التفتو على كادي وهي تصرخ : ساعدوونيي
و كان فيه كلب يلحق وراها و هي تركض و تستنجد فيهم
و غلا و كيان و انغام ميتين عليها ضحك
و فيصل ماسك ضحكته و راح شال غصن شجرة كبير و بدأ يوخر الكلب فيه لين الكلب خاف وراح
كادي جت عندهم وهي تلهث من التعب و تقول لهم : اخخخ يا حقيرين تضحكون و تاركيني أواجه الموت بغى يأكلني ذا السلقي
و يموتون عليها ضحك و فيصل معهم و كان لأول مره يضحك بقوة غلا كانت تضحك وهي ملاحظة تغير فيصل الواضح جداااً
و رجعو لباقي العيال و راكان و هتان و فارس و ريان مسكو البنات طقطقة و رجعو البيت و نامو عشان بكرا يصحون بدري لان يوم جمعة و يوم الجمعة لها طقوسها الخاصة ببيت ال راشد ( ابو متعب )
صباح اليوم الثاني
صحت كادي من بدري وهي كلها طاقة و حياوية قامت راحت الحمام ( اعزكم الله ) و أخذ لها شاور و طلعت و سوت اسكن كير لبشرتها و لبست لبس بسيط و طلعت نزلت تحت لقت انو محد صحى من العائلة المجلس تنظفه لان اليوم رح يجتمعون فيه الكل بحكم ان اليوم الجمعة جابت المكنسة و بدأت تكنس الأرض و مروقة و تغني بصوتها الشجي :
سمو عليه قلبي ما بين أيديه....
و روحي متعلقه فيه بالأمس ...
واللي ياي واحد حبيبي واحد ...
يسوى له ناس وأيد يكفي احس ....
وجوده فيه دنياي .....
و تتمايل مع المكنسه و تحرك كتوفها و شعرها يتحرك معها يمين و يسار
عند فيصل الي صحى بدري قبل الكل و قام لبسه و اتجه لبقالة الديرة عشان يجيب الأغراض الي وصته أمه يجيبه عشان قهوة يوم الجمعة راح لبقالة الديرة و مالقى كل شي و اتجهه لأقرب بقاله بالمدينة و حصل الأغراض اخذها و رجع الديرة تحديد بيت ابو متعب و دخل و ما كان فيه احد صاحي و البيت هادي ما عاد صوت محبوبته الي صادي بكل البيت اتجه لمصدر الصوت و دخل و تمنى انه مادخل بسبب المنظر الي شلع قلبه من اقصاه و كان فاهي فيها و بجمالها و يرقصها و بصوتها و بخصرها هايم فيها جداااً
عند كادي حست بوجود شخص وراها التفتت بوجود فيصل قدام وجهها و يطالع فيها و فاهي تعدلت بوقتها و ابتسمت بتوتر و نطقت : صاحي بدري ليه؟
مارد عليها وهو إلى الآن فاهي فيها
كادي لوحت بيدها على وجهه و نطقت : فيصل
فيصل نطق بكل حب و هيمان : لبيه عيوني ؟
كادي خدودها حمرت من كثر الخجل و سكتت
فيصل استوعب على نفسه اعتدل بوقفته و نطق : اقصد هلا عيدي وش قلتي ؟
كادي ردت وهي إلى الآن مو مصدقه انها هي الي هو يحبها : قلت غريبه صاحي بدري ؟
فيصل : اي صحيت جبت الأغراض الي وصتني امي حقت الحلا
و عطاها الكيس
كادي اخذت الكيس و نطقت : يعطيك العافية
نطق : الله يعافيك
طلع عشان تأخذ راحتها
كادي كملت تكنس بس بدون تغني و ترقص لأنها خلاص تابت ماتبي يدخل عليها فيصل مره ثانيه وهي بهاذا الشكل
و نطقت المجلس كامل و فهاذي الفتره بدو يصحون العائلة على شوي شوي
خلصت كادي راحت المطبخ لقت البنات موجودين و طبخو مع بعض الاحليه و القهاوي بعدها الكل راح يتجهز على خفيف لان جيرانهم ام روان و ام عبدالعزيز جايين عندهم
تعريف بسيط
ام روان : هيلة/ حبوبة و نحب بناتها و عيالها و تفزع للكل و دمها خفيف عمرها 43
ابو روان : يوسف / يحب بناته و عياله بس اهم شي عنده الاحترام و إنسان محترم و متحفظ و اهم ما عنده راحة باله و راحت عيال و بناته و زوجته و عنده معارف كثير عمره 46
روان البكر و الوحيدة : فلاوية و لطيفة و وحدة حبوبه و عسل و الكل يحبها انسانه اجتماعيه و تدخل مع الناس على طول و راعية فزعات زي امها عمرها 18
-
ام عبدالعزيز : سلمى / على نياتها و هاديه و اهم شي راحة بالها عمرها 41
ابو عبدالعزيز : عزام / انسان فلاوي و خفيف دم و الكل يحبه و على نياته عمره44
عبدالعزيز البكر و الوحيد : شايل أمه و أبوه شيل و بار بامه و أبوه و فلاوي و حبوب عمره 23
-
نرجع
راحو البنات يتكشخون كشخه اقل مايقال عنها عاديه
و رجعو الكل و جلسو بالمجلس بانتظار ام روان و ام عبد العزيز طبعاً رح يجلسون الرجال و الحريم مع بعض بالمجلس بس الرجال بجهه و الحريم بجهه و الحريم الكبار متغطيات الا كادي و البنات لأنهم مو محجبات
و وصلو ابو عبد العزيز مع أهله و ابو روان مع أهله
ابو متعب : يا فارس قوم افتح الباب للضيوف
فارس : ابشر يا جد
قام فارس وفتح الباب للضيوف و دخلهم للمجلس
ابو متعب : حيا الله من جانا نور البيت
ابو عبدالعزيز : الله يحيك
ابو روان : البيت منور باهله
و بدت السوالف عن العلوم عند الرجال و عند الحريم
روان اتجهت للبنات حضنتهم و سلمت عليهم كيان : واااييي رواني اشتقتلتس
روان : ياعيوني و أنا بعد اشتقتلتس با قلبي
و بدت السوالف و التراحيب
كذالك عند عبدالعزيز راح عند العيال و بدو يرحبون فيه
محمد : ياولد وراك ما عاد تجينا
عبدالعزيز : اشغال ياولد العم
فيصل : معذور ياعزيز و حنا عارفينك ياخوي
و بدت السوالف كذالك
لين فجاءة بدأت أصوات البنات تعلى و تطلع
التقت الجد عليهم و نطق : ابك ذولي وش جاهم مسهم جني !
هتان مسك ضحكته
ام متعب : يا بنات وش جاكم وش صاير
غلا : رواني ياخي قلت لك كَادي أنا اقرب لها
روان : غلوي لاتجننيني قلت لك كَادي اقرب لي منك أنا دايم معها وين ماتروح
فلاش باك بداية الهوشة
غلا : بنات عرفتو ذيك بنت مضاوي جارتنا كبيرة السن قالو ان بنت مضاوي خلعت زوجها و سافرت برا السعودية عشان شافته يخونها
روان : لا لا غلط سمعت إنهم قالو زوجها هو الي طلقها و من بعدها سافرت لبلدة اوروبيا
غلا : مين قال محد قاله الكل قاعد يقول نفس الكلام الي قلته
كيان : بنات كأن الوضع بدأ يشتد
انغام : هدو ترا الموضوع مو مستاهل
كادي : بنات وش فيكم ترا سالفه تافه لاتكبرونها
غلا التفت على كادي و نطقت : كادي انتِ اكيد رح تصدقيني أنا صح ؟
روان التفت و نطقت : لا كادي اكيد رح تصدقيني أنا أنا أقرب لك منها
-
نرجع للحاضر
ريان بهمس لراكان : حتى وهم متهاوشين يدلعون بعض
راكان مسك ضحكتهم
عبدالعزيز ناظر روان و مستغرب عصبيتها الي نادر تطلع
بدو روان و غلا يتهاوشون كادي مين تحب اكثر نطقت ام محمد : كل هاذا عشان كادي مين تحب اكثر ؟
نطق ابو محمد : هاذا كادي مو اي احد
نطق ابو فيصل : هاذي كادي روح البيت
نطق الجد : ذي أميرتي اكيد
قامت كادي تبي تلطف الجو بدت تغني و تهز كتفها بوسط غلا و روان :
انت تحبني و هو يحبني..
وانا بينكم حيرانه ...
بس الشاطر مايزعلني .....
و يكسب قلب السلطانه ...
و تهز بكتوفها و تضحك
قام الكل يضحك على جنانها و حركاتها حتى غلا و روان ضحكو
غلا صفقت راس كَادي بخفيف و نطق : خبله صدق يلوموني بحبك
روان نطقت : عسل والله هالبنت
و رجعو يضحكون و يسولفون و يطقطقون ....
هاي بنوتات ادري طولت عليكم مره و ادري ذا البارت قصير مررره بس دايخه بنام و اليوم يوم الجمعة لما أصحى بكمل كتابه و بنزل
