غمرة حنين

2

« بالسياره »
" كانت مسك متوتره لانها عارفه ان اخوها مايحب طلعات الليل وقالت بمحاوله منها لتلطيف الجو: سعّودي علومك؟
"طلع فيها سعود بنظره كفيله انها تخلي مسك تسكت سنه قدام وقال لها: علومي بتشوفينها بالبيت
"كانت مروج تعشق كل تفاصيل سعود حتى عصبيته وكانت تشكر الاقدار اللي خلت السياره توقف عليهم عشان تشوف سعود وقالت بمياعه: مشكور سعود على الجيه ماكان ودنا نتعبك
"تنفس سعود بغضب وهو يكره هالمياعه وكان فاهم لتصرفات مروج اللي كانت دايم تحاول تسويها لكنه يتغاضى مثل ماتغاضى الان عن كلامها ومارد عليها
"انقهرت مروج انه حقرها ومارد عليها لكنها فسرت التصرف بأنه يخجل يتكلم مع بنت مي محرمه له

«بالقصر»
" ركبت مروج الى جناحها ودخل سعود مع مسك الى جناحهم وقال الى مسك: صدقيني مابيحصل لك طيب اذا شفت نتايجك سيئه، خافت مسك من تهديد اخوها خصوصا انه قول وفعل وقالت: صدقيني السمستر الجاي بجيب درجات افضل بس تكفى لاتدقق هالسمستر
سعود: تطلعين وتهيتين طول اليوم وبعدين تتبكبكين؟ لو انك جالسه تذاكرين وجبتي درجات زفت والله كنت بكافئك بس انك تهيتين وبعدين تقولي مشيها؟ اايش الحياه بكيفك هو!!
مسك بغبنه: سعود تكفى والله اخر مره
سعود: طيب لو بمشيلك سالفة درجاتك تتوقعين امشي لك موضوع هياتك لآخر الليل!! شنو مماوراك اهل جالسه تهيتين لليل انتي وذيك اللي مابي اقول اسمها حتى!!
مسك وهي منزله راسها: استاذنت من امي
"اخذ نفس سعود وهو مايبي يصرخ بوججهها وقال: انتي تدرين ان امي ماتدري انك بتتاخرين والا كان ماخلتك عشان كذا لاتستعبطين علي بالكلام والحين فارجي غرفتك يلا
"راحت مسك الغرفه وهي عارفه ان سعود ماعصب عليها كذا الا من خوفه عليها عشان وقفت عليهم السياره بنص الطريق بالليل ولأن سعود هو المسؤول عنهم بغياب ابوهم ف ماكانت تشره عليه
"دخل سعود غرفته وهو قرر ينام عشان بكرا يكمل بحث بشغله اللي تركه بنصه بسبب مسك

ـــــــــــ
«في صباح يوم جديد ببريطانيا»
"كانت حنين جالسه بالغرفه تكلم صديقتها المقربه منها مارسيليا واللي تعرفت عليها بالجامعة وصارت صديقتها الوحيدة والمقربه
حنين تتكلم بالانجليزي: لا اصدق باننا انتهينا من الماستر اخيرا وغدا سوف نستلم الشهاده
مارسيليا: نعم خصوصا انت مع وضع والدك المتسلط لا اعلم الى الان كيف اقنعتيه باكمالك للدراسه
حنين: وانا ايضا اعتقد ان ذلك اليوم كان يوم حظي
"ضحكت مارسيليا وقالت: اذا ماهي خطتك الان
"تنهدت حنين وقالت: لا اعلم اعتقد انني سوف اقدم على شركات يمكنني العمل بها اونلاين كي لايعلم ابي بالموضوع
مارسيليا بتساؤل: بما ان اباك سمح لك بالدراسه لمذا سوف يمنعك من العمل؟
حنين: الدراسه سوف تشغلنا عنه وهذا من صالحه لانه يكره رؤيتنا ولأن جدي يتابع اخبار دراستنا لذلك اصبح مجبرا على السماح لنا اما بالنسبة الى الوظيفه من المستحيل ان يقبل بها لكي لانصبح اقوياء ونستغني عن حاجته وبالخصوص انه لايريدنا العوده للوطن كي لانفضح افعاله امام جدي لانه لو عرف سوف يسلب كل شيء منه
"حست مارسيليا بالحزن على حال حنين وقالت بضيق: اتمنى لو استطيع مساعدتك بشيء
حنين: لابأس يكفي انك تستمعين لي، وسمعت حنين صوت ابوها وقالت لها: الى اللقاء ماري
"ماري اختصار لاسم مارسيليا"
"كان ابراهيم ينادي حنين وراحت له
حنين: نعم يبه
ابراهيم: اظن بكرا تستلمين شهادتك
حنين: ايوا
ابراهيم: لاعاد اسمعك تبين تكملين شيء وولا تحلمين بالوظيفه الان بتنثبري بالبيت وولا ابي اسمع حس لك
"حنين ماكانت تقبل بالتسلط والتحكم من ابوها لذلك قالت بعصبيه: الا لو ابي اكمل دراسه اكثر ماراح تمنعني وراح اتوظف وغصب عن الكل
"طارت عيون ابراهيم وهو اصلا عارف ان حنين ماترتاح لين تسوي اللي براسها وقال ليها: من بكرا تاخذين شهادتك وترجعين البيت وبوريك كيف راح امنعك وكلمة زياده ووالله حتى الشهاده ماتستلمينها ياناكرة المعروف بدل ماتحمدي ربك وتشكريني اني سمحت لك تدرسين! هذا جزاي وهذا شكرك لي؟؟ والله ثم والله لارويك كيف تطولين لسانك علي وجا بيضربها لو ما ان هاجر وقفت قدامه وهي تقول: بس خلااص ماراح تقولك شي بتسكت بتسكت بس انت اجلس وصل على النبي
"ركبت حنين الغرفه وهي ماسكه دموعها وتقول لجود: متفضل علي!! يقول لي المفروض اشكره انه خلاني ادرس وهذا اصلا من حقوقي!! يبيني اشكره عشان شي خلاني اترجاه عليه وهو المفروض يدعمني عليه! قولي لي كيف هذا اب بدل مايفتخر فيني جاي يصارخ يذكرني بانه ممنوع اني اتوظف!!
جود: ماعليه ياحنيني تكفين لاتضيقين صدرك عليه والله مايستاهل تذكري انك بكرا بتستلمين شهادتك بعد تعب وجهد ومعاناه وتذكري انك قريب توصلين لمرادك وتخلينا نفتك من ابوي تكفين لاتتضايقين والله ان صدري يضيق عليك اضعاف
حنين بدموع: جود تدرين لما قال لي بكرا بتستلمين شهادتك؟ صار فيني ذرة امل بسيطه انه بيبارك لي؟ وكملت بابتسامة قهر، والله ماكنت ابي منه شيء بس عالاقل يبتسم لي! قولي لي اللي اطلبه كثير لهالدرجه؟ والله انه نكد علي انسدت نفسي من كل شيء
جود: ماعليك ياحبيبتي انتي انسي وانبسطي مو انتي اللي قبل يومين تقولين لي ماتعودتين على ابوك وصراخه؟
"تضحكت حنين بضيق على كلام جود وقالت: صح ويلا نقوم نساعد امي بالطباخ تلاقيها حتى هي ضاق صدرها
ـــــــــــ
«بالقصر»
"كان سعود يتجهز للدوام وطلع مستعجل وصادف مسك
مسك: صباح النور والنوير واوراق الشجر والطير على احلى سعّودي بالدنيا
سعود: صباح النور وكم مره اقولك لاتناديني سعّودي؟ شنو اصغر عيالك انا؟
"ضحكت مسك وقالت: سعّودي للحين زعلان مني؟
سعود: مو زعلان لكن على كلمة سعّودي بتخليني اكوفنك عليها الحين
"رفعت مسك يدينها وهي تقول: اسفين ياطويل العمر ابشر
"ضحك سعود وهو يقول: تقولين كل المسميات والالقاب الا سعود مصره ماتنطقينها
مسك بضحك: ياخي مقدر لازم افك هالجمود اللي فيك شوي
سعود: وتبين تقنعيني انك اذا غيرتي اسمي بينفك هالجمود على قولتك؟
مسك: ايوا والدليل اني ضحكتك من شوي
سعود: ماينقدر عليك انتي ولسانك اقول يلا مناك اخرتيني عن الشركه
مسك: بالتوفيق ياحبيبي، وطلع سعود