غمرة حنين

7

«في السعوديه قصر آل محسن»
سليمان بغضب على خلود: انتي مين قال لك تتكلمين اصلا!
خلود: وايش سويت يعني ترا مردها بتعرف!
سليمان: بس مو بهالطريقه!!
خلود: وانا ايش دراني انها ماتدري فكرتها تدري!
سليمان: اسمعي ياخلود ترا انا فاهم حركاتك زين وماحب الاستعباط وكلنا ندري انك تدرين انها ماتدري للان
نوره: خلاص يابو ابراهيم استهدي بالله وصار اللي صار لاترفع ضغطك وهاذي خليها عندي انا اربيها
خلود: تربيني عشاني بس تكلمت! يمه تبدينهم علي وهم ماصار لهم يومين من وصلوا!!
نوره بحده: اسمعي زين ياخلود علمٍ يوصلك ويتعداك ان شفتك تسوين حركات والله ثم والله لاحرمك من حضور هالجمعات، انا مابي مشاكل!! ماصدقت على الله ولدي يرجع لي ومابيه يروح عني فاهمه والا لا!!
خلود: اي ولدك اهم مني يعني؟
نوره: اذا تبين تتكلمين زي البزران اي ولدي اهم ويلا فارجي عن وجهي
"قامت خلود بغضب"
سليمان: بنتك هاذي الله يكفينا شرها مدري ايش تبي من المراه
نوره: الله يهديها ذا البنت تعبت منها والله

في جناح ابراهيم|
"كانت هاجر منسدحه عالسرير وجود جنبها تداريها لتعبها، دخل ابراهيم وقال": جود قومي اطبخيلي عشاء
جود: I can't لازم انتبه لامي
ابراهيم: امك طيبه وماعليها خلاف قومي
جود: قول للخدم!
ابراهيم: وانا مادري ان في خدم؟ انا ابيك انتي تقومين
هاجر بصوت تعبان: قومي يمه
جود: بس يمه يمكن تحتاجين شي
هاجر: طيبه انا قومي يلا
"قامت جود بدون نفس وتقدم ابراهيم الى هاجر وقال": اسمعي انا طفشت من الدراما حقك ابي بكرا اصحى اشوفك قايمه ومصلحه الفطور فاهمه؟
هاجر: انت مريض؟ ماتخاف ربك؟ أي دراما تتكلم عنها! انت مافيك احساس؟ كيف تقدر تحط راسك عالمخده بالليل وبنتك نايمه بالسجن ابي افهم!!
"ضحك ابراهيم وقال": لايكون بظل بدون نوم ١٠ سنين لين تطلع؟ اقول بلا مبزره خلاص عاد كلها ١٠ سنين وبتطلع، وبعدين تفكرينها زعلانه؟ اكيد انها بتنبسط وهي اذا طلعت من السجن بتعيش حياتها برا لوحدها وتسوي اللي تبيه
هاجر: شنو تسوي اللي تبيه وانتوا دمرتوا حياتها! ومين قال انها اذا طلعت بتعيش حياتها لوحدها! انا ابي بنتي
ابراهيم بحده: انتي مالك بنت غير جود حنين انسيها ومالها رجعه لحياتنا خلاص!
هاجر: مو بكيفك!!!
"كان ابراهيم بيرد عليها لو لا انه سمع صوت طرق الباب وقام"
"فتح الباب وشاف ابوه": هلا هلا تفضل ابوي ليه واقف حياك الله
سليمان: الله يحييك بس بغيت اتحمد بالسلامه لأم جود
"تمام تفضل والحين اناديها لك ودخل ابراهيم ينادي هاجر
"قامت هاجر بتعب وراحت تسلم على سليمان وتحب راسه"
سليمان: ماتشوفين شر يابنت الغالي عساك صرتي بخير؟
هاجر بهدوء: الحمدلله بخير
"ابراهيم نادى جود ولما جت وشافت جدها سلمت عليه وقال لها ابراهيم قهوي جدك"
"هزت جود راسها بالايجاب وبعد ماقهوتهم قال الجد": سمعت من امل ياجود انك تبين تتوظفين
"فتح ابراهيم عينه بحده وهو يقول": لا يابوي ماعندنا بنات يتوظفون
سليمان بحده: ايش هالكلام يا ابراهيم! تبيها تجلس عله فالبيت مثل العله خلود؟
ابراهيم: محشوم يايبه بس ماله لزمه
سليمان: الا له لزمه وانا قررت اخليها تشتغل بمطعم فؤاد دام مطعمه راكد وهي تخصصها تسويق ابيها تحرك هالمطعم
ابراهيم بضيق: بس يبـ..
"قاطعه سليمان وهو يقول": لا بس ولا شيء ومن بكرا تبدا دوامها
"جود كانت تسمعهم وتحس ان الفرحه مو سايعتها وقالت": مشكور ياجدي
سليمان: مافيها شكر يابنتي اهم شيء تبيضين الوجه مابي سواد وجه مثل اختك اللي ماتتسمى
"تغيرت ملامح جود للضيق وكانت بتتكلم لو ما ابراهيم اللي اشر لها بالسكوت وهي تعرف لو خالفت كلامه مابتمر ليلتها على خير وقال": استأذنكم باكمل العشاء
سليمان: اذنك معك
ـــــــــــ
«في صباح يوم جديد عند حنين بالسجن»
"صحت من نومها اللي مايتسمى نوم بسبب انها تصحى كل شوي من كوابيسها ودخلت الحارسه عندها وهي تقول": اجمعي اغراضك سوف تنتقلين الى عنبر آخر
حنين: لماذا؟
الحارسه: هذا عنبر مؤقت لانه لايوجد سرير متوفر لك والان لقد توفر
"هزت حنين راسها بالايجاب وراحت تمشي ورا الحارسه ودخلوها الى زنزانتها اللي كان موجود فيها ٣ اشخاص وكلهم طالعوا فيها من فوقها الى تحتها"
"جلست على سريرها وقالوا لها السجينات": ماهو اسمك وماهي جريمتك
حنين: اسمي حنين وانا لست مجرمه
"ضحكوا كل السجينات بصوت عالي وقالوا بريئه صح؟
"هزت حنين راسها بالايجاب وتعالت ضحكاتهم اكثر وهم يقولوا": لايوجد مجرم يقول انا مجرم كلنا بريئون حقا
"خافت حنين من اشكالهم وسخريتهم وانسدحت على السرير وهي تعطيهم ظهرها
السجينات: ارتاحي ارتاحي انه اول يوم لك كلنا نشعر بك
"وما امداها تغمض عينها الا وهم يقولوا هيا وقت تناول الطعام"
حنين بقت على السرير ماقامت وتقدمت لها احدى السجينات وهي تقول الم تسمعي بأنه وقت تناول الطعام؟
"هزت حنين راسها بالايجاب وقال": لا اريد
"ضحكت السجينه وقالت": يوجد قوانين هنا واذا خالفتيها سوف يعاقبونك لذلك يجب عليك الذهاب لانه لاخيار لك في هذا
"تنهدت حنين وقامت ودخلت، صارت تطالع بالمكان كان فيه مثل البوفيه للاكل ولكن كله اكل مايشهي وتشوف اشكال السجينات اللي ياكل بشراهه واللي يتشابق مع احد بسبب انه اخذ مقعده واللي وكثير اشكال مُريبه، اخذت صحنها وتقدمت تجلس على اكثر طاوله كانت شبه فاضيه بس ماكملت جلوسها بسبب الشله اللي احاطوها وقالوا لها": كيف تجرؤين الجلوس في هذا المكان؟
"توترت حنين وحست بخوف منهم وقالت": اعتذر لم اكن اعلم بأنه لاحد وقامت بسرعه تغير مكانها قبل لايضروها ولما جلست خلت صحنها بعيد عنها لانها مو ناويه تاكل لكن تقدم لها الحارس وقال لها": لماذا لاتأكلين؟
حنين: لا اشتهي ذلك
"قدم الحارس الصحن لها وقال: انت مُجبره على الاكل حتى لو كنت لاتريدين
حنين: لن اكل لا اريد
"اخذ الحارس الملعقه ورفعها لها وهو يقول": سوف تأكلين او أأكلك بنفسي؟
"خافت حنين وماكانت تبيه يلمسها لانها مسلمه واخذت الملعقه منه بسرعه وحاولت تاكل وبعد ما انهت اكلها حست بغثيان وقامت تركض الى دورة المياه وصارت تستفرغ لحتى حست بأن اعضائها بتستفرغهم"
تقدمت لها كلوي "وحده من السجينات اللي معاها بالزنزانه ومكان سريرها فوق حنين" وقالت لها هل انتي بخير؟
"هزت حنين راسها بالايجاب"
كلوي: اسمعي انك هنا لست كما انت بالخارج، احذري على اي طاوله تجلسين عليها واحذري من مخالفتك للقوانين وحتى اوقات خروجك من الزنزانه احذري منها هنا مكان خطير وايضا لاتطلبي من احد خدمه لانه لايوجد شيء بالمجان هنا
"حست حنين بالراحه لها وقالت": لا استطيع التأقلم على هذا المكان انه ليس مكاني!
كلوي ضحكة بسخريه على حالهم وقالت: الكثير مننا يقول انه ليس مكانه ولكن الحياه حدتنا على ان نكون بمسمى مجرمين واذا استمريتي هكذا لن تعيشي لان هنا لايعيشوا الضعيفون
حنين: ماهي جريمتك؟
كلوي: سرقة بنك ولقد فعلت ذلك لانني احتاج المال لعلاج اختي المريضه ولكن تم القبض علي ولم استطع معالجتها ولقد توفت منذ فتره
"حست حنين بالضيق على حالها وقالت": الله يرحمها
كلوي باستغراب: ماذا قلتي؟
حنين: اتغمد لروحها بالجنه
"ضحكت كلوي: لا افهم ماذا تقولين ولكن يبدوا انه شيء جيد، وربتت على كتف حنين وهي تقول هيا لنعود الى الزنزانه
ـــــــــــ
«في السعوديه عند آل محسن»
كانوا البنات مجتمعين|
مسك: من رجع بيت خالي ابراهيم من بريطانيا والفعاليات ماوقفت من عندهم يعني، بنته تطلع سراقه وتنسجن وزوجته يجيها انهيار عصبي والبنت الثانيه بكل برود بتصير تشتغل مع فؤادوه
ريحان: وايش فيها اذا اشتغلت طيب؟
مسك: قصدي ان رغم حالتهم جالسه تفكر بنفسها وشغلها
مروج: الله يستر بس لاتسرقنا وهي تشتغل مثل اختها
ريحان: لا احسها طيبه ترا
مروج: ماتعرفينها يمكن تتصنع الطيب؟
ريحان: ويمكن ماتتصنعه!
مسك: سكتوا عورتوا راسي المهم شرايكم نقول لهم نبي طلعة شاليه والله طفشت من الاجازه
ريحان ومروج: تم
"طالعت مروج بالساعه وهي تعرف ان ذا وقت طلعته للدوام وقالت للبنات": استأذنكم يلا
ريحان ومسك: وين بدري!
"مروج": شويات وراجعه
"طلعت مروج وهي متعمده ماتلبس عباتها كانت شعرها طويل ومسويته ويفي وحاطه ميكب خفيف ولابسه فستان بنك مخصر يبين تقاسيم جسمها"
"خرج سعود مسرع وشاف حنين اللي كانت مسويه نفسها تلعب بجوالها ومش منتبهه، صد على طول وهو يستغفر ويقول بصوت عالي وبحده البيت مو خالي من الرجال اللي يبي يكشف ينقلع جناحه ومشى يطلع"
"طبعا مروج ماتضايقت لانها فسرت نبرة صوته بأنه غار عليها لا احد يشوفها وكانت مبسوطه لين شهقت بسبب امها اللي مسكتها من كتفها وهي معصبه وتقول": مرووجوو انا عارفه حركاتك وفاهمتهااا
مروج وهي جالسه تتوجع من قبضة امها: اه يممه شوي شوي شسويت انا!
خلود: شسويتيي؟ وتسالين بعد؟؟ الظاهر انا ماعرفت اربي زين، اسمعي يامروج والله لو شفتك بهالمنظر قدام هالعقيم مره ثانيه لاذبحك فاهمه؟
مروج: يمه لاتقولين عنه كذا!
خلود صفقت مروج على راسها وهي تقول: اقوول ونص! انا هالعقيم الجلمود مابيه ياخذك انا ابي لك الاحسن منه
مروج: انا راضيه!
خلود: لا مو بكيفك وقولي كلمه زياده وبقوم اقول لجدك اخليه يدفنك بارضك
"مشت مروج بعصبيه من كلام امها وهي متضايقه، كانت تحب سعود وتعشقه وتبيه بأي طريقه هي راضيه حتى بأنه عقيم"
اما عند سعود اللي كان واقف عند الباب وسمع كل شيء، تنهد بضيق وقال حسبي الله ونعم الوكيل، ماكان في احد يعرف بحقيقة موضوعه بزواجه القديم

في جناح ابراهيم|
"خرجت جود من غرفتها وهي تقول لامها": انتبهي لنفسك لاتتعبين حالك واي شي تبينه نادي الخدم
هاجر: انشاءالله وانتي انتبهي لنفسك ويارب يكون يوم موفق يسير عليك
"تقدمت جود وحبت راس امها وقالت": اميين
"وبعدها طلعت جود اللي كان السواق ينتظرها وركبت وراحت الى مطعم فؤاد اللي بتشتغل فيه وبعد ما وصلت للمطعم طالعت فيه بانبهار من الديكور الايطالي ومن وسع المكان وواضح انه متعوب عليه"
"دخلت المطعم وشافت فؤاد اللي نسى ان جده قاله يوظفها عنده"
"تقدم فؤاد لها وقال": ايش تبين؟
جود: مقابل وجهك
"انصدم فؤاد من كلامها وقال": ايش؟
جود: يعني ايش ابي؟ جايه اشتغل!
فؤاد: اووه صح نسييت
جود: احتاج نجلس نتكلم عشان اعرف ليه المطعم فاضي ومافيه اقبال رغم انه مكان Very nice
"ضرب فؤاد صدره بفخر من نفسه وقال بغرور": طبعا بيكون نايس دامه ذوقي
"كشرت جود وجهها من غروره وقالت": يلا نبدأ شغل ومع الكلام اكتشفت انه مو مكلف على نفسه يسوي حساب للمطعم حتى! وتأفأفت وهي تقول: ياربي يبيلك شغل كثيير
فؤاد: انتي بس حركي المطعم ولك مني اللي تبينه
"انبسطت جود وقالت": اللي ابيه؟
فؤاد: اي
جود: احلف
فؤاد: والله شفيك مو مصدقه!
جود: تمام انتظر وشوف اجل ايش باسوي
ـــــــــــ
«عند حنين بالسجن»
"كانت منسدحه على السرير وتحس بغثيان"
كلوي: هل انت بخير؟
حنين: نعم
كلوي: من الواضح انك تعانين من شيء هل تريدين الذهاب الى الطبيب؟
حنين: لا
"ظلت كلوي جالسه بجانب حنين تنتبه لها لانها حست انها تعبانه وفي منتصف الليل جت وحده من السجناء و وقفت قدام زنزانتهم وهمست الى كلوي وهي تقول لها": تعالي ندخن
"هزت كلوي راسها بالايجاب وطلعت وكانت حنين فقط تحاول النوم لذلك شهدت على خروجهم وكملت بمحاوله للنوم"

في صباح اليوم الثاني|
"جلست حنين على صوت الصافره اللي تنبههم بوقت الفطور لكن شافت ان الكل يتهامس والكل في حالة فوضى او صدمه بالاحرى لكنها ما اهتمت وجت بتمشي الى مطعم السجن لكن توقفت خطواتها من المنظر اللي جالسه تشوفه!"
"شافت ان كلوي مقتوله بوسط الساحه وحاطين حوالينها اسوار تمنع العبور لها وجالسين يحققوا تجاه هالموضوع"
" كانت اول صدمه تتلقاها حنين بالسجن، كيف ماتت وهي توها امس جالسه معها!! ، حست بضيق يكتم انفاسها خصوصا انها الوحيده اللي ارتاحت لها بالسجن، كانت محتاجه شخص معاها، وصارت تسمع همساتهم بأنهم عذبوها وحرقوا وجهها وسوو لها اشياء كثير ولقوها مقتوله ومرميه بوسط الساحه"
"اتقشعر جسد حنين من بشاعة الوصف وهي مو قادره تتخيل كيف يسووا كذا! كيف يقتلوا نفس بريئه بهالطريقه!! حست انها مستحيل تنسى هالمشهد اللي جالسه تشوفه عيونها وتذكرت اللي صار امس بالليل وعلى طول تقدمت بغضب الى الحارس و قالت له": اريد التحدث الى مديرة السجن
الحارس: لماذا؟
حنين: بخصوص حادثة اليوم عن مقتل كلوي، وماكانت تدري حنين انها جالسه ترتكب غلطة حياتها
الحارس: حسننا
حنين: اريد ايضا لقاء مع المحامي الخاص بي
الحارس: سوف اقدم طلب لذلك وسوف يستغرق يومان
حنين: لابأس ومشت ورا الحارس اللي قال لها تمشي معه للقاء المديره"
في غرفة مديرة السجن|
حنين:...

"لاتنسوا النجمة 🌟"