفزي و بمسكك
كادي : لا لا مستحيل رح اطيح المكان مره عالي !!
فيصل : ماتثقين فيني ؟ مستحيل يجيتس أذى و اتا موجوده معليتس اقفزي و خلي الباقي علي
حست كادي بالأمان شوي : تمام بقفز
حست بخوف و توتر بس غمضت عيونها و سمت بالله وقفزت و مسكها فيصل فتحت عيونها بشويش وناظرت نفسها باحضان فيصل
ناظرت عيونه الي تناظرها و طالت النظرات بينهم بعدها استوعبت كادي و نطقت : ممكن تنزلني ؟
نزلها بهدوء شكرته كادي و توجهت للقطوة ونطقت : يمامي واضح انك جوعانه معليتس الحين نروح البيت و أكلتس اخذت القطوة اتجهت لفيصل و نطقت : نرجع ؟
فيصل ابتسم : نرجع
و مشو مع بعض
