غمرة حنين

5

"كانت تتكلم وكأن حنين تسمعها كانت مصدومه بقوه وجود تسمعها وتبكي وحضنت امها وهي تقول يمه ايش بنسوي"
هاجر بنحيب: مدري الله ياخذني مدري ليت اني مو بهالحال الضعيف ليت عندي من يسندني ويساعدني
جود ببكاء: خلاص يمه اهدي اخاف يصير فيك شيء والله ماعاد اتحمل شيء زياده
"شدت هاجر على جود وهي تمسح على راسها": الله المعين يابنتي
وظلوا على هالحال بصدمه لين غفوا عالكنبه من كثر التعب
ـــــــــــ
«يوم جديد عند حنين بالسجن»
"صحت حنين بفزع من صوت الحارس وهو يقول المحامي وصل"
"قامت وهي مي عارفه كيف نامت اصلا، تحس ان هالليله مرت عليها وكأنها دهر من الخوف والتوتر ودخلت الغرفه، فك الحارس الكلبشات من يدها وقال معاكم ٢٠ دقيقه فقط"
"هزت راسها بإيجاب وجلست على الكرسي"
المحامي: مرحبًا انا المحامي الذي سيتولى امر قضيتك، قرأت الملف وفهمت القضيه لكنني اريد سماعها منك
حنين: لا اعلم عن شيء فقط قيل لي بانني متهمه بجريمة غسيل الاموال وبانه ثبتت علي التهمه لكنني لا اعلم كيف ولماذا ومتى حدث كل هذا!!
المحامي باستغراب: اذا تقولي بانك بريئه؟
حنين: بالتأكيد انا بريئه!! انا لم افعل شيء
المحامي بهدوء: يمكنك الوثوق بي
حنين باندافع: انا حقا لم افعل شيء لماذا لا احد يصدقني!!
"عقد المحامي حاجبينه وقال": اذا هل لديك تفسير لماذا توجد بصمات اصابعك على الاوراق؟
حنين بعدم استيعاب: عن اي بصمات تتحدث؟
المحامي: انت متهمه بهذه التهمه بسبب بصماتك اللتي ادانتك بهذه القضيه، يوجد اوراق الى شركات وهميه تم التعاقد معها وتمت الموافقه عليها من قِبَلك لأنك بصمتي على هذه الاوراق
"فتحت حنين عيونها بكل اندهاش": ماذا تقوول!! كيف حدث هذا!! وبدأت دموعها بالسقوط وهي تقول انا حياتي اقتصرت على المنزل والجامعه انا حقا لا اعلم ماللذي يجري انا حتى الشركه لم يسمح لي والدي بالدخول اليها ح حتى يوم تخرجي اخبرني بانني لا احلم بالوظيفه لانه لن يسمح لي!! انت ماذا تقول؟؟
المحامي: اذا كيف وصلت بصماتك الى الاوراق فكري معي قليلا!!
"هزت حنين رجلينها بتوتر وصارت تقظم اظافرها وهاذي كانت عادتها اذا توترت او عصبت وقامت تفكر"
"مسحت على وجهها وهي مو عارفه كيف وقعت بهالمصيبه وفجأه رفعت راسها وهي تشهق وتهز راسها ب لا"
المحامي: ماذا؟
"حنين ظلت تهز راسها ب لا وقالت بالعربي": مستحيل مستحيل توصل فيه الحقاره كذا!
المحامي: انا حقا لا افهم ماللذي تقولينه، انك لاتساعدينني على حل القضيه وليس لدينا وقت ارجوك ركزي معي
حنين: انه ابي!
المحامي بعدم فهم: وضحي اكثر
حنين: انا قبل مده استيقظت من النوم ورأيت لون ازرق على بصمة يدي لكنني لا اعلم كيف حدث هذا وتناسيت الموقف لكنني فهمت الان ان ابي هو اللذي فعل بي ذلك انا متأكده!!
المحامي: وكيف يعقل ان يأخذ بصماتك دون ان تشعري بذلك؟
حنين: بسبب انني اشرب حبوب منومه لانني لا استطيع النوم
تنهد المحامي وهو بدأت تتضح له الامور وقال: حنين انا اعتذر منك حقا ولكن قضيتك تعتبر خاسره
حنين ماردت من الصدمه واكمل كلامه: يمكنني اخذ تقرير بحالتك النفسيه بأنك تاخذين حبوبا منومه ولكنها ليست دليل كافي! فقط من الممكن ان يخفض من عقوبتك
حنين مسكت راسها وهي تحاول تتماسك لانها مو بوضع يسمع ليها بالضعف وقالت: ابي اكلم امي واختي
المحامي: لاتستطيعين الاتصال الان ولكن يمكنك اخباري ماللذي تريدينه لاقوله لهم"
حنين: اريد الاطمئنان عليهم بالتأكيد انهم يشعرون بالانهيار
هز المحامي رأسه بايجاب وقال: لك ذلك وايضا محاكمتك سوف تكون بعد يومان
"دخل الحارس وقال انتهى الوقت واخذ حنين يرجعها للزنزانه"
ـــــــــــ
«في السعوديه قصر آل محسن»
صحت هاجر من نومتها اللي تكسر الظهر بسبب انها نامت عالكنبه وجنبها جود ومسكت راسها بألم من الصداع اللي داهمها وقالت: جود يمه اصحي
"قامت جود وقالت": شفيك يمه
هاجر: راسي بينفجر ابي بندول تكفين قومي شوفي لي
"قامت جود ودورت بالمطبخ ومالقت شيء، تنهدت وقالت لهاجر": يمه بنزل تحت اشوف اذا عندهم
"هزت هاجر راسها بإيجاب وقالت": لاتتاخرين وانتبهي لنفسك
"نزلت جود وهي لسه ماتدل شيء بالقصر لانهم توهم واصلين امس ومن كبر القصر صارت تدور تدور بس ماتدري وين المطبخ وفجأه شافها فؤاد اللي كان نازل واستغرب من وقوفها وقال": صباح الخير
جود: صباح النور
فؤاد: تبين شي؟
جود باستحياء: ايوا ابي بندول
فؤاد ركز على ملامحها شوي وقال: شفيه خدك؟
جود بعدم فهم: شفيه؟
فؤاد رفع كاميرة جواله وصورها
فتحت عيونها جود وهي تقول: خيرر!!
فؤاد فتح الصوره وخلاها تشوف خدها اللي كان فيه اثر ضربه بسبب اللي صار امس
"توترت جود وماعرفت ايش تقول وقالت بتلعثم": صفقت بالباب عادي مو شيء مهم
"حس فؤاد بربكتها بس ما اعطى للموضوع اهميه وقال تعالي ادلك على درج الادويه ومشى ومشت وراه لين وقف عند درج الادويه ومد الباندول لها وقال: عسى ماشر؟
جود كانت تعرف تتكلم عربي بسبب امها اللي دايما بالبيت ماكانت تسمح لهم يتكلمون الا بالعربي لكن يظل بعض الكلمات تقولها بعربيه مكسره وغير انها ماتعرف ترد على اقوالنا المعتاده لذلك قالت: مافي شر
"ضحك فؤاد بخفه على ردها واعطاها الباندول"
جود كانت اكثر شيء تكرهه بالحياه ان احد يستهزأ فيها او يضحك عليها علطول تتنرفز ف رفعت حاجبها وهي تقول": خير قايله نكته انا؟
فؤاد ضحك اكثر على كلامها وهو يقول: ابد سلامتك وقبل ماترد مشى
"انقهرت جود اكثر انه ماخلاها حتى تكمل كلامها وضربت الارض برجلها بقهر وهي تقول هين وراحت تركب الى امها"
"دخخلت جناحهم وقالت لامها انتظري شوي بسويلك فطور عالسريع وبعدها تشربين البندول"
"هزت هاجر راسها بنفي وهي تقول": مابي اكل مالي نفس
جود: تكفين يمه والله انتي اللي دايم تقولين لنا مايصلح تشربون ادويه بدون ماتاكلون شي!
"تنهدت هاجر بضيق وقالت": طيب"
"بعد مده جابت جود الفطور لامها وبعد ما اكلت وشربت الحبوب قالت جود بخفوت": يمه ايش بنسوي الحين؟
"تنهدت هاجر وهي تحس ان الضيق جالس ينهش من روحها وقالت": اذا جدك مفكر ان حنين هي اللي سرقت فلوسه ف صدقيني مستحيل يتنازل عن هالقضيه انا اعرف جدك واعرف حبه للفلوس
جود: طيب نفهمه ان حنين مستحيل تسوي كذا!
هاجر: وتفكريه راح يصدقك؟ اذا ابوك بقده جالس يتكلم عن بنته بهالطريقه ويقول انه تبرأ منها تبين جدك يصدق؟؟
"شافت هاجر دموع جود المحبوسه بعينها وضمتها وهي تقول": بيحلها ربك يابنتي لازم نهدأ ونشوف حل
جود: وايش بايدنا حل واحنا مغلوب على امرنا بديره وهي بديره!
هاجر: تتوظفين
جود: اتوظف؟ انتي تدرين ان ابوي مانعنا
هاجر: اي مانعكم لاننا كننا ببريطانيا اما الحين حنا بالسعوديه واذا قلتين الى جدك تبين تتوظفين ماراح يمنعك
جود: وبعدين؟
هاجر: نجمع الريال على الريال لين نقدر نوكل محامي يخارج بنتي من هاقضيه
جود بصدمه: يمه تدرين باسعار المحامين!!
هاجر: ايوا عارفه بس تبيني احط يدي على خدي واقول والله مابيدي شي؟ بنحاول نسوي اللي نقدر عليه حتى لو كلفنا هالشي سنين اهم شيء تعرف حنين ان احنا ماتركناها
"هزت جود راسها بايجاب": صحيح يمه ماراح نستسلم للظروف وبحاول لين ترجع حنين لنا
هاجر: يارب انه يحفظها ويرجع بنتي لي سالمه غانمه يارب
جود: آمين
ـــــــــــ
«بعد يومين (يوم محاكمة حنين)»
"مامر هاليومين بسهوله بالنسبه الى حنين، ماكانت قادره تنام بسبب الاحداث اللي جالسه تصير لها وبسبب انها شايله هم حالة امها واختها اللي ماتدري عنهم شيء وغير انها ماتقدر تنام الا بحبوب منومه لذلك مر هاليومين عليها وهي ملازمها الارق والتعب"
"دخل الحارس وهو يقول لها عندك لقاء مع المحامي"
"كانت جالسه وتطالع بالارض واول ماقال لها الحارس ان المحامي ينتظرها قامت بلهفه وهي تنتظر خبر امها واختها واول مادخلت الى الغرفه على طول قالت": كيف حال اهلي ارجوك
"تنهد المحامي بخيبة امل وقال": لا اعتقد ان الاحوال تسرك
"خافت حنين وقالت": ماذا تقصد!
المحامي: لقد حاولت الوصول الى اهلك ولكنني لم استطع ذلك ولكنني علمت لاحقا بانهم تركوا بريطانيا ورحلوا للعيش في السعوديه
"هزت حنين راسها بالنفي بعدم تصديق وقالت": مستحيل!
المحامي: مع الاسف انني متاكد من هذه المعلومات
"صرخت حنين وقالت": انت تكذب!! مستحيل امي واختي لايتركوني ماللذي تتحدث عنه، ابي يمنعنتا من العوده للسعوديه اصلا، انت محامي فاشل! يجب عليك احراق شهادتك اريد محامي يخبرني بمعلومات صحيحه
"تنهد المحامي وهو مايلوم حنين على عصبيتها لانها بموقف لاتُحسد عليه وقال": اتفهم موقفك حقا ولكن لك الخيار بتصديق كلامي او لا بالاضافة الى ان الشركه اللتي تديرونها هنا تم عرضها للبيع
"كان من حنين الصمت من كثر صدمتها واردف المحامي بقول": التحاليل اللذي اُجريت لك اظهرت لنا حقيقة انك تستعملين حبوبا منومه ولكن هذا لايعني خلاصك ولكن احتاج منك اليوم ان تكوني قويه وسافعل مافي وسعي لتقليل حجم عقوبتك
"حنين ماكانت تفكر بحاكمتها كثر ماكانت تفكر بأن كيف امها واختها يتركوها! كانت تقول بخاطر نفسها مستحيل انا كنت دايما بظهرهم واكيد انهم مابيخلوني لوحدي بأول عتبه لي! كانت تعرف انهم يحبوها ومستحيل يتركوها بس ماكانت فاهمه ايش السبب القوي اللي بيخليهم يرجعوا للسعوديه ويتركوها كانت تحاول تدور لهم اعذار بس مي لاقيه!"
"وعت على سرحانها بسبب الحارس اللي كبل يدينها عشان ينقلوها الى المحكمه"
ـــــــــــ
«في قصر آل محسن»
"صحى ابراهيم من النوم وطلع من الغرفه وشاف هاجر جالسه عالكنبه ولافه راسها بشيلتها لكن ما اهتم وقال": اليوم في تجمع للحريم ولازم تحضرين
"ماجاوب عليه هاجر وهي تحس ودها تفجر فيه وابراهيم كان اكره ماعنده الحقران لذلك صرخ بغضب": تسمعين والا اجي اشد اذانك واخليك تسمعين زين!!
"فزت هاجر من صرخته وهزت راسها بايجاب"
وبعد ماطلع قامت هاجر الى غرفة جود وقالت لها تتجهز عشان ينزلون
ـــــــــــ
«في المحكمه»
"كان المحامي جالس يراجع الملف وهو يحس بغضب بسبب القاضي اللي يعرف انه مشهور بالعنصريه تجاه المسلمين وبأنه انسان غير سَوي"
"حنين وهي بدأت تحس ان قوتها جالسه تتلاشى وهي ماتدري ان هاذي بداية مصاعبها فقط، كانت جالسه وساكته تماما ماعادت تحس بشيء وهي صار لها يومين ماتنام ولاتاكل كويس"
"بدأت المحكمه"
القاضي: على حسب ملف القضيه تبين لي بأن المتهمه حنين ابراهيم آل محسن متهمه بقضية غسيل اموال واحتيال على شركة آل محسن
"رفع المحامي يده طلب للكلام وبعد ماسمح له القاضي قال": اريد تقديم اعتراض
القاضي: على اي اساس؟
المحامي: بسبب ثبوت توافر حسن النيه وعدم وجود ادله كافيه لتوقيع الاتهام وتنص الماده ٢٤ من نظام غسل الاموال والتي نصت على أن (لا تطبق العقوبات الوارده في هذا النظام بحق من وقع في مخالفته بحسن نيه) وان المدعى عليه في جميع الاحوال حتى لو افترضنا جدلا انه مخالف لاحكام هذا النظام فأنه يعد حسن نيه وموكلتي حنين قد ذكرت بأنه تم استغلالها في حين غفله وهي نائمه وتم وضع بصماتها بغير علمها وذلك بسبب تناولها لحبوب منومه بسبب معاناتها بالارق وفي الملف اللذي يوجد امامك لقد وضعت لك نسخه من التحاليل اللتي اجريت قبل يومان واللتي اثبتت تناول موكلتي لحبوب منومه مما جعلها لاتدرك اللذي حصل واطالب السلطات الفيدراليه بالمزيد من التحقيق بخصوص الامر والتلاعب اللذي يجري وشكرا.
"وبعد ادعاءات ومناقشات وقف القاضي لنطق الحكم"
القاضي: بعد الاستماع الى ادعاءات واقوال المتهمه، حكمت المحكمه المختصه بمصادرة الاموال المرتبطه بغسيل الاموال بموجب قانون عائدات الجريمة والاحتيال؛ بالسجن لمدة تصل الى ١٤ سنة وبسبب اثبات ادعاء المتهمه على انها تأخذ حبوب منومه ولانها دليل غير كافي تم تخفيض العقوبه الى السجن لمدة ١٠ سنوات الى المتهمه حنين ابراهيم آل محسن وتحويلها الى سجن سان كوينتن مع الاعمال الشاقه"
"فتح المحامي عينه بصدمه بسبب ان القاضي حكم بتحويلها الى سجن يعتبر من اخطر السجون بامريكا وكان عارف بقرارة نفسه انه سبب اتخاذه بقرار سجنها هناك هو انها مسلمه وعلى طول قال": اعترض
القاضي: اعتراضك مرفوض
"وتقدموا الحراس عشان ياخذوا حنين"
"اما بالنسبه الى حنين من قوة صدمتها وخوفها وحزنها ماكانت قادره تعبر عن مشاعرها حتى بالبكاء وهذا الشي يدل على قوة الصدمه اللي جالسه تعيشها، تساؤلات تجري بنفسها هو ايش وصلها الى هاذي المرحله؟ كيف الانسان بغمضة عين تتغير حياته، في نوع من الاشخاص كانوا اذا مروا بمشاكل يختاروا عدم تصديق هذه المشكله وهاذي طريقة هربهم من حل مشاكلهم وحنين كانت نفس الشيء، كانت تتوقع انها كم يوم وبتطلع من السجن وخصوصا انها عارفه انها بريئه! ولكن القرار اللي سمعته دخلها بحالة صدمه لدرجة ماكانت قادره على التعبير، كان المكان يعم بالازعاج لكنها تسمع مثل صفير باذنها وكانها ماعادت تسمع احد ولا تحس بأحد، كان شعورها الوحيد انها تبي تغمض عينها وتفتحها وتلاقيها انها كانت بحلم! لان مستحيل الشيء اللي جالس يصير معها!
ـــــــــــ
«في السعوديه»
سعود الى سليمان: جدي، اتصل المحامي وبلغني بانتهاء الجلسه
سليمان: بشر
سعود: حكموا عليها بالسجن لمدة ١٠ سنوات مع الاعمال الشاقه وحولوها الى سجن سان كوينتن بامريكا
سليمان بعدم احساس: اخذت جزاءها اللي تستحقه
"سعود صحيح انه كان مايحب بنات ابراهيم كثير ولكن لسبب يجهله كان يحس باحساس سيء ولكن قرر انه يتجاهل هالاحساس"

"عند هاجر اللي نزلت مع جود الى جمعة نسوان العائله وكانت تحس بشوية توتر لانها ماقد حضرت تجمعاتهم، هي اول ماتزوجت ابراهيم مباشره انتقلوا للعيش في بريطانيا وحتى ان السبب بتزويجها لابراهيم كان عشان مايروح لوحده وبعدها يمكن الشيطان يلعب براسه على قولة ابوه اللي كان يقول اخاف يروح ويرجع لي بحرمه كافره ف قرر يزوج هاجر اللي كانت بنت صديقه المقرب واللي توفى هو وامها واخوها بحادث سياره شنيع ادى الى انها تكون وحيده وعشان كذا قرر سليمان يضرب عصفورين بحجر بأنه يزوج هاليتيمه بنت صديقه الى ولده اللي بيتغرب"
"دخلت هاجر وقالت السلام عليكم بصوت جهوري و رد الجميع السلام"
امل: كيف حالكم؟ عساكم تعودتوا على المكان
هاجر: الحمدلله
امل: وكيفك جود مالك حس
جود: بخير
خلود: عسى ماشر يا ام جود (تعمدت تقول ام جود رغم ان حنين الكبيره بس عشان تبين لها ان حنين ماعاد لها وجود بعيلتهم) وكملت؛...

"اعطوها حقها"
"لاتنسوا النجمة ⭐️"