غمرة حنين

6

خلود: عسى ماشر يا ام جود (تعمدت تقول ام جود رغم ان حنين الكبيره بس عشان تبين لها ان حنين ماعاد لها وجود بعيلتهم) وكملت؛ سمعت فؤاد يقول ان جود كانت تبي بندول
هاجر حست بالضيق لكنها حاولت ماتبين ضيقتها وقالت: الشر مايجيك كان شوية صداع والحمدلله الان بخير
خلود: الا ياجود ايش كنتي دارسه؟
جود: Marketing
خلود: وايش هذا يعني (خلود ماكانت دارسه بسبب كسلها وعشان كذا دايما ابو ابراهيم يقول لها انتي مامنك فايده غير انك تفسفسين الفلوس على قلة سنع)
مروج: يمه يعني تسويق
خلود: اوه اي فهمت، ومو ناويه تتوظفين؟
جود: الا بإذن الله
امل: ووين ناويه تتوظفين؟
جود: I don't know
امل: اجل اذا تبين بكلم ابوي يشوف لك وظيفه
"حست جود بالفرحه وقالت": I will be happy about that.
"قرصت هاجر جود بالخفاء وهي تهمس لها": تكلمي عربي كم مره اقولك!!
جود وهي تحك مكان القرصه: احح سوري يمه نسيت والله شفيك يالغاليه مافي تفاهم
هاجر: تستاهلين
امل: يمه ريحان قومي صبي فنجال قهوه لمرت خالك وبنتها
هاجر: مايحتاج لاتتعبين نفسك
ريحان: لا شدعوا مافيها تعب
"اردفت امل وهي تسولف وتقول: الصراحه ياهاجر ماشاءالله عليك استحملتي هالغربه كل هالسنين وانا ذيك السنه سافرت سويسرا شهر وقبل لايكمل الشهر حسيت اني مقدر اطول ااكثر من كذا ورجعت بسرعه!
هاجر: الانسان يتعود مع الزمن
"اردفت خلود بخبث": ماشاء الله عليك ياهاجر قوتك تُتدرّس شكلي بحاول اقتدي فيك
هاجر بعدم فهم: تقتدي فيني قصدك ناويه تتغربين؟
"ضحكت خلود خفه وقالت": لا اسمالله علي! قصدي ان اليوم كانت محاكمة بنتك و انحكم عليها بالسجن ١٠ سنوات بس ماشاءالله عليك نازله تجلسين معنا تتقهوين وتسولفين شكلك تعايشتي عالموضوع بسرعه
"طاح الفنجال من هاجر بصدمه وجود ماكانت اقل صدمه من امها"
"قامت امل وهي تخز خلود بكل حده وقالت": انتي ماتعرفين تتكلمين!!
خلود بكل برود: وانا ايش دراني انها ماتدري؟
امل: الا تدرين بس متـ .. قطعت كلامها وهي تشوف ان هاجر اغمى عليها وجود اللي تصرخ
امل: ريحاان بسرعه نادي احد!!
"ريحان راحت تركض ومن شافت سعود قالت": مرت خالي ابراهيم طاحت علينا
سعود: شلون!!
ريحان بصراخ: بسرعه تصرف مدري شسوي!!
سعود بتوتر: بركب السياره وجيبوها بسرعه نوديها المستشفى
ريحان راحت تركض وقالت: سعود برا ينتظر بسرعه!
"حاولوا يشيلوها اما جود كانت من صدمتها واقفه بدون ماتسوي شي بس صحت على نفسها بسبب مسك اللي مسكت كتفها عشان تمشي معهم"
فؤاد كان توه واصل البيت وشاف الكل راكب سيارة سعود وكيف سعود يسوق وهو يركض وخاف ان جدته او جده صاير فيهم شي ولحق سيارة سعود وهو يدق عليه بس ماكان يرد

في المستشفى|
وصلوا ودخلوا هاجر بالطوارئ
ووصل فؤاد وراهم وهو يركض ويقول شصاير!!
امل باستغراب من وجود فؤاد: شدراك انت؟
فؤاد وهو يلهث من الركض: مدري شفتكم تركضون خفت جدي او جدتي صار فيهم شي، شصاير طمنيني!
"كانت امل بتتكلم الى فؤاد عن اللي حصل لكن قطعت كلامها من صرخة جود اللي فجأه انهارت عالارض تبكي، ركضت امل لها وهي تحاول تضمها وتقول حبيبتي جود اهدأي امك مافيها الا العافيه"
"كانت جود تهز راسها بالنفي وهي تبعد عن حضن امل وتصارخ": لاتكذبوون لاتكذبوون بسببكم انسجنت اختي والحين بتروح امي وبتخليني ادري بيخلوني كله منكم اتركيينييي روحوا عنييي"
"كانت امل تحاول تحضن جود بكل قوتها وجود تقاوم وهي تبكي وتصارخ باقوى ماعندها لحتى استسلمت بحضن امل وهي تقول بنحيب": تكفيين قولي لها لاتتركني تكفين والله ماقدر اعيش بدونها تكفين انا مو قادره اتنفس بدون اختي كيف بتحمل فراق امي والله اموت والله
"نزلت دموع امل بكسرة خاطر على حال هالبنت اللي شكلها تكتم ضيقتها لدرجة انفجرت عليهم بهالطريقه وصارت تمسح على راسها وهي تقول": مابتتركك مين قال بتتركك امك بخير مافيها شي اكيد ضغطها نزل بس انتي اهدأي اكيد ماتبين امك تشوفك بهالحاله وتخاف عليك صح!
"هزت جود راسها بالنفي وهي تسكر اذونها وتقول خلاص خلاص مابي اسمع شي ابي امي وحنين ابي اصحى من هالكابوس، راضيه بحياتنا القديمه خلاص يكفي يكون جنبي امي واختي
"كانوا ريحان ومسك وسعود وفؤاد يسمعون كلامها وضاق صدرهم على هالحال اللي تعيشه جود"
طلع الدكتور وقال: انتوا اهل المريضه؟
"قامت جود من الارض وهي تهز راسها ب أي وتقول" طمنني تكفى
الدكتور: المريضه الا بخير فقط جاها انهيار عصبي ولازم على المريضه انها ترتاح بأنها تنام كويس وتتجنب المنبهات والكافيين وتمارس الرياضه بشكل منتظم ومستمر ويكون افضل لو تخلوها تراجع دكتور نفسي
سعود: شكرا دكتور يعطيك العافيه
الدكتور: العفو
جود: دكتور اقدر اشوفها؟
الدكتور: ايوا بس كونوا هادئين وضروري تحافظوا على نفسية المريضه
جود هزت راسها بإيجاب ودخلت الى امها ومعاها امل اما الباقي جلسوا ينتظرون برا
ريحان بضيق: مسكينه كسرت خاطري!!
مسك: حتى انا حسيت نفسي ببكي معها، تخيلت نفسي بمكانها تتخيلين ريحان لو نفترق عن بعض كذا!
ريحان: مسك تكلمي زين! شهالكلام لاتفكري تطرينه حتى
مسك: شوفي منتي قادره تتحملين طاري الكلام اجل كيف البنت مسكينه!
"تنهدت ريحان وقالت": اي والله انك صادقه
سعود الى فؤاد: خذ خواتي رجعهم البيت وانا بجلس معهم
فؤاد: لا والله ماني برايح انا داري انك كنت رايح الشركه ومشغول ف انت رجع خواتك وانا بجلس هنا ماعندي شيء
سعود: طيب ونادى على خواته اللي عيو يرجعون ولكن سعود ماسمح لهم يبقون وقال لهم فالبيت تتطمنون عليهم